世事政情

　　【晴報專訊】謝安琪（Kay）昨日宣布今年12月29日假會展舉行一場演唱會，談到14歲兒子張瞻及四歲女兒張靖同樣能歌擅舞，雖然Kay暫時無意母女檔合唱，但剛自資成立唱片公司的她，揚言將來會把一對子女收歸旗下，肥水不流別人田。

Kay昨日舉行記者會，宣布年尾將舉行一場演唱會。

　　謝安琪對上一次開騷已是19年紅館個唱，她坦言在疫情下盡量避免出席公開活動︰「我爆過四次肺，所以我係高危啲，呢段期間都深居簡出，不過見香港疫情都穩定，好有信心可以開騷。」Kay一手包辦作曲、填詞、編曲及監製的新歌《離不開》已奪得兩個電台的冠軍歌，她揚言開心到喊︰「一手一腳做嘅事真係好辛苦，但好有滿足感，屋企人覺得我做乜咁激動，因為今次我哋自資製作音樂，有啲唔同嘅。」是否已回本？她說：「要計數呀，拍完MV就要儲定錢拍下一隻。以前唔會諗資金運用，但今次我係投資者，真係好多嘢要諗，都好肉痛，因為想做到自己嘅水準，就樣樣都唔慳得，我又要求高，依家先發現以前食嘢唔知啲嘢貴，所以要精打細算，買餸係練唔到呢樣嘢，出歌先練到。」

年僅四歲的張靖識作曲兼自彈自唱，盡得父母真傳。（IG截圖）

　　提到Kay和張繼聰的一對子女甚有表演慾，張靖更自彈自唱識作曲，但Kay暫不考慮跟女兒在個唱上合唱：「個女太細個喇，上到台唔知佢會咩反應。遲啲先一家四口同台，因為今次個騷會成熟啲。」Kay自爆仔女不時獲電影或廣告邀請合作，但她擔心工作環境太辛苦而婉拒，她笑說︰「等仔女大啲我再簽番佢哋。」

被張繼聰「冷落」

張繼聰（右）跟白只開心合照，遺忘身後的嬌妻Kay。（IG圖片）

　　另外，張繼聰日前在街上巧遇老友白只，他分享合照及留言：「喺街買緊外賣，突然諗會唔會撞到佢（白只）呢？然後佢突然神奇咁出現，兩個都呆咗，真係兄弟嘅緣份，然後梗係影番張相先啦，然後望下後邊，就再無然後……」原來當時Kay慘被冷落，她站在二人身後呆等，Kay留言︰「呢份緣份咁珍貴，一睇就知，我同佢哋一樣咁開心。」

　　MIRROR成員盧瀚霆（Anson Lo）最近推出個人歌曲《Hey Hey OK!》，歌曲中舞步配歌名有OK手勢，連日來他找過不少圈中藝人一起跳舞，一起做這個手勢，繼馮允謙、Serrini後，謝安琪都陪住囡囡Kakaball一齊跳。Kakaball 表現淡定，而且十分開心，相信全場最不是味兒只有張繼聰。

　　盧瀚霆新歌的OK動作，成為好多神徒的模仿動作，連日來他收過不少神徒的片段，跟家人做這個動作手勢。而他亦找過馮允謙、Serrini一起跳新歌舞步。而最近一條片，就是謝安琪跟囡囡Kakaball和盧瀚霆三人跳舞。

　　本身Kakaball都是有跳舞底子，而且都有好多演出機會，她跟著兩個大人一起跳舞時，完全不怯場，對著鏡頭清脆俐落地做動作，而且對住偶像時，她都能好冷靜地沒有分心，繼續跳舞。見到小神徒Kakaball如此可愛，盧瀚霆都特別開心，跟小朋友合照後，又跟張氏一家大合照，還寫著，「好有愛的一家人。」

　　張氏家族的女成員，全部都被盧瀚霆冧得好開心，反而謝安琪老公張繼聰在合照時，就擺出一張不滿的樣子，斜望著盧瀚霆。這個組合表演，令不少網民都感到驚喜，還大讚Kakaball十分可愛，「好Ok，好可愛好sweet 嘅組合，Kakaball 好叻叻」、「呢個組合 SUPER CUTE」、「OMG...竟然係阿Kay同Kakaball，3個都跳得好好，好可愛吖」、「既可愛又溫馨嘅組合呀」、「聰哥做咩唔一齊」、「 求張生心理陰影面積」、「好正丫！但聰哥會唔會呷醋㗎」。

　　呷醋爸爸張繼聰其實一早就知道Kakaball是盧瀚霆的神徒，以往不少活動上，二人合作時，張繼聰都會帶Kakaball親近偶像。而早前MIRROR的演唱會上，Kakaball見到偶像時，在台下不時派心心、又興奮揮手。