世事政情

　　【晴報專訊】早前憑《美麗戰場》「反骨琪」人氣急升的蔣家旻（Angel），在短劇《仁濟心》中再次挑戰「逆齡」扮中學生。皮膚白皙的Angel穿起校服零違和感，她笑言特地參考自己中學時的造型︰「化粧方面，我淨係搽咗粉底液，遮咗黑眼圈；我仲紮番中學年代會梳嘅髮型，工作人員話我有番初中生嘅感覺，好多謝佢哋鼓勵我。」她自言少女時跟劇中角色一樣反叛︰「我係獨生女，好知自己鍾意啲咩，唔想做或唔感興趣嘅事，點迫我都無用，仲會同屋企人唱反調，所以屋企人會覺得我反叛唔聽話。」

Angel特地還原中學時代的髮型，演學生妹更有說服力。

　　Angel曾就讀仁濟醫院林百欣中學，所以拍《仁濟心》時有一份使命感，「今次拍攝我諗番起昔日校園嘅生活片段，之前我都有返學校探老師，發現課室、課程同老師都變咗好多。今次演《仁濟心》會有種從良嘅感覺，有網友睇咗《仁濟心》都留言話掛住我做純品角色。」

Angel自言少女時性格十分反叛。

　　現年34歲嘅TVB花旦蔣家旻同湯洛雯、朱千雪、岑杏賢同張嘉儀兒感情要好，組成「2LINE黨」。近年幾位好姊妹都已經相繼出嫁，係得番佢未有著落，就連緋聞都好少有！不過今日就被湯洛雯Post出合照，令蔣家旻男友首次曝光。

　　蔣家旻、朱千雪及岑杏賢為5月6日嘅湯洛雯預先慶祝37歲生日，一班好姊妹近日買齊氣球蛋糕滿足壽星女少女心。湯洛雯Post出合照留言：「My first birthday cake this year. Happy to see all of you beauties!!Cant wait to see bb.（今年第一個生日蛋糕，好開心見到我班美女姊妹，好想快啲見到bb！（朱千雪嘅bb）」

　　湯洛雯、岑杏賢同蔣家旻都有「攜眷」出席，蔣家旻本身就好少緋聞，係元宵節先曬花公開承認拍拖，而今次更係佢男友首次曝光。可以陪佢同出席閨密聚會，睇嚟肯定咗男友地位，唔少網民都催婚，「2LINE黨」就可以變「幸福人妻黨」。

　　有指蔣家旻男友背景都唔少嘢！男方因為之前曾於TVB工作而認識蔣家旻多年，後來被派到台灣做TVB製作中心主管；直至去年返港過檔去HoyTV擔任高層，而男友喺台灣仲有生意打理，現時都係港台兩邊走。

　　蔣家旻入行多年，直至前年憑《美麗戰場》中飾演奸角反骨琪一角而爆紅，更於頒獎典禮中首次奪得「最佳女配角」一獎。早前不時做「空中飛人」，經常四圍旅行又全身行頭變名牌，被指忽然富貴，原來只係蜜運帶來嘅轉變！