財智

　　早前有網友於會員group內討論長線投資這話題，我也湊個熱鬧，思考討論一下。先來個定義，一般指投資期在一年內算是短線，五年內算中線，超過五年甚至永遠算是長線。先定義較好，因為身邊有朋友真的以為「過夜」就已經是長線投資。

（iStock）
　

價值投資就代表長線投資？

　　不少人認為價值投資就一定要配合長線投資，其實這是一個誤會，兩者並無必然關係。相信這誤會源自巴菲特的理念，因為不少價值投資的信徒也鍾情巴菲特的一套，而巴老常說不少名言，指他的投資多考慮長線，甚至持有至永遠，因此不少人以為價投定必要長線。

　　當然，巴菲特算是當今世上把價值投資發揮得最厲害的一位，但他的一套與最原始的價投有所出入。價值投資來自他師傅Ben Graham，本身就不是永遠持有，而是五年以下，若價值回歸沒有發生，便沽貨離場。所以極其量只是中線持有。

長線投資就代表死抱不放？

　　談到長線投資，主要是要發揮複式威力，但要享受複式威力，不代表只能動也不動地持有著。重點只是該留意長遠回報，而非博賺短線的操作。倘若投資者是炒賣高手，出出入入也能做到每年回報達兩三成，持續數十年之久，回報仍屬股神級別。

　　要維持長線投資，明知股價將會下跌仍不沽出嗎？當然不是，但重點是有誰能夠預計股價下跌呢？不少人以為自己可以，但事實卻不是。然而，若發現持股基本面變質，生意走下坡，前景暗淡，最初的投資價值出現變化，又或者股價升得太高，超買得很嚴重，亦別因長線投資這個原則而影響沽出股票的決定。

長線投資思維

　　其實，長線投資的重點並非操作本身，而是投資時的思維。研究一項投資時，考慮的因素有多長。當你決定買入一支股票之前，你會考慮它未來半年的前景，還是一個長遠前景呢？甚至是全球發展方向，下一世紀的命題等，這才是真正決定你是否在長線投資。當投資考慮都比較長遠的話，你會對短期波幅比較不上心。

　　市場變化萬千，企業生意狀況亦會不時出現變化。因此，投資者實際操作起來，亦要不時作出檢視，而每次檢視的著眼點仍是長遠價值，而非短線走勢。當檢視結果認為需要沽貨，別因買入後不足五年而拒絕賣出，因「死抱不放」只是對長線投資的盲目解讀。

總結

　　重點在思維，當你看半年，與你看三十年，所看見的東西會不一樣，雙眼放遠一點，投資會比較心安穩定。未知大家對長線投資理解如何，是否還在掙扎著長線死抱還是沽貨？希望能給你一些啟發，有興趣可到小弟Patreon聽更詳盡的內容。

　　相關連結：https://www.patreon.com/posts/chang-xian-tou-70868186

　　好多人認為「成功需父幹」係致富最快同最有效方法之一，而對香港人嚟講第二個方法可能就係炒樓。不過隨著樓價回落同加息等影響，近年炒樓致富成功機會好似較細。如果本身唔係一早已經成為高薪一族或有較多積蓄，要成為百萬富翁甚至係千萬富翁，對好多人嚟講可能都係一個冇乜可能達成嘅目標。但早前有研究指出，原來好多百萬富翁嘅背景同出生都係十分普通，要成為百萬富翁可能並非遙不可及嘅事。

　　外國一間財務研究公司早前對超過一萬多位百萬富翁（美元）進行調查，研究佢哋成為富翁前嘅生活環境同財務習慣等。原來大多富翁出生都好普通，近八成百萬富翁並非依靠「父幹」或家族財產而致富，同時間家庭收入亦只係中等或以下級別。62%受訪者出自普通學院，並唔係名牌學院。喺工作方面，約三成受訪者致富前未曾擁有一份10萬美元以上年薪嘅工作，C-Level 或其他高層職位亦唔多，只得約15%左右，大多真係靠自己白手興家。而受訪者首五大職業為律師、老師、會計師、工程師同管理人員。93%更表示佢哋成功一定唔係靠高薪工作（但其實以上職業人工都唔低），而係靠努力。由以上可見「成功需父幹」同高薪一族看似非致富必要條件。

《當你沉睡時》劇照

　　調查另一重點就係佢哋嘅財務習慣，研究指大部分受訪者對投資都較為保守，唔會選擇高風險投資或只投資一隻股票。約七至八成嘅投資組合以長線、有規律同持續為主，或會投資長線基金。而75%富翁中，就算有冇信用卡，一生人從未欠下任何信用卡卡數，八成多受訪者購物時亦習慣多用傳統「shopping list」。能夠見到大部分人對理財／消費都有一定規律，甚少偏離一早定下嘅計劃，而以上習慣有助打造一個較穩健財務根基，令佢哋更專注長遠工作、生意或投資等發展。

　　當然要致富仲受好多不同因素影響，但從以上調查可以看到兩點。一，不論你站於起跑線邊一個位置，都唔係主要影響你成為百萬富翁原因之一。二，如你並非投資高手，簡單同防守性強嘅投資組合，令你更無後顧之憂去發揮所長，向終點進發。要成功，雖然唔易，但亦唔係想像中咁難。