世事政情

　　【晴報專訊】陳凱琳（Grace）和陳瀅昨日為性感內衣及絲襪品牌擔任模特兒。Grace穿上火紅色性感內衣出席活動，但卻披上鬆身皮褸遮掩，她解釋︰「出門口前都要畀老公（鄭嘉穎）過目，佢講明唔可以除樓，所以件褸咁大，當裙著就啱啱好遮住。」問到Grace家中可有性感內衣？她笑言︰「係超級…唔多，做咗媽咪之後，買衫都係以適合同舒服為主。」她又指比較著重穿搭是否好看，亦清楚自己的底線，平時也不會太暴露。

對於早前有候選香港小姐確診，Grace坦言擔心佳麗們會影響比賽表現。

嘉穎和Grace結婚四年，育有兩子。（資料圖片）

　　同場的陳瀅指平日穿著的內衣以舒服為主，但有收藏私物的習慣，她說︰「特別鍾意收藏黑色絲襪，因為容易襯衫同埋有型。」陳瀅透露曾收性感內衣做禮物，是由女性朋友送，她指男性朋友送花最好，隨即被追問方力申是否無送花，所以遭她拒愛？陳瀅笑言︰「佢有送過一支玫瑰花。」提到小方，陳瀅透露日前跟對方拍劇集《美麗戰場》時，因對方太「重手」而令她走光。她說︰「呢場戲我被小方打，當時我著咗條長裙，入邊有著打底褲，但係我被佢猛力凌空掟落地時，打底褲都露咗出嚟，監製應承會刪走呢個鏡頭。」

陳瀅喜歡牡丹花，她透露最想收到男性朋友送花。

　　劇集《家族榮耀之繼承者》正在熱播，收視和討論度都非常之高，而劇情進入高潮，Nana（梁靖琪飾）鍥而不捨要搵到自己身世，先是發現自己的親生媽媽是邵家碧（張鳳妮飾）而不是戴綺婷（余安安飾），已經大為失落，沒想到最終發現原來丘守義不是自己的親生爸爸，不斷要搵出親生爸爸的真相，最終越揭越傷心，最近播出的兩集的內容都幾乎焦點放在她崩潰狂喊的戲份，喊足三集。

　　這三集幾乎全部都是Nana的戲份，本身已經是豪門家族反叛性格的她，偏偏執著於自己的身世，鍥而不捨要搵出身世之謎，驗完DNA再四出奔走明查暗訪，最終驚揭原來高成（吳岱融飾）才是自己的親生爸爸，即時來一聲「雷聲」。事關Nana一直深愛高浚（林峯飾），最終竟然發現高浚是她的哥哥，劇情絕對可以媲美幾十年前的黑白粵語長片咁淒美。

　　Nana連續喊足三日，加上喊戲有異常多的特寫和鏡頭效果，展現出她的喊戲層次，不過觀眾就不太買帳，認為喊戲太多太煩，特別是她崩潰到面容扭曲，實在睇得難受。網友留言說：「劇情和演技都over咗」、「劇情極無聊，邊個係生父？使唔使好似死老竇咁啊？ 你已經長大成人有乜關係呢？」、「又要去查，又要喊！」、「呢套戲好煩！」、「粵語長片劇情」、「因為佢她老竇（梁家樹）是監製、所以用佢！」、「編劇是否牽強？硬要寫到Nana冇EQ、冇IQ，媽咪都說那人已死，Nana仲竟然問葬在那！？」、「梁靖琪好難頂」、「Nana always crying for no reason. So annoying（Nana喊都冇原因，勁煩！）」等等。

　　不過Nana頂多喊埋今晚，事關劇情交代她將會被智斌（羅子溢飾）推落海失救致死，而梁靖琪昨晚一集含淚向親生爸爸高成道別自拍一幕，眼淚和情緒都恰到好處，成為海量崩潰喊戲之中的佳作。今次梁靖琪飾演Nana都相當大挑戰，現年41歲的她已經是兩孩之母，跟34歲的陳瀅演同齡姊妹之餘，更是演活反叛少女夜夜笙歌的角色，相當不容易。雖然對梁靖琪的批評甚多，不過她的老公施雋賢都有捧場，更拍下老婆開水喉式爆喊的一幕，大讚對方，認真Sweet！