世事政情

　　【晴報專訊】伍詠薇（伍姑娘）早前為林柏希主持的網上節目《月傾會》任嘉賓，近日在無綫新劇《金宵大廈2》大曬演技的伍姑娘，透露有留意ViuTV男團MIRROR及ERROR，更想跟姜濤演母子。問到若跟姜濤演繹姊弟戀？伍姑娘即想像劇情：「姜濤鍾意咗我，但原來我係佢同學個媽媽。」果然夠爆。

伍姑娘大膽分享與老公練海棠的性生活，戲言八年才「行埋」一次。（網上截圖）

　　曾主持ViuTV節目《埋嚟睇埋嚟玩》的伍姑娘，在《月傾會》中透露有留意該台的當紅偶像MIRROR及ERROR︰「193（郭嘉駿）最近首歌幾好聽，仲有姜濤《蒙著嘴說愛你》，覺得佢好勤力，幾like佢，如果做我個仔，我會教得佢更加好。」林柏希追問二人若有機會合作，想演母子還是共譜姊弟戀？伍姑娘想了想說︰「梗係母子啦！（姊弟戀唔得？）如果係演戲，姜濤鍾意咗我，但原來我係佢同學個媽媽，咁就得。」另外，問到拍戲多年來遇到的麻煩對手，伍姑娘透露曾有亞視男拍檔分別玩失蹤及醉酒開工，「兩個字！男人！兩個！（一個）失蹤唔到，另一個飲醉！」她又指該醉酒男星手持汽水罐到場，但內裏竟裝了酒︰「我同佢（醉酒男星）有好多戲，聞到一身酒氣。」問到兩位男星名字，她只肯答︰「《芳華絕代》囉。」

姜濤本月尾生日，不少姜糖已積極準備應援活動。（資料圖片）

演神經質母親曬功力

伍姑娘在《金宵大廈2》面目猙獰，獲讚為羅蘭接班人。

　　另外，伍姑娘在《金宵大廈2》第二個單元《雙魚》中飾演單親媽媽芬姐，鏡頭前母愛無限賣慘博同情，鏡頭後卻經常對毀容女兒大發雷霆，完美演繹雙面人性格。伍姑娘為角色刻意減肥十多磅，更充份演繹「一秒變臉」的變態感覺，其中一幕抹牆後自言自語的戲份，她在40秒內竟做出接近20款瘋狂表情，觀眾大讚她夠陰森兇狠，熱捧她力爭最佳女配角。

　　【晴報專訊】《金宵大廈2》話題不斷，由伍詠薇（伍姑娘）及蘇皓兒（Chloe）主演的單元《雙魚》剛播畢，除了伍姑娘的精湛演技備受讚賞，Chloe的演出同樣亮眼。Chloe在劇中的毀容粧非常逼真，她形容當初倒模的過程新奇又緊張，每次拍攝前更需花至少三小時化粧，認真辛苦。自認最愛重口味題材的Chloe，坦言最愛演喪屍，冀能累積更多演出經驗，建立更明確的演員定位。

　　以往多演乖巧可人兒的Chloe，自言今次飾演「渺渺」一角是她在影視上的新嘗試，劇中的毀容粧更非常搶眼︰「今次個角色我好鍾意，因為之前訪問我有講過，好想演一啲社會上嘅小人物，或者係小眾啲嘅角色，咁啱就畀我遇到呢個角色。」

花3小時特技化粧

Chloe拍攝前需花至少三小時花毀容粧，十分辛苦。（受訪者提供）

　　Chloe表示這是她第一次特技化粧，感覺新奇，「試造型前去咗一間特技化粧公司做倒模，佢會用啲膠封住我成個人，淨係插咗兩支嘢喺我鼻哥窿畀我唞氣。因為個模要倒過膊頭，所以成個人僵咗喺度唔郁得；唔單止焗到出晒汗，我又有啲緊張，因為耳仔都封埋，人哋講咩都聽唔到，唔知時間過咗幾耐，化粧師成日同我講幾個字啫，點知最後成個幾鐘。」

Chloe倒模時動彈不得，侷促至全身出汗。（受訪者提供）

　　Chloe形容倒模是一個特別的經歷，及後看到自己的石膏像同樣嚇一大跳，「之後要去番間公司睇成品，第一眼見到自己個石膏像覺得好詭異，瞇埋眼又光頭，哈哈！」為了一個逼真的毀容粧，Chloe每次拍攝均要提早至少三個小時到場，她解釋︰「每一日拍之前都要三至五個鐘去化粧，化面三個鐘，如果嗰日會拍到個身就要化五個鐘。我記得有次朝早八點開工，凌晨三點我就要去到現場，同另外兩位化粧師成晚都喺度『奮鬥』，我又唔可以真係瞓着，因為有時佢哋要我郁下，試下啲位啱唔啱。」

努力建立演員定位

Chloe劇中被伍姑娘虐待，她透露拍該場戲前試位十多次，最後成功一take完成。（IG圖片）

　　提到《金宵大廈》口碑不俗，Chloe今次參與續集不但沒有壓力，而且非常興奮能參與其中。「我本身好鍾意睇鬼片、恐怖片、驚慄片、殺人嗰啲重口味嘢！」想不到外表斯文的Chloe，竟最愛看恐怖片，她更滔滔不絕道︰「我最鍾意就係做喪屍！之前拍戲導演話成班演員做咩都得，純粹撞啲火花，我嗰陣就係扮喪屍！開心咗好耐，終於有得扮喪屍，雖然嗰場戲最後剪淨一秒，但我都覺得好滿足，同埋會諗『如果呢個係一個完整嘅角色，我應該會扮得好好。』不過做喪屍面容好扭曲，肢體又奇怪，好似無咩戲可言，如果可以就做一隻半正常嘅喪屍啦，哈哈！」

Chloe（左）早前以校服look拍廣告，散發青春氣息。（IG圖片）

　　曾為女子組合As One成員的Chloe，被問會否再接觸跳唱？她坦言︰「呢幾年唔會喇，因為都想有番演員呢個定位，等大家對我有多啲認同。因為自己組合出身，又成日做model、拍廣告，都想演員個定位做番好啲，咩種類嘅戲我都歡迎㗎！」