世事政情

　　【晴報專訊】王浩信在下周一播放的無綫新劇《刑偵日記》飾演精神病人，獲睇好憑角色第三度贏視帝。提到太太陳自瑤（YoYo）在《好聲好戲》發揮出色配音演技，更終於升呢女一開新劇，浩信罕有大談YoYo，力讚老婆比自己更厲害。

王浩信罕有大談陳自瑤，讚賞老婆工作非常努力。

　　王浩信與姜皓文（黑仔）昨日宣傳新劇《刑偵日記》，劇集早前在內地平台播出，飾演人格解離症患者的浩信，演出獲內地網民大讚，有機會第三度封帝，追平黎耀祥及郭晉安的紀錄。浩信聞言說：「唔敢當，以往演過盲人、搞笑角色，今次扮人格解離，絕對係突破。（衝擊三屆視帝？）我會繼續努力，身為演員要好humble（謙虛）咁講，多謝大家支持。」

陳自瑤在《好聲好戲》的表現非常亮眼。（資料圖片）

　　提到太太陳自瑤在《好聲好戲》奪冠後，下月升呢做另一新劇女主角，其配音技巧及演技被評有實力爭視后，問浩信會否想過跟太太一齊封視帝后？他大讚YoYo說：「我覺得對佢來講，任何獎項都值得恭喜，今年佢所有作品都表現好好，尤其配音好犀利，多謝觀眾對佢嘅支持。佢配音做得好好，能力遠超於我，我唔夠佢嚟，要請教番佢！」

姜皓文失眠一年

姜皓文在《刑偵日記》中對陳煒痴心一片。

　　同場的黑仔透露自己在第11集才正式出場，他形容角色非常虐心，皆因他在劇中憶妻成狂：「劇中我見到太太陳煒就會好軟弱，由拍完到到依家一年幾，仲係會失眠，連跑步都跑唔到，開早班好辛苦。但係好難得今次同一班咁有熱誠嘅演員合作，大家去到現場已經準備好狀態。」

　　【晴報專訊】《刑偵日記》本周進入結局篇，劇集收視持續下跌，有消息指劇集調至十點三時段後，收視仍未有上升，但主角王浩信有信心結局周的收視反彈。另外，有傳因《刑》劇收視強差人意，而拖累太太陳自瑤擔當女主角的劇集開拍無期，浩信稱已安慰對方。

王敏奕笑指王浩信是「TVB菲比斯」！

　　《刑偵日記》一眾演員昨日出席宣傳活動，為配合奧運舉行，藝員們即場比拼乒乓球。王浩信表示小學時曾接受乒乓球訓練，但中學時就專注籃球及羽毛球，他笑言︰「可能我有身高優勢，手長腳長比較適合呢啲運動。」談到香港運動員於奧運表現理想，浩信十分高興，並透露有留意羽毛球選手伍家朗的比賽，亦有幸曾一起打波，希望對方能在奥運會上奪取獎牌。

　　問及劇集收視持續下跌，浩信指自己沒有失望︰「有信心收視可以反彈，希望有廿幾點，有廿幾點已經好叻，因為好多觀眾都睇咗，收視都未必反映到劇集嘅質素。」有指因《刑》收視不佳，令未開拍的新劇即時煞停，並需重新審視劇本，連累太太陳自瑤首次做「女一」的劇集隨時泡湯，他說︰「唔關事，呢啲等公司處理。（有無安慰下太太？）都有同佢講加油，佢嘅努力公司會睇到，做演員嘅難處就係咁被動。」

黎諾懿太太二胎後封肚

黎諾懿指暑假帶囝囝小春雞到處玩，已讓他十分疲倦。

　　另外，同場的黎諾懿日前公布太太懷孕，是否如願湊成「好」字？他表示︰「交畀太太公布，其實我只係講咗畀幾個朋友知，好似鄭伊健同蒙嘉慧，我相信佢哋唔會爆出去。」諾懿指無論今胎是仔或女，太太都會封肚，並透露太太想拍攝大肚照，「因為小春雞出世之後好忙，無時間影靚相，連BB仔出世嘅腳印仔都無印過。」