【睇片即學】40分鐘煲好健脾袪濕「陳皮扁豆淮山竹絲雞湯」!如何快脆煲出味?滾水與凍水汆水有何分別?
#保哥快趣煮 #湯水 #食譜 #春天 #去濕 #健脾 #陳皮 #扁豆 #淮山 #竹絲雞 #雞湯 #滋陰 #自煮 #DIY #黃亞保 #名廚 #在家煮 #家常菜 #養生湯水 #春天養生 #30分鐘食譜平時放工後想飲啖湯,滋潤一下,但對於上班族來說,一口湯得來不易!從買料、備料、再到開火煲,動輒數小時;收工後疲累非常,哪有這樣的閒情與時間!除非有工人。難道上班族注定飲外間的味精湯?未必!只要掌握竅門,最快40分鐘就可煲出靚湯!放工返屋企即刻開動,食完飯剛剛好有湯飲!
中菜名廚黃亞保
春天天氣濕濕漉漉,讓人呵欠連連,無論上班放假都提不起勁;在濕重的日子,正好需要一碗雞湯健脾袪濕。因此今日教大家煲「陳皮扁豆淮山竹絲雞湯」,滋陰滋補的竹絲雞,配上同具健脾功效的陳皮、扁豆與淮山,不但能去除濕氣,味道還夠清甜醇厚,一家大小都啱飲!
40分鐘煲好有秘技!
很多人以為煲湯,尤其煲老火湯,起碼要熬一兩小時才夠入味,其實只要提早做好準備工夫,就能縮短煲湯時間。如將需時浸泡的湯料如淮山、扁豆等提早一晚浸水,將生料如瘦肉、豬(月展)、竹絲雞等斬成小件才煲,不但可加快其熟透的時間,還可更快地釋放出鮮甜味,時間縮短,美味依然。
再分享多一個令湯水更濃味的秘訣:平日將肉類煲湯前我們要先汆水,有些人撈走肉後就會倒去這些水,因覺得這些水「骯髒」。其實依我所見,我們在汆水前已將肉類洗乾淨,浮在水面的所謂「雜質」其實只是泡沫,反而這些汆水後的水,肉味會較濃,是精華所在,應保留用作煲湯,讓煲出的湯更為鮮甜味濃,別浪費啊!提提大家,加入汆水後的水進湯煲時,記住用密籬將碎骨隔去,以免啃骨。
下頁睇詳細食譜!
陳皮扁豆淮山煲竹絲雞
材料:
竹絲雞 1隻
陳皮 1塊
乾淮山 4塊
瘦肉 60克
薑片 3塊
沙蟲乾 8條
蜜棗 5粒
扁豆 60克
鹽 少許
做法:
1. 提早一晚將淮山、扁豆浸水。
2. 陳皮保留陳皮囊,浸水30分鐘並切成絲。
3. 將豬肉、竹絲雞切成小件。
4. 煲滾水後放入雞肉和瘦肉汆水一至兩分鐘。
5. 準備另一個煲湯的煲,水滾後加入淮山、蜜棗、薑片、沙蟲乾和扁豆。
6. 然後加入汆過水的豬肉與竹絲雞,並蓋好蓋子煲30分鐘。
7. 最後加入陳皮絲,關火焗10分鐘即成。
保哥小貼士!
1. 淮山、扁豆點樣揀?
乾淮山是常用的煲湯材料,味道清甜,能健脾袪濕。市面上的乾淮山分為兩種:一種是生曬的原色淮山,顏色偏黃、偏啡;另一種是經硫磺燻製的淮山,顏色很白,聞起來會有一種酸酸噏噏的硫磺味;建議購買時選擇原色淮山,雖然其外形一般,但勝在夠天然,吃起來較健康。
至於扁豆亦有兩款,一款是炒好,另一款是未炒好的。未炒的扁豆性質偏寒,對一些體質寒涼的人而言,吃後容易肚瀉,因此建議選擇已炒好的扁豆,讓其性質變得溫和一點。
2. 滾水vs凍水汆水,有咩分別?
在處理肉類時,大家都知要先汆水,到底甚麼時候應以滾水、甚麼時候以凍水汆水?若用滾水汆水,汆水時會產生較少泡沫,之後煲出的湯,顏色就會較為混濁,但湯的肉味反而會較濃;而用凍水汆水,汆水時產生較多泡沫,之後煲出的湯就會較清澈,可視乎大家對味道、賣相的追求而決定。
3. 煲雞湯需要將雞皮去掉嗎?
有些人煲雞湯時,擔心雞皮會令整煲湯出油而將它去掉,但我會選擇保留雞皮,因雞皮能提升湯的香味,而且雞皮有一層骨膠原,可使湯味更為醇厚。如果大家擔心多油,我會建議煲好後撇走油份,這樣既能保留湯的鮮味,又可處理多油問題。