世事政情

　　【晴報專訊】周國賢早前憑電影《一秒拳王》的演出，獲香港電影導演會年度頒獎典禮的「最佳男主角」，認真威水；他的粉絲前晚更在郵輪發放「愛的訊息」，以船身LED燈口號祝賀偶像榮升影帝，令周國賢既驚且喜。

大隻佬周國賢早前半裸上陣sell潔面乳，露出健碩腹肌十分吸睛。

　　周國賢升呢影帝後，曾透露電影由拍攝到上映，社會以及自己的身心狀態都發生前所未有的改變，令他和身邊人及團隊都經歷一段難捱時刻；直至《一秒拳王》上映後反應好，才覺得難撑的都會撑過去，一定會找到出路。他又笑稱︰「自己由寫歌佬變大隻佬，只要肯相信和堅持，任何事都會有奇蹟發生。」

粉絲在郵輪船身「刊登」祝賀訊息，氹得出爐影帝周國賢十分開心。（IG截圖）

　　不少網民、粉絲連日來都在網上祝賀周國賢，有粉絲前晚更在郵輪發「賀電」，以在船身的LED展示版發文指「Chow Kwok Yin Support You Forever Congratulations For Winning The Best Actor（周國賢永遠支持你，恭喜贏得最佳男主角）」，有粉絲留言說︰「周仔好叻仔。」周國賢亦在IG限時動態轉發郵輪片段，講笑說︰「乜依家啲CG咁犀利，仿真度又會高成咁嘅！」據悉，原來有粉絲參加郵輪公司活動並抽中獎，所以特別留下祝賀訊息，慶祝他奪得影帝寶座。

主演《熱唱吧》獲3項提名

周國賢和陳慧敏在新片《熱唱吧》演師生。

　　開心事陸續有來，周國賢與陳慧敏主演的新片《熱唱吧》，榮獲第九屆法國尼斯國際電影節三項提名，包括最佳外語片、最佳外語片女主角及最佳原創配樂。其他演出藝人包括歌手小肥、黃樹棠及吳浣儀，故事講述中學生陳慧敏追尋音樂道路的故事，周國賢飾演音樂教師張智仁，起初與陳慧敏水火不容，後來師生互相鼓勵，令陳慧敏重拾對音樂的熱誠，電影洋溢着青春活力。

　　林盛斌見慣大場面，不過都並非樣樣都識、樣樣都見過。究竟他仍然對甚麼有好奇？近日，他就虛心在網上求教，貼出一張洗手間的照片，廁格內影著兩個類似座塔的東西。他好奇一問，究竟有時見到公共洗手間內見到這兩座東西，究竟有甚麼用途，引發大量網民創意回答。

　　林盛斌在社交平台貼出照片，一個廁格內有兩座東西，一個是座廁，另一個則有水嚨頭裝置，他虛心問：「其實有樣嘢擺咗喺個心入面好耐，一直都好想問，但係又唔夠膽問，今日我決定鼓起勇氣………到底右邊嗰座嘢，係用嚟做乜㗎？點樣用㗎？係咪兩個都可以用嚟痾屎㗎？件事到底係點㗎？真心認真求答案。」

　　都有藝人解答林盛斌的問題，周志康立即出來回應，笑言可以用來洗頭，然後陸浩明都有答案：「我屋企爺爺嫲嫲廁所都有，左邊正常大小便，右邊係用嚟大便後清洗。」這些答案就太正經，反而網民充滿創意。

　　其他網民就你一言我一語，「洗腳」、「右邊洗面」、「痾痾下見口渴時用的」、「右邊用嚟開餐」、「右邊用嚟刷牙」、「BB仔沖涼」、「右邊嗰個應該係畀你洗手用」、「洗眼、邊隻眼自己諗」、「右邊嗰個係煲湯、炆嘢用嘅，方便痾屎嘅時候睇火」、「用嚟打邊爐」、「洗頭，開完大小後即用」、「右邊畀你淥麵食，一路食一路痾」、「嘔完可以洗埋個口」

　　留言中都有好多有心人解答，相信可以令林盛斌滿意長知識，「應該係用嚟洗眼用，隻眼望住個銀色細圓柱，有冷熱水」、「右邊叫做下身盤，以前歐洲地區冬天用，因為唔係日日都沖涼，清潔下體用。傳說中嘅典故，歐洲妓院用」、「呢隻嘢叫做bidet, 英國人讀做B-day, 係去完便便之後洗pat pat用嘅」、「我諗應該係洗妹妹同菊花」、「右邊應該用嚟沖涼用嘅 高級版 攞你命3千」、「右邊嗰個叫bidet，用黎洗下體。作用有點似日本嘅免治馬桶」。