世事政情

　　【晴報專訊】謝東閔與朱智賢拍拖以來，是非不斷，繼去年朱智賢被爆偷食人夫黎振燁後，早前又爆出謝東閔疑玩航拍涉嫌違法。朱智賢昨日出席J2「呢鋪開細」記者會，對於男友疑玩無人機涉違法一事，全程封口；而謝東閔「潛水」多時，昨日亦終於「上水」更新社交平台。

朱智賢只回答工作相關的問題。

　　上月，網上流傳一段航拍片段，片中的航拍機在汀九橋逆綫低飛，一度穿過大型路牌，更險些在巴士頂擦過，相當驚險；此舉涉違反香港民航處對操作航拍機的安全規例，網民更懷疑航拍機是由謝東閔操作。事發後，他一直「潛水」，原定上周出席無綫節目巡禮亦臨時缺席，似是刻意迴避追訪。不過，謝東閔相隔個多月，終在昨日更新社交網，繼續避談事件，但他回應網民時，聲稱是因拍劇而缺席節目巡禮。

「潛水」多時的謝東閔，昨日終於更新社交平台。（IG圖片）

　　而朱智賢昨日出席記者會時，問到男友疑玩無人機涉違法一事，她連番表示不知情︰「我唔評論啦，我唔識玩，（佢被網民鬧『潛水』？）我唔知呀！（乜都唔知，你哋分開咗咩？）又講？（唔出席節目巡禮想避談？）唔知，工作好少講。（擔心佢疑似違法？）唔回應。」

C君不評論《仔仔一堂》疑被抽起

C君表示升任高層後，會減少音樂以外的幕前工作。

　　另外，由王賢誌監製的男男配對真人騷《仔仔一堂》，原定下月於J2台播出，但現盛傳已被抽起。J2創意總監鄭詩君（C君）昨日被問及此事，他回應指節目製作中︰「至於幾時播？邊度播？有好多部門決定，唔係我一個決定。」至於王賢誌的朋友日前在網上呼籲大家投票，想該節目在哪個電視台播出？C君則說︰「嗰個係主持人私人平台，我邊有資格評論，畀啲空間公司。」

　　【晴報專訊】朱智賢（朱朱）、劉溫馨、傅嘉莉及黃婉恩等，昨日聯同金剛及林盛斌等現身澳門，拍攝無綫節目《濠玩夏水禮》。女藝員均穿T恤玩水上遊戲，難怪連金剛忍不住出聲：「（女嘉賓）啲衫可以精簡啲！」一向纖瘦的朱朱激罕露出腰間贅肉，她坦承疫情期間發福所致。

發福了的朱朱（左）與劉溫馨只肯露腰曬腿。

　　一眾女藝員相當錫身，昨日穿大會tee上陣，遮掩內裏的泳衣，落水玩遊戲亦無甚睇頭。遊戲期間，朱智賢慘被眾人圍攻狂潑水，幾乎睜不開眼睛。事後朱朱與劉溫馨受訪，劉溫馨戲言︰「我哋已經好瞓身！」朱朱則說：「唔着件衫唔得，大家好狼死，啲水『片』過嚟好似被刀界咁。」她笑言「不想嚇親人」，所以穿得密實。

金剛（右五）及林盛斌率領女藝員在水上樂園玩遊戲。

金剛懶理舊愛不雅片風波

　　問她們日後會否只穿泳衣上陣拍節目？朱朱坦言：「真係有啲驚，要即刻去跑下步，萬一個肥腩唧出嚟嚇親人就唔好。」她解釋：「因為之前疫情個人懶咗，又坐得多，積聚唔少糖份喺個肚度，今次拍節目我都特登去跑步！」問到若TVB要求穿比堅尼示人？她即說：「唔好啦，我都一把年紀，留番機會畀新人，每年都有咁多港姐，我哋負責打氣。」

　　同場的金剛表示已六、七年未有擔任水上遊戲節目主持，笑指昨日女嘉賓與早年相比，略嫌穿得太多：「啲衫可以精簡啲囉，咁觀眾都睇得開心啲，我都盡力表現得開心㗎。」剛在順德完成棟篤笑表演的金剛，目前主要在內地工作，也會中港台三邊走，「我答應咗總經理曾志偉，會定期返去做《獎門人》獎老。」提到早前網上流傳前女友梁云菲的不雅片段，她在片中疑似爆出一句「比金剛爽」，令金剛慘被網民抽水，金剛昨日不欲多談：「唔講啦，應該講嘅都已經講咗。（是否告一段落？）我無再跟進呢啲嘢。（仍被人網上欺凌？）唉，唔睇咪得囉，清者自清。」

朱朱慘被眾人潑水圍攻，花容失色。

傅嘉莉玩遊戲太投入，難以兼顧表情管理。

「心口開窿」的黃婉恩，已是全場最性感。