世事政情

　　【晴報專訊】男團MIRROR紅館騷上周四發生墜屏意外，舞者李啟言（阿Mo）仍傷重留醫。過往活躍於社交網的12子連日來齊齊封口，令各界擔心他們的精神狀況。昨日隊長楊樂文（Lokman）打破沉默，在IG發文表示外界不用擔心他們，並呼籲大家集氣祝願傷者康復。

Lokman盼望三位受傷舞者早日康復。（資料圖片）

　　事故後，除了副隊長江熚生（AK）及呂爵安（Edan）曾發IG全黑限時動態，以及邱士縉（Stanley）與陳瑞輝（Frankie）轉頭像外，其他成員一律封口，網民懷疑他們受公司壓力而噤聲；直至前日，部分成員才轉發23位舞蹈員的聯合聲明。隊長Lokman昨日打破沉默，在IG代表隊友發聲︰「我哋會互相照顧，大家唔使擔心我哋。呢一刻，希望大家集氣，祝願阿Mo、阿峯（張梓峯）、Zisac（羅德智）早日康復。」他感謝各界支持：「好多謝好多人幫緊我哋，公司上上下下、娛樂圈前輩同伴、熟悉嘅唔熟悉嘅，都盡佢哋嘅努力，都同我哋一齊。我哋自己都會睇住自已，唔使擔心，畀傷者同佢哋嘅屋企人時間同空間。」

呂爵安TG派心安撫粉絲

Edan昨日凌晨在TG現身，向粉絲報平安。（資料圖片）

　　連日來一直沉默的盧瀚霆（Anson Lo）及姜濤亦轉發貼文，Edan則寫道：「只求人無事。」Edan昨日凌晨亦特地在Telegram群組向「爵屎（Edan粉絲）」派心心報平安。另外，MIRROR本來在個唱後活動多多，包括本月20日在東京演出《SUMMER SONIC 2022》音樂祭，有傳他們將辭演。此外，12子及ERROR原定下月三日參加《903 AllStar籃球賽》，Anson Lo下月六日與鄭欣宜舉行《神の拉闊》音樂會，而Edan與Lokman下月九日參加生力軍音樂會，主辦機構商台暫未公布是否如期舉行。

外間估計12位鏡仔隨後的工作及活動將會延期。（資料圖片）

張敬軒助組義工團隊

身為演藝人協會副會長的軒仔，出心出力助後輩走出陰霾。（資料圖片）

　　此外，向來疼惜MIRROR的張敬軒（軒仔），被傳與陳卓賢（Ian）自費找心理專家輔導舞蹈員；及後更有指軒仔豪花80萬元包下酒店房，讓12子及舞蹈員避靜。不過，軒仔昨日凌晨在IG澄清，指為了方便舞者休息及接受情緒輔導，主辦單位已立即作相關安排。軒仔說：「翌日我和演唱會舞蹈統籌，僅協助主辦單位代為安排其他場地需要和配套，並組織臨時義工團隊（由行業內資深幕後人員、MIRROR成員代表組成），支援交通及人力資源方面的需要，隨後聯絡專業輔導顧問義工團隊，向各位演職員無償提供心理輔導和情緒支援。」

PSY的演唱會大玩濕身效果，疑間接令意外發生。（資料圖片）

　　繼紅館意外後，憑神曲《江南Style》紅遍全球的韓國歌手PSY，前日在當地舉行「濕身騷」演唱會亦發生嚴重事故，一名27歲蒙古籍工作人員拆台時，由15米高的金屬架墮下身亡。由於開騷期間為求濕身效果要大量噴水，警方指可能因地面濕滑間接導致意外。

　　MIRROR隊長Lokman（楊樂文）宣布與女友分手，成為MIRROR中「尾二」一位「失守」隊員，唔少人都覺得非常震驚。MIRROR隊中僅剩Stanley（邱士縉）一位仍然同《全民造星》已經拍拖嘅女友一齊。

　　Lokman剛剛突然於Instagram限時動態宣布分手消息，Lokman言辭間表示當中似乎已經一段時間「掙扎」：「我們已經分開了一段時間，相隔了一段時間才公布，是因為我們也想確認一下事情，確認一下對方，在一個我們都舒適的情況下向大家交代。」

　　Lokman表示同前女友關係依然良好：「分開是和平的，關係是舒適的，我們也已經踏上成長的路上，更加了解自己和對方。十分感恩一起走過的日子，我們之間只有滿滿的祝福和感謝，希望大家給予我們空間去成長。過後也不會在公開場合對這段關係作出任何回應或討論，希望大家明白與體諒！我們感謝對方！感謝各位！」Lokman前女友甄吳露茜（Luxi）同時都發同樣聲明。

　　Lokman同Luxi拍拖七年，上年曾喺社交平台上載花束照及留言「「今次掂晒啦老豆（竇）！」，即時引起求婚成功嘅揣測。不過Luxi之後出席活動時就否認有關傳聞，稱Lokman只係「520」送花， Luxi當時表示結婚冇壓力：「結婚不嬲都係靠衝動，所以唔會plan幾年之後結婚，同埋大家都仲後生。」然而，Luxi日前去到台灣澎湖散心，早露分手端倪：「聽說看海會讓人心情變好。謝謝澎湖治癒了我，然後我就曬傷了。」然而，二人拍拖期間一同飼養三貓一狗，暫時未知去向，恐怕都會成為「單親家庭」。

　　MIRROR 12子唔少入行前都有已經有穩定女友，不過都喺入行後相繼分手，現時只剩Stanley一個仍然係同「元祖」女友一齊。Stanley與女友Alina拍拖七年感情穩定，熱愛潛水嘅Stanley日前透露，諗過將來舉行水底婚禮，奈何女友不愛潛水，所以打消念頭。而Alina早前都喺電台訪問分享與Stanley相識經過：「我哋係大學讀書時一齊喺主題公園工作認識，識咗十幾年，有次拍廣告撞番，見番一年先一齊。」Alina表示Stanley人氣急升，拍拖都冇壓力：「佢近排忙啲，溝通時間少咗，但感情又再昇華咗，學識點溝通先可以維持到一段好嘅關係。」希望呢一對可以打破MIRROR分手魔咒。

盤點MIRROR分手魔咒

Frankie

　　MIRROR顏值擔當Frankie出道前是一名專業舞蹈員，與前女友Hei拍拖13年，可惜上年兩人就在IG限時動態出文宣佈分手，Frankie近日更被指原來一早偷食現任女友Christy，令一眾粉絲感到心痛。

Edan

　　Edan（呂爵安）於2018年參加《全民造星》時，與Stephanie仍屬情侶關係，後來女方出帖文，表示拍拖三年的二人和平分手，會支持Edan繼續去追夢：「細個以為咩唔夾呀timing呀全部都係移情別戀嘅藉口，但理智與感情角力左（咗）好一段時間，我都agger（贊成）朋友會係我哋目前最適合嘅關係。」不過之後Stephanie曾暗示因為男方偷食導致分手。

Jer

　　Jer（柳應廷）前年被指與拍拖5年女友Kelly鬧分手，皆因網民發現Kelly於IG取消追蹤了阿Jer，而阿Jer亦承認自己正與Kelly冷戰中，現在阿Jer的IG也沒有再追蹤Kelly，事後二人宣布分手，而回復自由身嘅Jer早前於MIRROR喺英國開騷時都有於IG結識下異性。

Ian

　　Ian（陳卓賢）入行不久就在ViuTV 劇集《無限斜棟有限公司》中，與模特兒盧慧敏（Amy）撻著愛火，兩人愛得低調，甚少放閃，不過Amy曾在IG發文指「也願每一個人可以找到一個一起瘋狂，笑著世界瘋狂的人」，Ian則更回覆：「I think I’ve found one」。不過前年二人和平分手，結束兩年情。