世事政情

　　【晴報專訊】黃宗澤（Bosco）、陳瀅和蔡思貝前晚開直播宣傳劇集《飛虎3壯志英雄》，首次做直播的Bosco表現興奮，席間連環爆料，先是踢爆陳瀅經常孖緋聞男友周嘉洛在公司撐枱腳，又爆「女神收割機」羅天宇疑似暗戀陳瀅，嚇得她匆匆講拜拜。

Bosco約陳瀅和蔡思貝開直播，對兩女的家居大感好奇。（影片截圖）

陳瀅在前晚一集中穿上性感低胸晚裝亮相，令不少觀眾心心眼。

　　黃宗澤與陳瀅在《飛虎3》中飾演情侶，但Bosco「投訴」二人僅得一場沒有過程的床戲，他扮慘表示︰「飲醉酒第二朝瞓醒，就已經瞓喺張床度，過程都無呀，仲要淨係着住條底褲，真係犧牲色相。」他續笑言︰「下次我要同陳瀅埋身肉搏，要打要殺嗰啲留畀吳卓羲去搞。」陳瀅說︰「其實同你合作都幾緊張，雖然熟，但未至於好熟，開工幾日就要仆喺你身上，都有少少緊張。（Bosco︰咁依家呢？）完全無感覺。」

Bosco「投訴」跟陳瀅的床戲完全沒有過程。

陳瀅傻笑無力還擊

周嘉洛與陳瀅因拍攝《痞子殿下》而傳出緋聞。（資料圖片）

　　直播期間，思貝留意到日前確診新冠肺炎的周嘉洛正收看直播，Bosco笑謂︰「嘉洛，好心啦，唔好騎劫人哋啲live嘛！」思貝附和道︰「咁樣入嚟睇live就擺明係示威啦！」Bosco說︰「咪係，嗰時喺TVB canteen成日見到你哋一齊……食飯！陳瀅你又話幾愛我，轉頭又同周嘉洛一齊！」而陳瀅只管尷尬傻笑，完全沒有反抗能力。

　　另外，有網友問羅天宇在劇中是否暗戀陳瀅？Bosco又爆料︰「羅天宇點止劇入面鍾意陳瀅呀？」陳瀅即時瞪眼望實Bosco，但Bosco沒有理會繼續說︰「點止劇入面，現實生活都……」陳瀅見Bosco愈爆愈起勁，就以收睇《飛虎3》為由講拜拜，中斷直播。

　　黃宗澤舊愛朱庭萱（Bonnie）向來有「玻璃朱」之稱，她是林峯契家姐，經常跟林峯張馨月夫婦飯局，跟不少圈中人是好朋友，頻頻在IG分享自己跟不同明星的集郵照，相當高調。她曾在個人網誌，自稱跟黃宗澤拍拖五個月，惜最後分手，她指當年黃宗澤年紀尚小，未能給予自己安全感，無奈結束「姊弟戀」。最近，Bonnie突然在FB以黑底白字發表「偉論」，鬧爆鄭秀文（Sammi）演唱會嘉賓的名單，指斥Sammi冇邀請「聲夢傳奇》的歌手。

　　Bonnie今早突然間FB留言說：「一路睇Sammi請演唱會嘅嘉賓，點解全部都係會上ViuTv嘅歌手？如果作為前輩提攜新人，佢又唔請下「星夢」（聲夢）班人？佢而家更完全脫離內地市場㖭（添），意向都好明顯下。大愛一點可以嗎？」激發起網友討論，部分反對的聲音說：「其實大家係咪高估咗歌手嘅話事權？請乜人做嘉賓真係歌手話曬事？背後嘅金主同關係網一早已經安排好曬」、「聽歌姐（啫），唔好加政治入去啦」、「我識唱Sammi 的歌比起Joey + Twins 的歌還要多。不講甚麼立場心中支持她 」等等。

　　鄭秀文演唱會仍然在進行中，未來幾場的嘉賓還未有確實名單，但過往幾場的嘉賓有Serrini、林家謙、張敬軒、陳凱詠、YT周殷廷、鄧麗欣、COLLAR及謝雅兒，未知Bonnie口中的「會上ViuTV嘅歌手」係點，不過其實張敬軒、鄧麗欣甚至每晚都亮相的老公仔許志安都有亮相TVB，她著緊「聲夢」歌手，未知是否是「聲夢」的粉絲？但又寫錯「聲夢」成「星夢」，到底有幾愛？有幾支持？