世事政情

　　【晴報專訊】容天佑在熱播劇《法言人》飾演見習師爺「Tony仔」，亦是劇中打手擔當，有不少發揮身手的機會。自小習武的他，入行初期未有機會發揮所長，只能咬緊牙關，直至獲得「Tony仔」這個幾乎度身訂造的角色，他亦好好把握，渴望有天成為武打演員。

　　容天佑在《法言人》中飾演的Tony仔，活潑又打得，贏來不錯口碑，他笑說︰「多謝監製、編審們畀機會我，角色話我係截拳道第三代傳人，而現實生活中我係第四代，感覺好貼切，好似度身訂造咁。呢個機會我期待咗好耐，劇集後半部分會有好多武打場面同救人戲份，我都唔需要替身，真係幾有滿足感，希望大家都收貨啦！」

容天佑在《法言人》一展所長，一下起飛腳令觀眾大讚真材實料。（電視截圖）

在《法言人》中飾演師爺Tony仔，令不少劇迷認識容天佑。（電視截圖）

跨境學童日日學武

　　從小習武，容天佑已想不起當時如何捱過艱辛練習，「爸爸話我自細身體唔好，加上佢係空手道高手，於是我四歲學跆拳道，八歲學截拳道。我細個一直住深圳，係每日去香港返學嘅跨境學童，過關好似趕鴨仔咁，放學一返到深圳屋企，就即刻換衫去訓練學校。講真，過關已經攰，一星期仲學足五日，一、三、五學跆拳道，二、四學截拳道。」因當時年紀太小，他不懂得埋怨，只知每次去訓練學校，都累得哭成淚人。

容天佑從小習武，一星期學足五日。（受訪者提供）

　　堅持練武，讓容天佑成長不少，更獲得少年黑帶。16歲時，他參加TVB《功夫新星》比賽獲第三名，完成中學課程後，選擇入讀TVB藝員訓練班，希望成為一位真正的武打演員。18歲正式入行，容天佑在《解決師》、《迷網》等劇集中，大多演學生或小混混，「以前出街好多人指住我，但噏極都噏唔出我個名，希望今次Tony仔呢個角色，會令大家記得我！」

容天佑16歲時參加《功夫新星》獲第三名。（電視截圖）

裝備自己靜待機會

　　容天佑感激家人支持他追逐演藝夢，他坦言沒想過要達到哪些成就，只管努力做好每次演出。「我曾經諗過，係咪我做得唔夠好呢，慢慢就覺得其實只係未撞啱角色，惟有努力做好演戲功課，同埋練好功夫，等機會嚟！」台上一分鐘，台下十年功，過去努力練功夫，磨劍多年後，總算在拍劇時大放異彩，「我幻想將來會拍一套劇，係由頭打到尾嘅，我知一定好攰、好辛苦，但只要觀眾覺得好刺激、拳拳到肉咁，我就覺得好滿足。我好想打，亦都好想被人打！我好多謝以前嘅自己，因為佢一直堅持無放棄，令我有今日；我亦好感恩呢一行畀到好多樂趣我，令我捱苦都覺得捱得開心。」

　　擁驕人身材趙璧渝（Osanna）有份演出的《逆天奇案2》播出後，她趁空檔近日周圍飛。她在520這個普遍情人會慶祝的好日子。在IG上分享一張在海邊食飯的照片，一邊睇日落一邊歎生蠔十分寫意。相片全程都由男友視覺拍攝，唔覺意放閃。

　　趙璧渝憑《法證先鋒IV》一幕天台除剩Bra戲嶄露頭角，之後主演《法言人》，飾演曾拍攝裸照L，之後被攝影師勒索公開裸照的當紅KOL。越來越受無線重視，早前，亦都有份出《逆天奇案2》。現實生活中，擁有33C驕人身材的她實在是乖乖女，入行以來絕少緋聞，默默耕耘專注工作，希望有一日做到好成績，來報答家人的支持。

　　在趙璧渝的私下生活，都甚少與異性交流，而家人就是她最大的支持者，當中她跟妹妹趙穎琪特別感情好，互相照顧。平時兩姊妹都多交流，又會一齊去玩，早前，趙璧渝就跟妹妹去日本賞櫻花，而且還去到她最喜歡的迪士尼樂園玩，夜晚更去涉谷觀夜景。

　　20日，是不少情侶的大日子，視這一日為情人節一樣，會刻意慶祝。趙璧渝就飽口福，在海邊餐廳一邊欣賞黃昏景色，一邊用膳，十分浪漫。她在IG嬌俏地拿著一條薯條寫道，「見係 #520 ，請你食一條薯條咁多。」

　　在朋友留言跌爆，「第一年的520，520快樂呀我的渝」，似乎踢爆了趙璧渝出Po成功在蜜運中。照片內，穿上低胸裝的趙璧渝，相片都由男友視覺拍攝。而餐廳現場，食物都是二人份量，分別有大牛扒和生蠔。

　　對於疑似秘密拍拖一事，趙璧渝接受本網回覆表示：「哎呀，真係唔好意思，要失望啦!我而家喺香港呀!今晚仲要去《逆天2》嘅慶功宴，嗰張相係之前同屋企人去旅行影嘅舊相，至於嗰位留言嘅朋友係一個好有心嘅女fans，佢意思係由佢開始支持我計嘅第一個520，haha.. 引起誤會。」趙璧渝還表示，她暫時想將重心放在事業上，感情事就惟有隨緣。