世事政情

　　【晴報專訊】近日王祖藍及歌手李榮浩為內地真人騷《嚮往的生活6》任嘉賓，期間李榮浩自爆是TVB忠實粉絲，追看《跳躍生命線》、《大醬園》及《家族榮耀》等劇集，更稱︰「《大醬園》我看了五、六遍了！」身為《跳》及《大》劇主角的何廣沛，昨日接受本報訪問道︰「我真係估唔到佢睇咗咁多次，有啲怕醜！」

何廣沛在《大醬園》中，與緋聞女友朱晨麗扮演一對。（資料圖片）

李榮浩將擔任新一輯《中國好聲音》的導師，未知屆時能否抽空追無綫劇。（資料圖片）

　　剛於本月11日踏入37歲的李榮浩，日前在《嚮往的生活6》中自爆沉迷香港電影及劇集，並向身旁的王祖藍笑言︰「我聽香港音樂跟看香港電影長大的，TVB我不一定比你看得少，我連《跳躍生命線》都在追。」祖藍聞言嚇得大笑︰「不是吧！《使徒行者》我明白，《跳躍生命線》我真的不明白！」李榮浩續道︰「《大醬園》我看了五、六遍了！張智霖演的《家族榮耀》也在追。」身為無綫首席創意官的祖藍乘機邀請對方︰「TVB歡迎你！你不是說『真粉』，這種是『媽媽粉』。我告訴你，像我媽才會在家裏下載《家族榮耀》，然後等着看。」

王祖藍（左）驚訝李榮浩有追看《跳躍生命線》。（微博截圖）

自認李榮浩歌迷

　　何廣沛昨午接受本報訪問，他自言是李榮浩歌迷，對於偶像如此支持其主演劇集，感到受寵若驚︰「嗰集《嚮往的生活6》我都有睇，一直都知道李榮浩好鍾情香港文化，但好surprise（驚訝）李榮浩睇咁多TVB劇，真係估唔到佢有追《跳躍生命線》，同埋咁多次《大醬園》，自己都有啲怕醜。」

　　何廣沛又直認經常聽李榮浩的歌曲︰「當年好後悔無睇到佢喺香港嘅音樂會，好可惜。」他續稱︰「我呢啲小歌迷，有機會聽到李榮浩真人唱live已經心滿意足。（希望明年跟祖藍到內地，與李榮浩合作？）等公司安排。」

　　早前沙田賽事的錦標賽「TVB盃」在沙田馬場盛大舉行，TVB派出大批藝員盛裝出席，包括陳展鵬、譚俊彥、周嘉洛、何廣沛、丁子朗、周吉佩、朱晨麗、高海寧、陳煒及應屆香港小姐莊子璇、王怡然、王敏慈及姜依宁等，而胡楓（修哥）更化身財神，向在場的賓客大派利是，非常歡樂。是日賽事其中第八場1400米是「TVB盃賽事」，大會特別安排TVB高層許濤、曾志偉、蕭世和率領高海寧、陳展鵬及四位香港小姐落去終點位置近距離欣賞賽事。

（大會提供）

（大會提供）

　　高海寧（高Ling）和陳展鵬首次走到沙圈位置，近距離欣賞出賽馬匹出場前的形態，以藍色貼身連身裙示人的高Ling大感興奮，跟在場的人士大談馬匹狀態，更一見鍾情特別睇好11號的「朗朗乾坤」，身旁的馬會行政總裁應家柏就全程細心為她同陳展鵬講解，搞到高Ling愈來愈興奮，好想投注。直至走到終點區，馬會行政總裁應家柏分享三個心水號碼3、9及11，不過就講明11號上次試過在閘口不肯跑，未知今次發揮如何，於是得到「貼士」的高Ling不斷問：「我係咪可以買？但我冇APP喎，點算？好想買喎！」

　　有人建議高Ling搵獎門人曾志偉幫手買，高Ling就拜托曾志偉買11號獨贏同3、9、11號位置，就興奮去睇賽事，見到最終11號繼續不肯跑，但3號「增有」及9號「巴閉哥」真的贏出，特別是3號「增有」在最後直路衝上前贏埋2號同9號，非常精彩！完場後，高Ling興奮以為自己贏家，但曾志偉說：「買唔到呀！買唔到呀！我本身諗住幫你買3、9、11呀，點知撳300蚊之後買唔到喇，佢就開跑喇！真係陰公！」高Ling說：「Yeah！買唔到呀！唔緊要啦！（當）中咗呀喇！」

　　雖然未能寓工作於發個新年財，不過高Ling都一樣開心。而TVB盃頒獎時，冠軍3號「增有」練馬師正正是賀賢，他交由2009年港姐亞軍太太李姿敏在曾志偉手上領過獎盃。而莊子璇將獎盃頒給騎師艾道拿，而對方則送花給莊子璇「回禮」。

（大會提供）

（大會提供）