世事政情

　　【晴報專訊】無綫話題劇《香港愛情故事》前晚曲終人散，劇中多條感情線皆有美滿結局，主角羅天宇、龔嘉欣亦寄望盡快開拍續集。該劇監製林肯昨晚接受《晴報》訪問，強調要等公司安排，他表示︰「結局無想過要兩個主角分手，呢個艱苦時期希望傳遞正能量！」

　　《香港愛情故事》上周劇情掀起高潮，羅天宇、龔嘉欣買樓「撻細訂」後為是否再入市鬧翻，男方狠心搬走，雙方險離婚收場。龔嘉欣在前晚大結局買外賣挽回老公的心，兩人最終和好如初；白彪則洗底承諾不再做「大男人」，以鮮花、甜品攻勢冧掂太太龔慈恩。然而，王敏奕、謝東閔的一夜情戀人卻未能延續下去，男方重回舊愛懷抱，令人遺憾。

羅天宇跟《衝上雲霄大選》參賽者史穎喬對望測試眼神魅力，他竟怕羞得面紅耳熱。

　　天宇及嘉欣前晚現身《衝上雲霄大選》活動，問到可有聽聞開續集？天宇表示︰「當然希望，因為想知道我哋嘅角色會點發展，係咪會生BB。」嘉欣即笑說︰「你咁快就諗生BB？」

參賽者麥大力重演劇中求婚一幕，向龔嘉欣以英語深情求婚，令她笑得開懷。

　　監製林肯昨午受訪，對於劇中多個角色有好結果，他直言一開始已希望結局能為觀眾帶來正能量，特別在這艱難時期傳遞正面信息。談及男、女主角重修舊好，他回應︰「我哋都無構思佢哋會分手，情侶一定有高低起跌，唔會由頭開心到尾。其實幾條線並非全部都好，王敏奕回復單身，游嘉欣亦都繼續一個人！」

監製希望傳遞正能量

　　至於續集是否事在必行，監製表示︰「我現時手頭上仍拍緊另一齣劇，所以都要等公司安排！（續集會講供樓辛酸故事？）暫時未諗！（劇集反應佳可算超額完成？）好驚喜大家都鍾意呢齣作品，整個團隊都好有心，劇情亦有笑有淚。」

　　對於《香港愛情故事》能否勇奪台慶頒獎禮最佳劇集，林肯續稱︰「平常心面對，好多對手如《殺手》及《反黑路人甲》等，臨近頒獎禮前結局並非一定有著數，但多人討論都開心，我睇好龔慈恩攞女配角獎！」至於網友指劇集結尾收得舒服；有觀眾亦喜見結局沒有帶來沉重感覺。

　　楊潮凱在2024年實在變動好多，早前公開宣布離開效力16年的無綫之外，亦有另一個喜訊，他即將會再做爸爸。早前，他於個人社交平台公布，太太懷胎的BB性別，開心得很。

　　39歲楊潮凱在2月的時候，貼出一張太太去照超聲波圖片，公布太太再度懷孕。本身已育有一女的他，開心地寫道，「唔知係唔係每一個女孩子都有想做家姐嘅願望，我好記得每一年CatharineBB生日都會同我地講，佢好想要個細佬或者妹妹，唔知係咪吸引力法則呢？今年終於俾佢恨到喇！我正式宣布：「我地又做爸爸媽媽喇！CatharineBB做家姐喇！」

　　早前，楊潮凱就公開了胎中BB的性別，而這個吸引力法則，為他帶來男嬰，即將湊成一個「好」字，他與太太和女兒早前影了一輯溫馨家庭照片，他發表內心感受，「終於可以同大家講喇!我家將會迎接一位新成員，而這位成員係Baby……Boy。我地而家湊夠個『好』字喇！Yeah!多謝大家的祝福，好期待見到細佬仔呀，特別係CatharineBB，每日都在計住仲有幾多日可以見到細佬仔，希望佢地會相親相愛啦!」

　　細佬即將出世，而爸爸楊潮凱都準備好BB的用品，喜歡籃球的他，之前已經特製籃球衣與女兒襯一個「父女裝」，而細佬未出世，楊潮凱亦同時已準備好BB的籃球裝，相信他期待BB出世後，可以一家人穿起球衣合照。

　　圈中一班朋友：龔嘉欣、朱千雪、黃翠如、蔣家旻、梁諾妍、余香凝、連詩雅、陳煒、區永權、朱智賢、洪永城等人都替他興奮，留言祝賀兼戥他高興。

　　楊潮凱2013年與初戀情人江玉儀結婚，2018年誕下女兒楊心悅，女兒生得跟他如餅印一樣，經常父女出遊時，都被讚似樣。楊潮凱平時工作就算再忙碌，都會抽時間陪女兒周圍玩，有時一起跑步，又去公園玩。有次父女穿上禮服合照，女兒有如小情人。