世事政情

　　【晴報專訊】近日郭富城（城城）成影圈大紅人，他主演的《風再起時》及《斷網》分別於本周五及下月公映，他亦頻頻現身為新戲宣傳。早前城城與《風》片另一男主角梁朝偉（偉仔），結伴接受鄭丹瑞（阿旦）主持的YouTube節目《健康旦》訪問，城城回想18年於內地準備開工拍《風》片時，卻突然接到大女快將出生的消息，於是他急急請假返港︰「我當時覺得唔好意思，反而一班演員都恭喜我做爸爸，覺得好溫暖。」兩位影帝分別為電影學習踢踏舞及彈琴，對於導演翁子光不斷鞭策他們，可有試過與導演「反面」？偉仔笑指導演以為彈琴很容易，但他練琴時，久不久便會「發癲」傳短訊給導演表示「練到想跳樓」，導演只好安撫他，而且偉仔的家僅有三層高，跳樓也不會死。

城城與偉仔回想拍攝《風再起時》，各有難忘事。（網上截圖）

　　另外，城城與林家棟合作的犯罪電影《斷網》落實在下月九日上映，城城飾演網絡專才，一方面要奮力救回女兒，另一方面太太賴雅妍又被警方捉走，面對親情及道德的抉擇。城城留鬚的造型十分滄桑，他說：「我未拍過呢個全新題材，覺得好新鮮。」

城城在《斷網》飾演網絡保安主任，利用自身研發的防火牆化解危機。

城城升格做爸爸後，對兩名女兒錫到燶。（資料圖片）

　　郭富城合共13場的《郭富城ICONIC世界巡迴演唱會2024香港站》昨晚假紅館開騷，好友張智霖及太太袁詠儀、鄭丹瑞、蔡一智及太太、樂易玲、溫碧霞一家三口等捧場，非常熱鬧。而城城的老婆方媛帶埋兩個女捧場，更不再好似IG PO相咁遮樣，大方讓傳媒拍照，兩位小公主悉心打扮，相當可愛。

　　今次城城舞台選擇三面台，由大型LED熒幕作為舞台背景，台中間有一個大白色燈箱，看似平凡，原來充滿不同的機關，每一幕都帶來驚喜的變化。演唱會晚上8點40分開始，不過音樂開始又突然停止，直至8點45分才正式起歌，58歲的城城以一頭金色曲髮示人，身穿花花西裝褸，在14名舞蹈員的伴隨下獻唱新歌《EXIT》。一輪勁歌熱舞後，城城除去外套飲水，即時引來粉絲尖叫聲，城城表示：「大家好嗎？8年喇，終於返嚟呢個殿堂級嘅舞台為大家表演，好掛住你哋！講個秘密你哋知，演唱會主題原本叫ICONIC EXIT演唱會，配合埋首新歌《EXIT》，但係開會後大家講標誌性嘅出口，畀大家感覺我好快退休，哈哈！我唔想咁快退休，我咁鍾意舞台，點會咁易退，你哋想唔想我咁快退休？今晚演出想帶畀大家開心，同埋要有笑聲，你哋鍾唔鍾意我髮型？帶你去電好冇？」認真搞笑！

　　開騷前，城城身穿大會tee現身紅館後台進行拜神儀式，當聽到粉絲熱情打招呼時，他親民地揮手兼做出派心手勢，城城表示：「八年冇做（香港）演唱會自己都好期待，個檔期都係今年先可以落實，其實都期待咗一年，我哋都綵排咗差唔多三個月。」他繼續指有幸與美國跳舞天團的Mike Song 及Anthony Lee合作，並表示：「希望能夠在舞台突破自己，我希望我哋啲dancer可以透過呢個老師傳授啲絕技畀佢哋學到。」

　　講到是否刻意操弗身材，他表示：「絕對係，今次排舞嘅方向唔同有啲轉變，全部係技術性上面，所以需要嘅體能係多啲，做過嘅嘢唔想再做。八年冇做（香港演唱會）好多嘢都有好大改變，見證咗身邊每一個部門幫我完成舞台上面嘅表演，嗰份心意全部擺喺心裏面，希望13場嘅演唱會我盡力攞晒出嚟去同觀眾分享。」