世事政情

　　【晴報專訊】張敬軒甚得歌迷愛錫，日前有歌迷買下各區的巴士站燈箱廣告，慶祝軒仔入行20周年，但前晚卻發生不愉快事件。軒仔前晚擔任太極樂隊個唱嘉賓後，即趕往有關巴士站拍片答謝歌迷，但因部分歌迷跟隨而至，軒仔不想拍攝內容曝光，迫於無奈腰斬拍攝，事後他開直播向歌迷道歉，他更苦口婆心呼籲歌迷勿再花錢應援，又謂送梳蕉給他亦十分開心。

　　軒仔的秘密拍攝大計取消後，昨日凌晨在社交網上載一張在巴士站燈牌前的相片，他留言︰「Thanks to everyone！But again︰NG HO SAI CHIN（多謝各位，但再提醒大家︰唔好嘥錢）」軒仔粧都未落，就在家中開直播說︰「我哋團隊諗住拍番啲開心同搞笑嘅片多謝大家，好感恩大家咁錫我，但我好唔鍾意大家使錢…尤其香港依家搵錢唔容易，好多行業受影響，大家真係要留個錢傍身。」軒仔又呼籲經濟上許可的歌迷，可以捐錢去各慈善機構。

軒仔前晚在太極演唱會上擔任嘉賓，台下歌迷反應熱烈。

獲00後小妹妹支持

腰斬拍攝後，軒仔只在巴士站燈箱前拍照留念。（IG圖片）

　　軒仔指專程帶備兩套個唱上的舞台服裝，去巴士站應援燈箱前拍片，但因熱情歌迷追隨而腰斬拍攝。軒仔坦言︰「我係有啲啲唔開心…雖然唔建議大家為我使錢，但使咗錢，又集資咗幫我整呢啲燈牌，我好應該多謝支持我嘅朋友，但佢哋到咗又一路影住，我好驚我哋計劃好嘅嘢提前曝光，我又想畀啲驚喜大家，最尾都cut咗所有拍攝。」由於擔心自己當時惡形惡相嚇窒歌迷，軒仔不忘安撫他們︰「喺我勸喻大家唔好揸機時，我嘅嚴肅嚇親大家嘅話，我都要講聲唔好意思…人到中年有班00後小妹妹支持真係好感恩，但世界變喇，阿叔我都要學下，多謝大家嘅熱情；後日（今日）傍晚我會有個活動，大家見下面傾下偈，或者帶兩梳蕉嚟探我就得。」

軒仔早前誤會歌迷花錢在郵輪船身買應援，原來只是郵輪公司免費製作的活動。（影片截圖）

廣州香港設歌迷站

軒仔前晚在直播中苦口婆心，呼籲歌迷勿再嘥錢送禮給自己。（影片截圖）

　　軒仔自言入行以來收到歌迷送贈各式各樣的禮物，都會珍而重之︰「除咗收過一撮頭髮真係無keep，你哋送畀我嘅嘢真係有留；我喺荃灣租咗個五千呎嘅倉，有四分一係擺出道到依家粉絲嘅禮物，淨係Monchhichi公仔都有幾千隻，大家真係唔好使嗰啲錢。」另外，軒仔亦宣布稍後在香港和廣州設立歌迷活動中心，香港已物色了一個千多呎的地方：「大家可以坐埋一齊做啲手作仔或義賣，有個錄影廠拍下嘢，擺下我啲古靈精怪物品，地址稍後公布畀大家聽。」

　　商業電台為慶祝今年開台65周年，將會有一連串大搞作，其中一項，則是大型的廣播劇。下周一（8月5日）隆重推出台慶廣播劇《微涼之夏》，特別邀得影帝林家棟首度獻聲，夥拍台柱林海峰分別飾演劇中主角「楊雲峯」及「宣子晴」，並由林家謙及呂爵安分別聲演二人之少年版，演繹一段糾纏近60年的故事，甚有BL味道。

　　這個廣播劇，全劇共20集，8月5日起於www.881903.com 及 HKToolbar凌晨12時率先播出，叱咤903 早上10時及雷霆881 晚上10時播放。廣播劇《微涼之夏》匯集了多位曾效力商台的經典靚聲DJ，當中包括：鄭丹瑞、林珊珊、陳輝虹、郭靜、鍾雪瑩等；另外，影后級林嘉欣亦夥拍葛民輝及一眾商台現役DJ上陣。至於一眾歌手，包括：張敬軒、鄧麗欣、馮允謙、陳蕾、陳卓賢、周殷廷、黃妍、何啟華、Fatboy、魏浚笙、林愷鈴、Sinnie@LollyTalk，亦為商台65周年廣播劇特別獻聲演出，分別演繹多個與電台節目有關的單元故事，喚起聽眾65年來深刻難忘的回憶。

　　首次參與長篇廣播劇的林家棟，指今次《微涼之夏》對他有很特別的意思：「因為年少嘅時候都係聽住電台節目成長，而今次故事嘅時間線很長，由70年代延伸至2024年，同香港人息息相關，而且故事包含多種情感，有親情、愛情、不為人接受嘅師生戀、隱晦嘅男人友誼等，我一路睇劇本，一路湧現咗好多回憶。今次仲要係幾代人一齊參與，更特別有意義。」身為影帝的家棟對於第一次正式參演廣播劇，坦言覺得很有挑戰性：「廣播劇同演戲好唔同，喺咁細嘅錄音室裏面，要擴闊想像空間，幻想唔同嘅情景、對手嘅語氣、狀態同埋情緒，無道具協助之餘，又唔知後製音效點做，講真都幾有難度。」

　　廣播劇《微涼之夏》是林家棟與林海峰首次合作，二人更特別為廣播劇拍攝宣傳照及預告片。林家棟笑指林海峰在廣播界是他的前輩：「對住阿Jan真係戰戰兢兢，睇下點樣可以配合到佢。」對於二人劇中的關係，家棟透露：「收到劇本時，我覺得我同阿Jan嘅對白有啲曖昧，疑似無疾而終，所以正式錄音時就問編劇月巴氏，佢只係笑而不語。其實人生難免總有遺憾，我同阿Jan嘅感情，就代表著一份男人情誼嘅遺憾 。」

　　《微涼之夏》另一位主角林海峰對於今次的合作既興奮又失望，林海峰解釋：「之前無機會同家棟一齊工作，今次係一個好難得嘅機會。眾所周知家棟對劇本及對白嘅要求好高，家棟會研究劇情讓角色更立體，而我就係平面嘅，大聲啲就係進取啲，細聲啲就係文靜啲。好好玩係因為太耐無做廣播劇，唔好玩就係因為唔夠喉，同家棟嘅對戲太少，所以我係好興奮，但又好失望。」

　　飾演林海峰少年版的林家謙，透露廣播劇《微涼之夏》是首度與呂爵安正式合作：「我同Edan係『脆友』（社交媒體Threads的朋友），有個稱號叫『喃親呂愛』，之前講笑話拍番套劇，點知而家率先做咗呢套劇嘅聲音版。」家謙指錄廣播劇時都遇到很大挑戰，更與Edan有肢體碰撞：「今次做佢學弟，由細識到大，二人之間會有少少BL感覺。同埋我之前啲角色都好木獨，今次要有多少少起伏，反應又要誇張少少。有段劇講我被人打要大嗌，我覺得好尷尬，跟住叫Edan打我幫我入戲，所以錄音過程就出現咗肢體碰撞。」

　　呂爵安飾演林家棟的少年版，Edan指並不是第一次接觸廣播劇：「小六時代表學校參加校外比賽，更奪得『最佳男廣播員』。不過大家都知道我咬字差，花姐要我事前逐句逐句錄俾佢聽。錄音嗰陣有好多專業人士在場，大家又點會放過我，出名鍾意執字嘅林家謙都忍唔住出聲。」有演戲及主持經驗的Edan，坦言今次入錄音室卻十分緊張：「明明平日講嘢係好自然，但一見到錄音室嘅紅燈一著，就非常緊張，好似唔識講嘢咁。廣播劇只係利用聲線塑造情感，同拍戲真係好唔同，係一次好難忘嘅體驗。」