世事政情

 　　【晴報專訊】在台慶劇《下流上車族》中飾演「哈比家族」兒子的關曜儁（Leo），在劇中經常跟「老竇」鄧智堅及「老婆」林穎彤搵著數。與角色相反，現實中的Leo勤力如牛，除了當演員，亦兼任健身教練。最近他第三度創業做老闆，全因要支持自己的演員夢。

　　關曜儁在《下流上車族》中飾廢青老公關偉力，為上公屋一直失業。現實中的Leo卻熱衷做生意，他在19年與友人開設第一間健身室，但因疫情關係，一年後無奈結業。執笠一個月後，他再與友人開設另一間健身室；直至今年八月，他決定自立門戶，投資六位數字開設屬於自己的健身室。Leo坦言是破釜沉舟：「第一次創業我哋欠落好多學生堂數，學生一買就買咗30堂，未上晒堂就結業，迫於無奈下就開第二間健身室還堂。當時流失好多學生，我向佢哋承諾，我會用兩年時間，畀大家更舒適嘅運動體驗，於是就有第三間健身室。」

「哈比家族」Leo、鄧智堅及林穎彤在《下流上車族》中十分搶鏡。（IG圖片）

《流行都市》教運動吸粉絲

　　快將榮升爸爸的Leo，創業除了為養家，也是為支持自己的演員夢。「我就嚟30歲，成日被『三十而立』呢樣嘢框住，我覺得要養家，就要主動出擊，創業去支持演員夢。」他自爆曾想過離開TVB，「因為拍攝時間好長，健身室團隊又唔係好大，乜都要親力親為，壓力好大…學生畀咗錢，當然想要成效，但拍嘢又無得推…所以人際關係好緊要，要成日呢邊唔該、嗰邊唔該，寧願自己辛苦，瞓少啲。」

Leo曾在健美比賽中獲亞軍。（IG圖片）

　　皇天不負有心人，入行七年的Leo近年機會不斷，每次拍劇都有發揮空間，又在《流行都市》教做運動︰「因為《流行都市》多咗好多人認得自己，大家話好鍾意睇我教運動，IG粉絲人數都上升。」在《下》劇中，Leo與鄧智堅及林穎彤組成「哈比家族」放笑彈，「呢個組合好搞笑，大家差唔多高，有好得意嘅化學反應，監製都話我哋一齊好嘈！」

　　今日是一年一度「渣打馬拉松」的日子，雖然氣溫有些微下降，不過仍然阻礙不到跑手們的熱血。演藝圈有不少運動健將都有參與10公里、半馬及全馬賽事，其中熱愛跑山的周潤發雖然已屆68歲之齡，不過仍然好有活力，去年首戰渣馬10公里，終以1小時3分58秒完成賽事；今年發哥轉戰半馬，早上8:30分起步，11點前跑抵維園終點站，衝線時間為2小時26分08秒，相當厲害。

（香港電台31台電視截圖）

（香港電台31台電視截圖）

（香港電台31台電視截圖）

　　同樣高齡一族的是73歲的馬海倫，在《愛回家之開心速遞》飾演蘇姐一角，深入民心。今日，她成功完成10公里跑的賽事，更興奮拎住獎牌自拍留念：「今早完成人生第一次10K」。同樣令人佩服的是懷孕七個月的梁諾妍（Inez）佗住巨肚照樣迎戰「渣馬」，一向熱愛跑步的她自懷孕以來一直都有練跑強身健體，絕對是最強大肚婆！老公洪永城都有現身照顧住太太，仲將，「Baby in car」的警告標貼貼在太太的背部，令其他跑手能夠小心不要碰撞到她，認真Sweet到爆！

　　參加全馬的藝人有Kolor主音Sammy、「奶仔」方紹聰，毅力驚人。而半馬則有「送水輝」許家傑、陳安立、周家怡、楊潮凱、黃浩然、趙善恆@ToNick及區永權等。另外，參加10公里跑的藝人，唐詩詠、林子善、《愛回家》的「仇奇」關曜儁、「大小姐」林淑敏、「Luna」何沛珈、「Andy」崔錦棠、「接龍藥房售貨員」曾文心等等，而蔡一智、吳保錡、「阿儀」薛影儀、黃榕、黃可盈、李炘頤及前新聞主播鄭萃雯、張文采等都有參與，大家運動之餘都不忘打卡留念，非常熱鬧。