世事政情

　　【晴報專訊】古巨基（基仔）與MIRROR成員姜濤為網上音樂節目《Music Panda》演出，節目前晚上架，二人一邊獻唱，一邊分享內心感受。姜濤自爆十分沉迷基仔主演的劇集《情深深雨濛濛》，不但對基仔的咀戲甚為好奇，更即席扮基仔在劇中的抬頭小動作，認真搞笑。

基仔與姜濤神還原「何書桓」愕然抬頭的小動作。（網上截圖）

基仔主演的《情深深雨濛濛》深入民心。（資料圖片）

　　古巨基與姜濤因在電影《阿媽有咗第二個》中合唱《愛回家》結緣，前晚他們在《Music Panda》中分享在錄音室初次見面的情況。基仔大爆二人當時的話題與唱歌無關，姜濤笑說︰「因為我細個好鍾意佢部劇《情深深雨濛濛》，睇咗30幾次。」基仔說︰「佢問我『劇中啲kiss戲係咪真』？我話兩個嘴唇疊埋一齊，點會唔係真呀？」自小仰慕基仔的姜濤，笑指基仔的角色「何書桓」經常有一個小動作，「佢每次見到依萍同如萍，都係先望住地下，跟住『岳』高頭。」他邊說邊模仿，令基仔捧腹大笑，之後兩人更同步神還原「何書桓」的動作，相當搞笑。

基仔唱歌悼錢國偉

　　二人互相演繹對方的歌曲，基仔特別揀選姜濤的《Dear My Friend,》，他感觸說︰「揀呢首歌因為打動到我，你唱呢首歌係因為你朋友嘅故事，我聽咗後同樣代入呢份感情，令我諗起我哋嘅朋友，肥仔錢國偉，佢一定聽到。」姜濤唱出《致少年時代》，回想自己入行五年，「睇番自己覺得無咗當初嗰種天真，我以前做乜都唔理，但其實應該要三思而後行。」基仔讚姜濤單純可愛，「我眼中嘅姜仔係一個傻佬，佢試過有次急住講嘢叫我基仔，唔夠半分鐘後佢同我講『頭先唔應該叫你基仔，古Sir唔好意思』。」

　　提到入行遇到最開心及最沮喪的事，基仔打趣表示兩者都是認識到太太Lorraine；而姜濤表示，最開心的事是奪得《全民造星》冠軍，「由細到大我都無攞過任何獎，返學曳被人罰就最多，我讀書又差，任何獎項都唔關自己事；直到《造星》宣布冠軍嗰刻，覺得人生終於都有個獎，可以畀阿爸阿媽驕傲下。」姜濤初出道時依舊搭地鐵和巴士，直到《蒙著嘴說愛你》一曲後開始為人認識，「行街有人叫得出我個名，好似夢想成真，覺得開心同壓力都係一瞬間。」至於沮喪的事，姜濤認為是今年叱咤頒獎禮的失準演出，他迫自己重溫表演片段，「嗰三分鐘真係好漫長，預咗會失去好多嘢，甚至一個騷都無，我唔介意由零，甚至由負數開始。」基仔大讚姜濤︰「我最深刻係你會賽後檢討，同埋你覺得一定要睇番先過到心理關口，所以我覺得你好叻！」

身為「姜糖」的楊詩敏，特地到現場向偶像集郵。（IG圖片）

姜濤強迫自己面對及審視失準的表演。（網上截圖）

　　MIRROR自從做完演唱會後，12子各有單飛工作，繼盧瀚霆（Anson Lo）推出個人單曲之後，又輪到姜濤有新歌派台。姜濤今次以全黑打扮造型，顯得十分神秘。不過，網民對造型就有意見，令人聯想同一位前輩級歌手。

　　姜濤早前在IG透露，第十六胎新歌《Every Single Time》即將推出，率先公開了今次的造型。黑色西裝配黑紳士帽，而近日就再貼新相，公布新歌及MV的推出日期，MV宣傳片即將於6日正式播出，7日便會正式派台，晚上9時還會MV首播。

　　為了配合新歌的舞步，姜濤特別要去到台灣練舞，舞步中就見到他苦練接咪架以及接帽的動作，但這兩樣都考起姜濤，見他每次練習都出晒汗，而且有時做不到動作，都令他十分崩潰。練習期間太累，就直接坐在地上休息。姜濤在IG分享了片段，見到排舞師不斷指導：「你要跟道具跟你混熟，要混熟就需要時間。」

　　在練習過程中，惟一苦中作樂就是聽台灣人講廣東話。姜濤都好享受，因為現場包括排舞師都是台灣人，所以他們都一邊跳，一邊唱著姜濤的新歌，他笑言聽台灣人唱廣東歌，是很有趣的事。

　　近來，姜濤的外型都成為批評話題，從排練的時候至新歌造型，姜濤都把自己包得好密實，練舞時就算全身出汗，仍然著住厚長褸和牛仔褲。而MV全黑的造型，卻沒有一點的層次感，而這個造型可算是不太受落，不少人睇到相後都引發他們聯想到一位前輩級歌手。

　　這位80年代前輩歌手，就是擁有好多膾炙人口歌曲的蔡楓華。蔡楓華同樣是愛穿黑色西裝及戴差不多款式的紳士帽，而且以這款造型做演唱會海報多年。網民把姜濤和蔡楓華的照片放在一起出帖文，「懷疑姜濤團隊抄蔡楓華喎！你地（哋）話係唔係？」

　　其實姜濤的新造型，早前在網上已經被人談論，而且都有幾多人彈，於上月初，已經有人在帖文寫道，「以為係蔡楓華，原來係姜濤，難道又係向偶像致敬？」上一次姜濤由外表到身型都被指似《玩轉老朋友2》中阿尷一角，當時姜濤還不介意貼出自己照片比併，今次未知他會有何反應呢？