世事政情

　　【晴報專訊】周勵淇（Niki）、陳曉東（東東）和方力申02年拍攝經典網劇《百分百感覺》，是不少港人的集體回憶；早前三人在東東演唱會合體，不少網民懷念這個《百分百》CP組合。Niki昨日出席活動時，透露他們有機會再登大銀幕，她更欽點人氣王姜濤加盟跟她演姊弟戀，令人期待。

周勵淇強調要靚便絕不可偷懶。

　　周勵淇和林芊妤（Coffee）昨日出席「U Beauty Awards 2022」，提到《百分百》三人組頻頻見面，Niki直言有合作大計，「有人想搵我哋開戲或開騷，但未知詳情，我哋都唔抗拒。」她指最快明年才成事︰「《百分百》陪住大家成長，依家我哋一把年紀，可以將故事延續落去，例如講我哋結婚生仔後嘅故事。」若拍《百分百》續集，她希望加入新血，「好多新人我都想合作，好以Anson Lo（盧瀚霆）、王丹妮同姜濤。（演你仔女？）咁又唔得，其實我唔介意同姜濤演姊弟戀，韓國啲戲好興㗎嘛，只要寫到啲人接受，無嘢無可能；跟住同王丹妮演姐妹，我都盡量keep住自己後生啲。」

《百分百》CP方力申、Niki及陳曉東早前相約聚舊。（資料圖片）

Coffee爆兒子抗拒新外傭

Coffee近日推掉不少工作，留家陪兒子跟新外傭相處。

　　皮膚白滑的Niki昨日獲頒「U Beauty美肌之最大獎」，她笑言靠父母遺傳，加上注重養生，所以保養得宜，「我最近拍片同網民分享護膚心得同食療養生。我20幾歲時亂食嘢、捱夜又食無定時，身體好多毛病，由嗰時開始養生。」她嚴格監督老公和兒子的飲食，「我囝囝兩歲幾，暫時未有零食，最多都係食山渣條，健脾開胃。我哋多數喺屋企食飯，好少喺街除口罩食，出街我都帶飯畀佢食，親力親為。」

　　同場的Coffee家中剛換了新工人姐姐，她透露兒子翟德彥（伯伯）十分抗拒，「好慘呀！伯伯話要叫新姐姐入廚房，唔要見到佢，好彩新姐姐唔識聽廣東話。但呢段時間我好攰，因為伯伯24小時黐住我，每隔幾分鐘就叫媽咪，因為佢覺得屋企有個陌生人，所以黐住我有啲安全感，希望佢慢慢接受呢個姐姐。」

　　【晴報專訊】袁偉豪（Ben）多年前在節目中向與周勵淇「表白」，自爆當時因太窮而未敢追求對方，片段近日被網民不斷發酵。他昨日出席活動時，重申片段內容只是對白，懇請大家高抬貴手。另外，太太張寶兒日前po新相，被指與李施嬅撞樣，愛妻心切的Ben即大讚老婆最靚。

Ben與思貝在劇中是上司和下屬的關係。

張寶兒（IG圖片）

　　最近袁偉豪的一段舊片在網上掀起討論，片中見他與周勵淇拍節目，並向對方「表白」︰「銀包得嗰廿蚊點夠膽追你呀？」Ben昨日與蔡思貝及陳敏之等宣傳劇集《廉政行動2022》，提到此事時澄清︰「我知呢句說話間唔中就會出現喺社交平台，但當時其實係加咗戲劇效果，講緊嘅係25、26年前嘅事，如果我喺地鐵站見到一個靚女，真係唔敢追對方，大家唔需要太認真。」太太張寶兒有否不開心？Ben直言沒有，反而是自己仍未釋懷，希望大家高抬貴手。至於太太的新相被指貌似李施嬅？Ben表示︰「對呢啲評論已經無感覺。（太太最靚？）咁當然。」

　　說回新劇，原來這是Ben首次參與《廉政行動》系列，他說︰「自己喺劇入面動作戲唔算太多，主要都係追逐場面。」而思貝透露有場戲需在觀塘的馬路上追逐，雖然跑到大汗淋漓，但非常滿足。談到新一屆港姐正進行招募，陳凱琳日前在港姐特備節目中，回想當時被網民抨擊身材太瘦，一時感觸落淚；身為同屆亞軍的思貝，參選時亦屢受負面報道，她僅稱過去的事不要再提，但承認參選過程有很多得着。

陳敏之力證鄧健泓夫妻恩愛

敏之的YouTube頻道獲不少網民捧場。

　　另外，陳敏之早前邀好友鄧健泓（Patrick）接受其YouTube頻道訪問，期間Patrick自爆曾瞞着當時女友，與現在的太太石詠莉發生曖昧關係；網民紛紛猜測「受害人」是舊愛李施嬅，並指摘Patrick是「渣男」。

敏之訪問Patrick的影片暫時下架。（資料圖片）

　　該訪問短片日前突然消失，問敏之是否受壓而將影片下架？她回應說︰「多謝大家關注，條片只係有技術問題，完成修正工作就會再同大家見面。我同Patrick都係講番年輕時嘅愛情觀啫，我哋細個係鄰居，佢好相信我；訪問嗰日佢太太都坐喺度，佢哋不知幾恩愛，總之大家無唔開心，直至依家都仲保持聯絡。」敏之又自言並不知道誰是該名「前任女友」，但經此教訓後，日後會盡量小心，希望大家不要再攻擊Patrick。