世事政情

　　【晴報專訊】余德丞（Dickson）上月宣布離巢效力八年的無線，早前他為「FHProduction」（熊仔頭）的網上節目任嘉賓，期間自爆入行初期曾因意見多多而激怒監製，但他強調會飲水思源。近日Dickson密密拍YouTube片，向YouTuber之路進發，他感慨稱︰「我喺自己YouTube頻道，節目自己一手一腳做出嚟，做得唔好係自己問題，靠自己換到掌聲番嚟都係自己嘅成功。」

　　在熊仔頭的訪問中，Dickson分享了離開無線的心路歷程，又回憶剛入無線時的新人時期，因經常提供意見而不經意得罪監製︰「開始入兒童節目、大約做咗半年至一年咁，已經好似大佬咁喺度行，諗緊『會唔會咁樣好睇啲』、『會唔會咁樣舒服啲』，監製覺得你咁多意見，係咪想做埋導演？」他坦言當時只希望做好件事︰「但好多人覺得關你鬼事咩？你唔使理呢啲嘢啦。」不過，Dickson強調會飲水思源︰「我喺舊公司入面學咗好多，無剛才講嘅兒童節目監製畀咁多機會，我會唔會做到今日嘅余德丞呢？」

Dickson帶熊仔頭返母校香港華仁書院，自揭曾在07至08年獲校內最佳運動員殊榮。（影片截圖）

拍YouTube片成敗靠自己

Dickson開心現時能與不同人合作，而非只有公司同事。（影片截圖）

　　自由身的Dickson，直言在無線當主持甚少加入個人想法，但現時的說話尺度則大有不同，「以前講嘢好持平，依家可以有啲立場，至少講波可以公開撐邊一隊。」問及以前是否未獲認同？Dickson未有直接回應，僅坦承現時拍YouTube片較有成功感︰「我喺自己YouTube頻道拍片，睇到評論話我講嘢好抵死、幾衰格咁，節目自己一手一腳做出嚟，望住個BB出世…做得唔好係自己問題，如果靠自己換到掌聲番嚟都係自己嘅成功，掌握到自己嘅命運。」

日前Dickson到平民茶餐廳試食蛋撻，片段推出三日已勁吸逾十萬點擊。（影片截圖）

離開娘家如跳崖般尋找「一生」

Dickson（左一）上月初現身now的講波節目，他直言無懼娘家小器封殺。（影片截圖）

Dickson在今年初推出的《青春不要臉》任男主角（右二），表現亮眼。（資料圖片）

　　談到近年在無線備受重用，但Dickson竟選擇離巢，他透露︰「我簽長約時已經六、七年前，出咗糧梗係要做，每年都好勤力工作，不過timing好緊要，我嚟緊九月都33歲，八年嚟乜嘢崗位都了解過，不如真係試下（離開）。如果真係再續約可能就係簽N年，去到呢個歲數再唔行出呢一步，可能永遠無機會。（怕轉變，但可以勇敢離開？）你喺懸崖邊，後面已經有人殺緊埋嚟，你都要跳，跳落去可能九死一生，但至少有一生。」

　　余德丞（Dickson）2年前離巢TVB後，目前在商台擔任DJ，又做YouTuber拍片。過往緋聞多多的他，近日竟被拍到疑似偷食人妻DJ同事他11日在叱咤903節目《口水多過浪花》急急澄清事件！

　　Dickson高大靚仔有家底，過往曾傳緋聞的女星不少，包括蔡思貝、周秀娜、麥明詩、江嘉敏和陳瀅等，不過Dickson一直強調單身。而Dickson跟DJ同事阿正（黃正宜）及Elsie（呂珮琳）一向老友，兩位「Bad Girl佬」經常出現在Dickson的YouTube節目。不過，昨晚（10日）突然傳出Dickson偷食Elsie，而重點是Elsie今年初才跟「Agent L」曹梓沖結婚！

　　事緣昨晚Elsie突然在IG story出po，表示其胞妹收到朋友send相問：「係咪你家姐？」相中，Elsie與一位神秘男在馬路邊被捕獲，二人不但頭哄頭勁親暱，更疑似手拖手等過馬路，看照片的確非常曖昧，Elsie表示指胞妹都懷疑她出軌：「當你同男友人出街，連你細妹都以為你出軌嘅時候…how come you don't trust me！？！？」

　　然後，Elsie再分享放大版的合照，原來「偷食男」竟然是Dickson！Elsie更tag埋Dickson，並留言：「一張非常奇怪的合照，但引起誤會實在太搞笑。」Dickson轉發並tag了Elsie老公Agent L及阿正，並說：「＃真係無拖手。」相中二人後方有一位Cap帽口罩女子，原來是阿正，她轉發story更搞笑自稱是電燈膽。

　　前日，Dickson在電台節目中澄清不倫戀傳聞，他的拍檔傑朱形容相中的Dickson與Elsie的距離「拳頭咁近」，而Do姐鄭裕玲更抽吳若希水，搞笑說：「人哋老公會寫『你趷起條尾都知你想點』。」為免「水清都唔清」，Dickson立即解釋：「當晚我同Elsie、阿正三個錄完音，跟住去攞車，等過馬路…好衰唔衰，我有180cm高，咁阿正生得矮又企我後面，所以我遮住咗佢得番四分一面，佢又戴帽戴口罩，冇人知嗰個係阿正！咁當時喺彌敦道有啲嘈，我應該係想聽Elsie講咩，所以哄埋啲，我哋係同事兼朋友，我絕對冇介入人哋婚事！」Dickson笑言好彩跟Agent L是老友，二人早前才一起去德國欣賞歐國盃開幕，才沒有令對方誤會；Agent L亦講笑回應事件：「好似唔係幾好喎！」

***更新：余德丞在12日發出聲明指娛樂報道誤導讀者，收聽「口水多過浪花」節目後並不會存在「偷食人妻同事」的疑惑，並斥該報道的標題是失實及故意誣蔑。