世事政情

　　【晴報專訊】馬德鐘（馬神）、陳煒、何廣沛及陳曉華（Hera）昨日拍攝新劇《非常檢控觀》拍賣會戲份，為角色刻意減磅的廣沛激瘦現身，更瘦到面頰凹陷，Hera大讚拍檔靚仔，但自言喜歡有肉地的男生，所以廣沛並非她「那杯茶」。

Hera不停狂讚何廣沛靚仔，

　　何廣沛與陳曉華今次已是第四度合作，Hera昨日一見廣沛即重複三次大讚「真係好靚仔」：「廣沛好fit，你睇佢（塊面）幾削，上鏡好靚。」廣沛在劇中飾演「變臉」後在韓國發展的藝人，為配合《非》劇及另一部劇集的角色需要，他連續吃雞胸及蔬菜80多日，加上狂做運動，成功減掉13公斤（28.6磅），他笑說：「拍完劇都會keep，被人讚靚仔喎！」Hera雖大讚廣沛靚仔，但強調不會過電，「雖然佢有『全新面貌』，不過太瘦喇，我鍾意有肉（男仔）多啲。」是否指緋聞男友羅天宇？她即說：「事業為重呀！」

何廣沛投入韓星角色咬手指。

馬神讚陳煒記性好

　　同場的馬德鐘及陳煒在劇中飾演舊情人，但關係複雜，馬神說：「我哋係叔嫂關係，因為我哥哥係第三者，佢娶咗煒哥，之後過咗身。劇情發展我哋應該唔會復合嘅，我哋之間無曖昧，但我對煒哥有啲愧疚。」馬神在劇中飾演檢察官，而煒哥則演大律師，兩人將有對簿公堂的戲份，煒哥更要背誦大量專業名詞對白，雖然煒哥自嘲記性差，但馬神大讚：「煒哥記性好好，幾頁法庭戲劇本好輕鬆講晒。」

馬神與煒哥繼《雙生陌生人》後再度合作。

　　此外，《非》劇預計在七月或之前煞科，馬神表示完成劇集後會返內地登台，他笑言︰「疫情下呢幾年（登台）都停滯咗，所以要趁依家重新啟動。其實我都有飲歌，好似劉德華、張國榮嘅歌都會唱。」

張馳豪獲粉絲送台式飲品應援劇組。

　　由馬德鐘、黃智雯、張曦雯、羅天宇、徐榮、 鄭俊弘、尹詩沛及杜燕歌等主演的新劇《再見‧枕邊人》，飾演已婚名模 Janey G的李芷晴，在4日一集演技大爆發之餘，其打扮性感野艷，身材驚為天人。平時多數包得密密實實，而且形象純潔的她，今次一露驚人。而她肉緊的表情亦十分突出，網民都大讚她的演技。

　　李芷晴於昨晚兩線劇集都有份演出，在《愛回家之開心速遞》中，飾演Elaine的她，聯同其他同事以80年代夜總會風流女子打扮，透視裝仍然令上圍呼之欲出，搶晒其他人鏡頭。

　　而另一套劇《再見‧枕邊人》中，李芷晴飾演的Janey G陷入桃色醜聞，為向任公關的朱善美張曦雯展開報復，利用社團頭目大 Mike 哥手下陳晉久（麥秋成飾）擄走兩女， 欲拍朱善美「閃卡」。

（網上截圖）

　　李芷晴雖然僅出場不夠3分鐘，即成為整晚焦點，甫出場以低胸西裝造型亮相， 擁有好身材的芷晴將驕人優點表露無遺，更大騷白滑修長美腿，難怪在劇中成為 「富商殺手」，甚至連社團頭目也成功被收服，李芷晴坦言角色造型比想像中性感。同一幕戲張曦雯穿上圓領上衣，都不及李芷晴豐滿身材搶鏡。

　　5 日一集李芷晴甚至與鄭啟泰上演車廂激吻戲，她分享與合作的感受，大讚對方是一位親切好前輩：「本身同泰哥合作過幾次，都覺得佢係一個好 親切、好好嘅前輩。佢會分享好多佢嘅經歷畀我哋聽，見到我哋新人比較緊張， 都會盡量同我哋傾多啲偈，放鬆心情，所以拍攝嘅時候都好順利。」

　　李芷晴為了拍這幾幕戲，在拍攝前刻意節食，務求以最佳效果上鏡：「其實我平時係一個好懶做運動嘅 人，多數都係靠控制飲食去減肥，之前試過用番薯做主要嘅澱粉質，亦都試過用 一個來自台灣嘅西柚餐，每餐都配合半個西柚，盡量減少食澱粉質，食多啲蛋白 質同埋菜。不過我覺得最好嘅減肥方法，一定要係持之以恆嘅方法，唔可以逼得 自己太緊，有陣時都要畀 cheat day 自己，如果唔係好容易會反彈。」