仲有一個星期就係聖誕節啦！大家係咪已經準備好要狂歡一番呢？不過狂歡還狂歡，最怕就係紅假後返工嗰日，成個人攰奶奶成隻「喪屍」咁，坐喺部電腦前狂樁眼瞓……即睇小編為大家準備嘅5招速效提神法，包你玩完通宵都可以Sharp醒見人！

 

1. 多飲水 

 

　　喺聖誕節呢個咁普天同慶嘅日子，相信大家都會唔覺意飲多幾杯，結果到第二朝起身返工「頭赤赤」嗰陣，先嚟後悔自己飲大咗。喺呢個時候，最好就梗係飲返幾杯清水，促進酒精排出體外嘅同時，又能保持身體水分充足，就唔怕一整日烏眉瞌睡、胃脹脹兼喉嚨乾啦！ 

 

Read More：【你今日飲咗未？】再忙也要補水！別做個乾癟癟的打工仔

 

2. 飲綠茶

 

　　唔鍾意飲水太口淡淡？不妨飲返杯綠茶（包括龍井、碧螺春、毛峰、日本煎茶等），皆因綠茶含有豐富嘅茶多酚，能夠加快身體新陳代謝，緩解熬夜嘅疲勞感，仲有助集中注意力添！泡茶時加上菊花，兼收鬆弛神經、紓緩頭痛之效。

 

A. 薄荷綠茶

 

 

材料：綠茶3克、熱水500g、薄荷葉1小把、糖適量

做法：先在茶壺用沸水沖泡一下綠茶並倒掉（洗茶），然後加水沖泡。另一方面，將鮮薄荷葉洗淨放入杯中，並杯中加入白糖，待茶泡好後，趁著熱倒入杯子中攪拌即成。

功效：提神醒腦、緩解壓力、幫助消化。

注意：陰虛血燥、肝陽偏亢、表虛汗多者，以及孕婦女應避免飲用。

 

B. 菊花綠茶

 

 

材料：菊花3錢、綠茶包1個。

做法：將材料放入杯中，加入沸水即可飲用。

功效：明目、清熱解毒、健脾化濕。

注意：此茶性寒，脾胃虛寒、體質虛寒、腸胃不好的人應注意少喝。

 

3. 多吃水果

 

　　食水果健康人人都知，香港衛生署中央健康教育組亦喺佢哋個網站度指出，每個人每天應該要食最少兩份水果及三份蔬菜（一份水果約等於一個中型水果，如：橙、蘋果）。但大家又知唔知，原來有幾款水果具備紓緩身心、有助緩解疲勞嘅功效，最啱大家熬夜狂歡完之後食。

 

A. 提子

 

 

 

　　提子含有豐富嘅抗氧化成分，能延緩衰老，而且對緩解神經衰弱、疲勞過度有很好嘅功效，非常適合「夜貓」食。

 

B. 蘋果

 

 

　　蘋果作為健康嘅代表，唔單只有豐富嘅醣類、維生素、水溶性食物纖維、有機酸，仲有可以令困倦大腦快速恢復清醒狀態嘅礦物質「硼」。此外，蘋果天然嘅怡人香氣，亦有舒緩壓力、提神醒腦嘅功效！

 

Read More：【零失敗食譜】向名廚偷師！蘋果入饌炮製3款「最呃LIKE」法國料理

 

C. 香蕉

 

 

　　香蕉含有豐富嘅鉀和鎂。現代醫學証實，鉀能維持正常嘅血壓與心跳，防止血壓上升及肌肉痙攣；而鎂則具有消除疲勞嘅功效。另外，香蕉中嘅糖分可迅速轉化為葡萄糖，快速地為人體提供能量，所以狂歡後瞓醒覺得個人攰奶奶，就快啲食條香蕉補充體力！

 

D. 橙

 

 

　　對女人嚟講，開Party狂歡完兩晚之後，最怕嘅梗係——皮膚變得粗糙、無光澤，而且一對黑眼圈走晒出嚟。呢個時候梗係要食有豐富維生素C嘅橙啦，補充體能之餘仲可以同時美容肌膚、淡化黑眼圈。唔止咁添，橙含有嘅纖維素、果膠等營養物質，更有具有生津止渴、開胃下氣嘅功效，咁就唔怕一整日胃脹脹啦！

 

4. 穴位按摩

 

　　狂歡完體力透支，成個人昏昏欲睡？除咗食水果之外，仲有一個急救方法——穴位按摩！後頸嘅風池穴、兩肩嘅肩井穴、腦袋正上方嘅百會穴、雙眉邊嘅太陽穴，以及鼻眉間嘅睛明穴，都係提神穴位，大家只要喺每個穴位按五分鐘左右，就可以即刻提神醒腦！

 

Read More：【穴按愈健康】捱完通宵好眼瞓？提神醒腦3招搞掂！

 

5. 睡午覺

 

 

　　唔夠瞓真係好難撐足一日，所以一定要把握機會喺中午嘅時候補一補眠，但要留意嘅係，唔同長度嘅小睡原來會帶嚟唔同嘅休息效果。通常瞓10-20分鐘，就已經令人神清氣爽，可以面對跟著落嚟3-4小時嘅工作；瞓到30分鐘嘅話，大腦達到休息亦能消除疲勞，唔單只可以提升生產力，仲可以增強記憶力以及激發創造力！

 

　　但如果大家諗住一放Lunch，飯都唔食，直接補返一個鐘眠，就要小心啦！因為美國睡眠醫學會Michael Breus醫師表示，如果午休時間長達60分鐘，身體有可能出現「睡眠倦怠」，即係當大家瞓到深眠期時，被打斷睡眠，腦袋就會有一種昏昏沉沉嘅感覺，同時令身體嘅運動敏捷度降低。通常呢種唔舒服嘅感覺會延續30分鐘。