世事政情

　　【晴報專訊】麥美恩（Mayanne）昨日宣傳熱播劇《痞子殿下》，在劇中飾演性感老闆娘的她，獻出多個第一次，除了狂曬美腿，更獻出螢幕初吻色誘吳岱融，Mayanne大讚吳岱融拍攝時非常專業。

　　麥美恩、周嘉洛及陳瀅等昨日為新劇造勢，Mayanne透露今次首次拍古裝劇，不但吊威也拍打戲，又預告向吳岱融獻上螢幕初吻：「岱融哥好專業，我哋拍攝時都無乜NG；有場搜身戲，佢借位借得好好，睇落好似真係摸我一樣。」

麥美恩在劇中色誘吳岱融。

　　在劇中頻頻騷長腿的Mayanne，自嘲雙腿好像兩條「光管」般揈來揈去，她笑說︰「我發現其中一幕踢腿戲，被網民擺咗上討論區，仲放大嚟睇，不過拍攝時導演堅持要我著打底褲，所以就算睇到都只係打底褲。」

劇中，麥美恩狂曬白滑美腿，但她自嘲雙腿如光管。（網上截圖）

劇中，麥美恩狂曬白滑美腿，但她自嘲雙腿如光管。（網上截圖）

陳瀅自認鹹濕愛「目及」裙底

周嘉洛及陳瀅表示劇中的意外戲跟紅館事故相似，只是純粹巧合。

　　同場的陳瀅昨日特意從另一劇組《美麗戰場》趕來宣傳，提到網民形容其劇中角色十分「淫」，她說：「我唔係淫，係鹹濕，我現實中都鍾意睇女仔，成日「目及」蔣家旻嘅裙底。」另外，提到日前一幕比武招親戲中，一位比武者被巨物擊中，令網民聯想起MIRROR紅館演唱會冧屏幕事件，有觀眾更表示感到不安，周嘉洛說：「好不幸近日發生咗不幸事，但我哋套劇係年幾前拍，真係純粹巧合，我哋套劇都係想大家開心，希望大家唔好將兩件事掛勾埋一齊。」

　　周嘉洛在《愛回家》中飾演的金城安，雖然經常畀媽咪（滕麗名飾）又打又鬧，兼且仲要被戲弄，但都是一個孝順仔，陪伴在媽咪身邊。現實中，他都一樣乖巧，近日趁有空檔，陪母親行街買花，兼且去服裝店睇衫。一直貼身伴在母親身邊，寸步不離。

　　今個星期日就是母親節，周嘉洛就唔使形式化等到星期日才可以孝順媽咪，近日就趁得閒不用開工，陪住媽咪行街周圍去。他在IG分享了照片，他寫道：「最大收穫係相處嘅時間」。他全程跟在媽咪身邊跟到實一實，貼身陪伴在側。

　　周嘉洛陪媽咪在服裝店挑選衣服，又逛花店，不過一向保護家人私隱的他，就沒有讓媽咪的樣子亮相。相中見到，同行還有一個女伴，同樣遮樣或者背脊靠向鏡頭，十分神秘。究竟她是周嘉洛的家姐？妹妹？還是女朋友呢？網民都起疑心，留言表示以為是她的女朋友。

　　三人的服裝品味都好相似，其中一張相片，見到周嘉洛與家人穿上同一個牌子的波鞋。網民睇到後就立即取笑，「好似愛回家咁又係鍾意買波鞋」、「吳旺達領事科漠多龍金成安返嚟啦」、「孝順仔，買多件母子裝」、「陪媽咪買母親節禮物？真乖仔」、「Is so sweet」。

　　而大部分人留言，就表示好希望跟周嘉洛多一點相處，與他一起拍《痞子殿下》而成為好友的朱敏瀚，都湊熱鬧留言問周嘉洛：「幾時同我相處下」。