世事政情

　　【晴報專訊】林敏驄（阿驄）前晚舉行一連兩場的《蘇格蘭場今天星閃閃林敏驄暨車總腦交戰時日如飛40周年成人禮作品展演唱會之PART 2更精采》頭場。在80、90年代填出無數經典歌的阿驄，廣邀跨代歌手擔任嘉賓，不過他貫徹口沒遮攔作風，不停狂寸嘉賓搞氣氛。好友鍾鎮濤（阿B）不小心仆倒台上，阿驄仍不忘開玩笑︰「我喺呢邊，你做乜拜嗰邊？」

阿B不慎跌倒舞台，

　　林敏驄在西九舉行的首場演唱會，請來廿多位嘉賓，包括鍾鎮濤、太極、《下流上車族》家人、露雲娜、江欣燕、鄭融、曾比特、文凱婷和鍾柔美等。期間，阿驄戴上爆炸頭假髮，自封「邱比特」，並笑笑口問嘉賓曾比特︰「你老竇係咪整蠱你？真名定假名？有無聽過比特幣？」其後阿聰介紹露雲娜出場︰「佢係我兒時偶像，但點解走晒樣？」露雲娜即回應︰「因為依家仲靚過以前囉。」《下流上車族》「車太」江美儀、「芊芊」郭柏妍和「蔓蔓」羅毓儀等出場，掀起全晚高潮。阿驄表示要為郭柏妍洗脫魔音之名，請她獨唱一曲《跳舞街》，最後總算順利完成，阿驄依然不放過她而問台下觀眾︰「如果覺得佢得，大家就打個觔斗，如果覺得佢唱得唔好，就唔好郁。」

阿驄戴上爆炸頭假髮與曾比特合唱，又自稱是「畢彼特弟弟」。

郭柏妍洗脫魔音之名

　　阿驄曾揶揄譚詠麟（阿倫）「請都唔嚟」，他開騷繼續狂寸對方，當嘉賓小肥（徐智勇）唱出阿倫的《愛的根源》和《霧之戀》後，阿驄指小肥唱得好過原唱，更問台下觀眾想聽阿倫甚麼歌︰「大家無反應，證明有品味，無人想聽阿倫啲歌。」鍾鎮濤壓軸登場，阿驄笑說︰「你都奔七（70歲）喎。」阿B則謂︰「啱啱70歲，去做gym仲舉得起。」阿驄即反駁︰「你不舉啦。」二人合唱《愛在深秋》後，阿B轉身準備離開時，不慎仆倒台上，更雙腳跪地，阿驄還取笑他︰「我喺呢邊，你做乜拜嗰邊？」

《下流上車族》演員合唱《一家人》。

　　現年27歲嘅羅毓儀（Yuki）有別於一般小花，平時熱愛電玩愛cosplay，可愛又得，型格又得，非常girlfriendable。前年拍攝《下流上車族》演江美儀同林敏驄囡囡，表演備受讚賞，成為TVB力棒小花之一。而羅毓儀入TVB前已經有同男友一齊經營YouTube Channel，經常幕前放閃，非常sweet！不過早前佢竟然突然宣布二人已經分開，令唔少人都覺得好可惜！

　　羅毓儀早前突然以黑底白字於社交平台宣布與男友分手：「我同咪咪（前男友Mike）幾個月前已經分開咗，因為我哋大家都需要啲時間沉澱，所以冇第一時間通知大家，但大家唔使擔心，我地係和平分手，再見亦是朋友。樂隊亦會繼續營運，而YouTube chanel『咪咪Yuki觀察日記』將會重新命名，多謝大家一直以來嘅支持。」

童顏。

　　羅毓儀同拍拖4年嘅圈外男友Mike經常以孖公仔姿態拍影片，並共同經營一個名為《咪咪Yuki觀察日記》的YouTube頻道。二人於七年前開始一齊拍片，兩人年紀相若，更志同道合喜歡夾band，組成業餘樂隊「MochiIce」，羅毓儀彈電子結他，而Mike則是鼓手。此外，他們更同樣喜歡動漫，每年動漫節都會一齊cosplay。

　　雖然兩人愛得高調，但就不被外界看好，除咗指兩人外形不相襯外，羅毓儀更加係香港城市大學一級榮譽畢業高材生，獲得工商管理榮譽學士（商業營運管理）學位，而外界對Mike認識不多，但網民就指佢經常跟出跟入，孖住羅毓儀拍片上YouTube吸like。不過羅毓儀未有被負評影響，依然公開撐Mike，大讚佢「超級靚仔有型有才華又可愛」。

　　上年3月尾羅毓儀曾經喺社交平台宣布同Mike「分手」：「我同我男朋友尋晚正式分手，多謝呢幾日朋友們嘅安慰，大家放心我Handle到。」不過原來Yuki佢當時只係愚人節同大家開玩笑：「愚人節快樂！其實沒分手，只是跟大家開玩笑？」估唔到事隔一年玩笑成真，唔少一直支持呢個「CP」嘅粉絲都話覺得好欷歔。