世事政情

　　【晴報專訊】現年57歲的鄭浩南前晚與張繼聰等出席新戲《壹獄II劫數難逃》煞科宴。鄭浩南於活動中自爆婚姻觸礁，在馬來西亞的寓所人去樓空，疑似出軌的太太已攜一對子女離去。形象man爆的他經歷男人最痛，忍不住當眾哽咽道：「無得怪任何人，係自己嘅命運。」

　　鄭浩南當年憑《98古惑仔︰龍爭虎鬥》的大反派司徒浩南一角深入民心，02年他與馬來西亞籍女友鮑愛玲結婚，並育有一對子女，一家定居馬來西亞多年。今年六月，鄭浩南回港拍攝電影《紮職3》及《壹獄II劫數難逃》，以及健身院廣告。前晚他現身煞科宴，問到何時回大馬陪家人時，他吞吞吐吐指本月18日本來是結婚20周年紀念，但家中發生不愉快的事：「因為疫情，我試過有16個月喺內地做嘢，上年尾買到機票，打電話返去，太太拎起電話就cut線，話『有乜嘢同我律師講』。我返到去，細路唔見晒，太太唔見咗。」

鄭浩南直認太太非常決絕，無法挽回感情。（微博圖片）

　　問到夫妻間是否出現第三者？鄭浩南說：「大家都應該諗到，不過唔係我呢方面。我好愛屋企人，大馬啲物業同車都寫晒屋企人嘅名，我依家喺嗰邊（大馬）剩番一間祖屋。其實無得怪任何人，係自己嘅命運，但無諗過呢啲嘢發生喺自己身上。」他表示對一上次見仔女已是去年12月，他目前暫時會留港。

鄭浩南情場失意，惟有專心掘金。

禍不單行右手重創

早前鄭浩南與徐浩昌（肥腸）拍廣告，扮演健身教練入型入格。（FB圖片）

　　此外，鄭浩南可謂禍不單行，他透露右手舊患傷上加傷，四條韌帶斷了七成，現時無法做劇烈運動︰「我聽人講，去咗內地做手術，但效果唔理想，如果當初喺加拿大或香港做手術，情況可能唔會變得咁差。」至於同場的張繼聰近期接拍多部監獄題材的電影︰「今次呢部以東南亞監獄為背景，像真度相當高。（無冷氣？）連空氣都無呀！拍攝環境又污糟，不過反而容易入戲。」

　　MIRROR成員盧瀚霆（Anson Lo）最近推出個人歌曲《Hey Hey OK!》，歌曲中舞步配歌名有OK手勢，連日來他找過不少圈中藝人一起跳舞，一起做這個手勢，繼馮允謙、Serrini後，謝安琪都陪住囡囡Kakaball一齊跳。Kakaball 表現淡定，而且十分開心，相信全場最不是味兒只有張繼聰。

　　盧瀚霆新歌的OK動作，成為好多神徒的模仿動作，連日來他收過不少神徒的片段，跟家人做這個動作手勢。而他亦找過馮允謙、Serrini一起跳新歌舞步。而最近一條片，就是謝安琪跟囡囡Kakaball和盧瀚霆三人跳舞。

　　本身Kakaball都是有跳舞底子，而且都有好多演出機會，她跟著兩個大人一起跳舞時，完全不怯場，對著鏡頭清脆俐落地做動作，而且對住偶像時，她都能好冷靜地沒有分心，繼續跳舞。見到小神徒Kakaball如此可愛，盧瀚霆都特別開心，跟小朋友合照後，又跟張氏一家大合照，還寫著，「好有愛的一家人。」

　　張氏家族的女成員，全部都被盧瀚霆冧得好開心，反而謝安琪老公張繼聰在合照時，就擺出一張不滿的樣子，斜望著盧瀚霆。這個組合表演，令不少網民都感到驚喜，還大讚Kakaball十分可愛，「好Ok，好可愛好sweet 嘅組合，Kakaball 好叻叻」、「呢個組合 SUPER CUTE」、「OMG...竟然係阿Kay同Kakaball，3個都跳得好好，好可愛吖」、「既可愛又溫馨嘅組合呀」、「聰哥做咩唔一齊」、「 求張生心理陰影面積」、「好正丫！但聰哥會唔會呷醋㗎」。

　　呷醋爸爸張繼聰其實一早就知道Kakaball是盧瀚霆的神徒，以往不少活動上，二人合作時，張繼聰都會帶Kakaball親近偶像。而早前MIRROR的演唱會上，Kakaball見到偶像時，在台下不時派心心、又興奮揮手。