世事政情

　　【晴報專訊】視后李佳芯（Ali）主演的新劇《有種好男人》將在下周一首播，劇集被安排在俗稱「炮灰檔」的聖誕檔期播出，錯過了台慶頒獎禮，不少粉絲戥女神不值，更有人勸喻Ali離巢，Ali昨日回應時感激粉絲關心，笑言只屬小事，不用離巢那麼嚴重。

Ali（右）與吳偉豪飾演母子，二人互讚對方是女神、男神。

吳偉豪攬實「媽咪」Ali，令不少男士羨慕又妒忌。

　　李佳芯、吳偉豪及陳自瑤（YoYo）等昨日到商場宣傳新劇《有種好男人》，Ali與偉豪飾演兩母子，偉豪笑言好榮幸有女神Ali做媽咪，而Ali亦禮尚往來，大讚「兒子」是男神。問Ali對演出母親角色可有抗拒？她笑說︰「唔係抗拒，但有啲意外，要點樣拿捏個角色，都有些少忐忑。」偉豪則擔心自己樣子太成熟，扮17歲男生會欠缺說服力，Ali即取笑他真人老成又沉穩；他們表示在劇中最親密的戲份只限於擁抱，偉豪更坦言面對Ali會怕醜，十分搞笑。

公開呼籲男士勇敢相約

　　對於《有》劇被安排在聖誕「炮灰檔」播出，令粉絲戥Ali不值，Ali從容表示聖誕節普天同慶，適合看喜劇，反而對收視有好處︰「粉絲好好，佢哋成日擔心我，又驚我食唔飽，多謝佢哋為我諗。（粉絲嬲到叫你離巢？）因為咁樣？咁又唔值，好小事啫！」另外，聖誕節將至，偉豪會陪伴「真正的媽咪」慶祝，笑言已服侍了Ali好幾個月；Ali則會相約家人和朋友，貴為女神的她揚言沒有男士單獨約會她，證明自己「無市場」。不過，Ali早前被傳跟神秘男蜜遊日本，問到是否因此嚇怕一眾想約她的男士？她笑說︰「唔敢約都無辦法，我可以點做？隨緣啦，依家公開呼籲，為自己拉票。」

YoYo聖誕節將跟家人朋友開派對，但就絕口不提老公王浩信。

馬神與Ali在劇中發展浪漫戀情。（網上截圖）

　　同場的YoYo形容其劇中角色是「戀愛腦」，面對愛情會沖昏頭腦，亦是首她次演傻頭傻腦的角色。提到男主角馬德鐘（馬神）昨日缺席宣傳活動，YoYo說：「喺劇中我演馬神嘅姑姐，我幾驚已經去到做人姑姐嘅年紀，好彩只係輩份高，年紀就細過佢。喺劇入面我成日闖禍，佢就要成日照顧我，係一個幾喜感嘅角色。」

　　視后李佳芯（Ali）向來是網民心目中人美心善的女神，不過女神至今仍然單身，唔少觀眾都開始戥Ali著急。Ali趁著「Chubby Hearts Hong Kong」活動，特意趕往跟紅心影相打卡，期間女神透露原來一直有人追，情人節更有收花，對於一眾追求者可有機會，Ali忍不住露口風…

　　Ali平日不太喜歡人多擠逼的地方，但趁著「Chubby Hearts Hong Kong」活動的最後兩日，她特地前來皇后像廣場的飄浮紅心所在地打卡追趕熱潮。她說：「今次好開心可以同Chubby Hearts打卡，希望日後都多啲舉辦呢類時尚設計藝術融和嘅打卡點，等我哋多啲機會去下戶外，感受熱烈開心氣氛，係一件賞心樂事！」Ali在現場巧遇小丸子和花輪同學追心，她曾在《好聲好戲》節目神還原小丸子而備受讚賞，她開心說：「佢哋係我細個最愛嘅漫畫人物！當然捉緊機會，同佢哋仲有兩個Chubby Hearts合照啦！」

　　訪問期間，Ali見到很多熱烈追心的市民，更有人送上用銀紙摺成心型的利是以表祝福，她希望今年工作順利、心想事成！久未有劇集新作的Ali，即將跟譚俊彥合作，開拍跟打麻將有關的新劇，她憶述說：「細個嗰陣，婆婆同媽咪每個星期都打麻將，所以好細個已經接觸呢樣興趣。我自己識打廣東牌，但唔識計番，所以同枱一定要有人識計番，仲要識摸位打骰，而其他十三幺、清一色等食糊規條，都唔會難到我！」她續說：「今年新年去朋友家拜年，都有圍埋一齊打麻將。雖然只打咗一次，但已經發咗新年財，係一個好兆頭嘅開始！」

　　不少人關心Ali的感情狀況，問到剛過去的情人節有收禮物嗎？她說：「有收花、朱古力同小禮物，我都習慣喺節日互送禮物畀朋友，所以情人節都會收到佢哋禮物，係一個表達心意嘅方式。」 另外，早前元宵佳節，Ali透露未有人相約，應該需要預備新劇工作，希望晚上有機會食湯圓應節一下。

　　問到現在有男士暗示或明示喜歡她嗎？Ali笑說：「我唔會話自己冇人追求，但依家都冇話好熱烈嗰種，或者覺得好好相處、可以發展嘅人。」看來追求者要加把勁。