世事政情

　　【晴報專訊】ViuTV選秀節目《全民造星IV》上周五選出60強，但入圍名單卻掀起不少爭議，當中梁祖堯（阿祖）更被指偏私，被網民「洗版」批評。阿祖昨午在IG發千字文回應網民攻擊，解釋入圍的參賽者均有其過人之處及舞台魅力。

Ling（影片截圖）

方方（影片截圖）

　　《全民造星IV》經過15集淘汰賽，96位參賽者在一對一PK後，率先誕生48名晉級名單。而在最後的復活環節，導師梁祖堯及許廷鏗須從「復活區」中再選出12名選手，成為最後60強，其中備受網民愛戴的選手王家晴（Candy）、沈貞巧（Gao）、黃雅慧（咖喱）等均成功「復活」；至於去年曾參加《全民造星III》的方芷欣（方方），以及今屆年紀最大、39歲的謝裕鈴（Ling）亦被阿祖揀選「復活」，晉身60強。

不同意年齡限制入選資格

16歲的阿妹獲網民熱捧，惟最後不能晉身60強。

　　不過，上周五節目播放完畢後，不少網民即狠批阿祖偏私，包庇早已認識的「自己友」方方，又直指Ling年紀太大，不適合節目打造女團的目標；網民亦戥16歲黃敏蕎（阿妹）、18歲吳欣諺（Yanis）等大熱選手未能「復活」而不值，在阿祖及ViuTV的社交網瘋狂留言表達不滿。

　　阿祖昨日在社交網上載與其組別成員的合照，並發千字文回應網民批評，他說︰「要做到比賽公平，就要睇當晚嘅實力同表現。當然，觀眾緣都係軟實力嘅一種，但係三個月前，當時所有宣傳都未出街，我哋根本無辦法用呢一樣嘢來做衡量，實在難以去預測觀眾對佢哋嘅期望。最後同觀眾期望有落差，都好心痛，感覺上真係放棄了一些原來非常得觀眾歡心嘅表演者。」

阿祖鼓勵落選者繼續追夢。

　　阿祖續解釋「復活」方方，是因為對方的舞台實力，並大讚Ling的壓台感比大部分參賽者優勝，「點解39歲就唔可以追夢？經理人阿Wing話選擇女團想要16至25歲，坦白講第一集開始，我就已經唔同意，因為既然報名時候無講明年齡限制，咁樣有才華又熱血嘅人，都應該值得一個機會用表演去為自己創造奇迹？」阿祖又直言節目出街後，收到不少爆粗回應，但自己會虛心受教，感謝觀眾讓他認清自己身為導師的不足。

　　MIRROR隊長Lokman（楊樂文）宣布與女友分手，成為MIRROR中「尾二」一位「失守」隊員，唔少人都覺得非常震驚。MIRROR隊中僅剩Stanley（邱士縉）一位仍然同《全民造星》已經拍拖嘅女友一齊。

　　Lokman剛剛突然於Instagram限時動態宣布分手消息，Lokman言辭間表示當中似乎已經一段時間「掙扎」：「我們已經分開了一段時間，相隔了一段時間才公布，是因為我們也想確認一下事情，確認一下對方，在一個我們都舒適的情況下向大家交代。」

　　Lokman表示同前女友關係依然良好：「分開是和平的，關係是舒適的，我們也已經踏上成長的路上，更加了解自己和對方。十分感恩一起走過的日子，我們之間只有滿滿的祝福和感謝，希望大家給予我們空間去成長。過後也不會在公開場合對這段關係作出任何回應或討論，希望大家明白與體諒！我們感謝對方！感謝各位！」Lokman前女友甄吳露茜（Luxi）同時都發同樣聲明。

　　Lokman同Luxi拍拖七年，上年曾喺社交平台上載花束照及留言「「今次掂晒啦老豆（竇）！」，即時引起求婚成功嘅揣測。不過Luxi之後出席活動時就否認有關傳聞，稱Lokman只係「520」送花， Luxi當時表示結婚冇壓力：「結婚不嬲都係靠衝動，所以唔會plan幾年之後結婚，同埋大家都仲後生。」然而，Luxi日前去到台灣澎湖散心，早露分手端倪：「聽說看海會讓人心情變好。謝謝澎湖治癒了我，然後我就曬傷了。」然而，二人拍拖期間一同飼養三貓一狗，暫時未知去向，恐怕都會成為「單親家庭」。

　　MIRROR 12子唔少入行前都有已經有穩定女友，不過都喺入行後相繼分手，現時只剩Stanley一個仍然係同「元祖」女友一齊。Stanley與女友Alina拍拖七年感情穩定，熱愛潛水嘅Stanley日前透露，諗過將來舉行水底婚禮，奈何女友不愛潛水，所以打消念頭。而Alina早前都喺電台訪問分享與Stanley相識經過：「我哋係大學讀書時一齊喺主題公園工作認識，識咗十幾年，有次拍廣告撞番，見番一年先一齊。」Alina表示Stanley人氣急升，拍拖都冇壓力：「佢近排忙啲，溝通時間少咗，但感情又再昇華咗，學識點溝通先可以維持到一段好嘅關係。」希望呢一對可以打破MIRROR分手魔咒。

盤點MIRROR分手魔咒

Frankie

　　MIRROR顏值擔當Frankie出道前是一名專業舞蹈員，與前女友Hei拍拖13年，可惜上年兩人就在IG限時動態出文宣佈分手，Frankie近日更被指原來一早偷食現任女友Christy，令一眾粉絲感到心痛。

Edan

　　Edan（呂爵安）於2018年參加《全民造星》時，與Stephanie仍屬情侶關係，後來女方出帖文，表示拍拖三年的二人和平分手，會支持Edan繼續去追夢：「細個以為咩唔夾呀timing呀全部都係移情別戀嘅藉口，但理智與感情角力左（咗）好一段時間，我都agger（贊成）朋友會係我哋目前最適合嘅關係。」不過之後Stephanie曾暗示因為男方偷食導致分手。

Jer

　　Jer（柳應廷）前年被指與拍拖5年女友Kelly鬧分手，皆因網民發現Kelly於IG取消追蹤了阿Jer，而阿Jer亦承認自己正與Kelly冷戰中，現在阿Jer的IG也沒有再追蹤Kelly，事後二人宣布分手，而回復自由身嘅Jer早前於MIRROR喺英國開騷時都有於IG結識下異性。

Ian

　　Ian（陳卓賢）入行不久就在ViuTV 劇集《無限斜棟有限公司》中，與模特兒盧慧敏（Amy）撻著愛火，兩人愛得低調，甚少放閃，不過Amy曾在IG發文指「也願每一個人可以找到一個一起瘋狂，笑著世界瘋狂的人」，Ian則更回覆：「I think I’ve found one」。不過前年二人和平分手，結束兩年情。