世事政情

　　【晴報專訊】無綫新劇《黯夜守護者》將於下周一播出，陳敏之和江嘉敏在劇中飾演母女。而敏之透露《黯》劇將是自己暫時最後一套劇，但她解釋並非離巢，而是因為近年沒有拍劇，希望將時間投放在自己的生意上。

敏之（左）和江嘉敏拍劇拍出好感情。

　　一眾《黯夜守護者》演員陳敏之、江嘉敏及陳煒（煒哥）等昨日出席宣傳活動，身在內地工作的男主角陳展鵬，則以視像方式「現身」。敏之自言在劇中是悲情人物，未成年已產下「囡囡」江嘉敏，問她可接受有這麼大的女兒？敏之稱︰「因為劇情發展，我都會欣然接受。」江嘉敏則說︰「監製悉心處理過我嘅造型，齊蔭頭加埋衣飾配搭，睇上嚟後生啲，幫到好多。」問她們是否拍出真感情？兩人異口同聲表示，在拍劇期間與陳展鵬及謝東閔經常一起吃火鍋，大家已十分熟絡。

　　另外，敏之感觸指《黯》劇將是她暫時最後一套劇集，但她解釋並非約滿︰「呢兩年無拍劇，所以無晒存貨，但之後只要時間配合到，我都會拍劇。其實我準備出自家品牌嘅護膚品，所以都希望投放多啲時間喺生意上；（囝囝）子樂新學期升小學，我亦可以放多少少時間喺生意方面…我明白幕前演出可以保持人氣同曝光率，但暫時要兼顧兩者有少少吃力。」

陳煒憶初戀令媽媽激心

煒哥本月底舉行婚禮，她希望一切從簡。

　　同場的煒哥在劇中有一個15歲的兒子，提到飾演兒子的楊凱博，煒哥對他讚不絕口；她笑言自己15歲時仍傻更更︰「當時反叛時期，無心向學走去拍拖，初戀嚟，呢件事最令媽媽激心。（初戀維持多久？）唔記得喇，哈哈！」

　　【晴報專訊】《萬千星輝頒獎典禮》將於下月10日舉行，有傳無綫為造就王浩信再封視帝，決定抽起陳展鵬主演的重頭劇《唐人街》。陳展鵬昨日坦承已連續兩年無份爭視帝，不過他未有不快，反而睇好劉丹及林峯稱帝。

陳展鵬目前有三部劇集拍完未播映。

　　陳展鵬昨日為新劇《黯夜守護者》試造型，他笑言等足十多年，今次終於與同屬「亞視之友」的袁文傑及陳煒合作，十分開心。有傳展鵬無緣角逐視帝，將缺席頒獎禮抗議，他昨日否認說：「我未收到公司通知（出席），如果公司想我出席，我都會出席支持。（無劇出街唔開心？）咁又無，莫講話觀眾，如果一年幾套劇出街，我都覺得攰，角色又難以發揮，反而呢兩年靜咗，觀眾多啲選擇。」

陳展鵬女兒「小豬比」似足媽咪單文柔。

　　提到「讓路」給王浩信奪視帝，展鵬說：「梗係唔會，如果你問我，我反而驚丹爺（劉丹）多啲。不過浩信已攞過獎，丹爺同林峯都未攞過，自己會支持未攞過嘅演員奪獎。」另外，展鵬被雜誌拍得與老婆單文柔睇中醫，被傳是想補腎追仔，他笑說：「其實啲相片係疫情前影，當時帶產後嘅太太睇中醫調理身體。」他自言本來短期內不打算再生：「睇完雜誌反而有啲衝動，目前會順其自然，生仔趁呢段時間，怕太遲生，自己無能力同小朋友玩。」

江嘉敏被男友嫌太重

江嘉敏透露努力在家做運動減肥。

　　同場的江嘉敏早前上載被男友「公主抱」的照片放閃，她笑指因男友30歲生日，所以出po逗男友開心。她說：「不過影嗰陣NG咗十幾次，男朋友叫我減下肥，睇佢抱起我個樣都有少少猙獰。」已減了十多磅的她笑說：「監製最近剪接《食腦喪B》，話我個頭好似足球咁圓，要剪走部分近鏡。」