世事政情

　　【晴報專訊】準人妻連詩雅（Shiga）日前疑默認與未婚夫陳家樂同居，但她昨日到MIKIKI出席活動時，澄清並無此事；Shiga解釋自己是家中獨女，媽咪不希望她未婚同居，所以多年來都沒有逾越這「家規」。

Shiga透露與家樂偶有摩擦，幸兩人能夠冷靜處理。

　　連詩雅、雲浩影（Cloud）、艾妮及洪助昇昨日出席新蒲崗MIKIKI商場度假風打卡拍照場景《MIKIKI‧Summer Skycation》揭幕禮，Shiga指自己在附近居住，所以經常到這個商場購物。問她和家樂的新居是否同樣在附近？她即澄清同居傳聞︰「上次我係話大家喺自己屋企會講電話，佢成日拍通宵，佢瞓覺時，我就返工，連講電話時間都無，只可以靠WhatsApp傾偈，唔係同居。」

（左起）艾妮、Cloud、新鴻基地產（銷售及租賃）代理有限公司租務副總經理吳小偉、Shiga及洪助昇開心合照。

雲浩影生日最想去旅行

　　為何不選擇婚前同居？Shiga解釋︰「我媽媽唔係好鍾意呢樣嘢（同居），所以我都尊重佢，佢得一粒女。咁多年嚟，我咁大個女，好多人都唔信，但我真係無試過同居…我媽咪好開明，明白情侶之間會去對方屋企，或者去旅行；但一齊住佢覺得唔得，要去到結婚先得。」

　　由於家樂正身在內地工作，預計兩個多月後才返港，Shiga表示︰「我哋試過約好一齊視像食飯，一齊睇戲。（沖涼都視像？）我就唔會，因為喺網絡世界除咗對方睇到，你唔知有幾多百萬人喺大氣電波睇緊，真係好危險。」

Cloud送上鮮花賀Shiga訂婚。

　　提到師妹邢慧敏成為港姐大熱，Shiga對她有讚無彈︰「戥佢開心，佢係個好有愛心嘅女仔，經常同朋友自發搞清潔海灘活動，我都去過兩次。（有咩心得分享？）多啲自信，享受個舞台，同埋笑多啲。」另外，同場的Cloud上周踏入25歲，她透露只跟家人和男友食飯慶祝，但男友竟未有送禮物，Cloud說︰「我叫佢hold住先，未諗到要咩，我對物質慾望有啲低，最想去旅行。」

洪助昇（右）透露活動前一晚緊張到失眠。

　　衛詩雅入行以來，一直將自己感情事低調，日前突然主動公布即將成為人妻，與自己的醫學美容醫生周祉安拉埋天窗，於明年初舉行婚禮。她在個人YouTube頻道公開了二人相識經過，及當日未婚夫的求婚經過，在朋友和家人見證下，答應婚事。衛詩雅入行以來，一直將自己感情事低調，日前突然主動公布即將成為人妻，與自己的醫學美容醫生周祉安拉埋天窗，於明年初舉行婚禮。她在個人YouTube頻道公開了二人相識經過，及當日未婚夫的求婚經過，在朋友和家人見證下，答應婚事。

　　衛詩雅拍攝片段時透露，未婚夫其實不止一次求婚。當日，自己正跟黃子華、許冠文和周家怡等人，拍攝電影《破·地獄》期間，對方已第一次求婚，但因為專注於拍攝工作，情緒繃緊，而且為電影練習「破地獄」儀式，未能分心，首次拒絕：「當時亦冇心機做任何嘢，除咗拍戲，所以我同佢講消化下先，求完婚嗰晚就話專心拍戲先，過晒工作就再認真同我求多次婚。」

　　隨後，周祉安選擇在衛詩雅的生日派對上再次求婚，她在11月24日生日，相信未婚夫已求婚一段時間。未婚夫約齊她的家人和朋友到場見證求婚一幕，衛詩雅驚喜未婚夫的安排，即場接受求婚一刻感動落淚，之後還與陳家樂擁抱。

　　由入行開始，衛詩雅和陳家樂互相扶持走到今時昑日，大家見證對方成長，所以大日子，即將成為爸爸的陳家樂，到時在老友結婚就有大任務：「家樂真係好戲，其實當日下晝我返咗公司開生日會，佢仲問我之後會去邊。多謝陳生（陳家樂）陳太（連詩雅），我哋一齊成長，佢哋婚禮時我有畀驚喜，而家我婚禮佢又畀驚喜我，我已經諗定姐姊妹裙，以前佢應承我，我做佢兄弟著西裝，我結婚佢著姊妹裙，家樂一定要做伴娘，仲有陳茂賢導演都一定要著。」

　　這對準新人，其實一早認識，周祉安是衛詩雅的醫學美容醫生，她自爆在相睇約會才真正認識：「呢件事好奇妙，我本身已經識佢。有次朋友約我食飯，因為我單身一段時間，對方就約相睇飯局，我見到佢（周祉安）只係覺得好熟口面，傾傾下先知佢係我嘅醫美醫生，平時佢做療程好認真我哋冇閒聊，佢以為我會認得佢，就覺得我好寸唔講嘢，識都唔傾偈，其實當時我唔認得佢。」

　　衛詩雅自言要籌備婚禮，心情緊張又忐忑，笑言有婚前恐懼症：「做人老婆好難，未做過好驚，我希望佢成為我一個戰友，將來無論遇到乜嘢問題，我都係想第一時間撲埋去佢身上。大家互相係對方堡壘，不過而家個心好忐忑，諗到不久將來做人太太，好多疑問，所以想成個過程拍低佢。」