一日三餐，追求食物的口味之餘，你會否關心吃落肚的食物質素？只要揀選食物時候多花一點心思，健康都是可以吃出來的！唔知從何入手？編輯請來註冊營養師曾欣欣以及Eat Clean同學會成員，一連四期教大家輕鬆整健康小食，仲有超實用的揀選優質食材小tips！

 

 

　　Florence 是社企曲奇店主管，負責巡視12間分店及工場，經常食無定時。認識欣欣之後，她將Eat Clean理念融入自己生活以及工作中，嚴選食物原材料，令曲奇店走上無添加路線。今次欣欣介紹用杏仁碎代替麵粉做曲奇，高蛋白無添加，用來做下午茶小點，食多幾塊都唔怕肥。Florence食過後都大讚這個健康版杏仁曲奇！

 

 

「零麵粉」健康版！杏仁曲奇

 

食材（份量 24 件）：

　　1 杯天然杏仁醬

　　⅓ 初榨橄欖油

　　½ 杯咖啡糖

　　1 隻大雞蛋，略為拌勻

 

 

做法：

　　1、預熱焗爐至攝氏175 ℃， 2個烤盤表面搽上橄欖油。

　　2、將原粒杏仁放入食物處理器打碎，需不時攪拌打至細碎顆粒狀。

　　3、將杏仁醬打好後加入蛋液以及咖啡糖拌勻。

　　4、舀起1湯匙混合物，手搓成小圓粒放在烤盤上。

　　5、以叉齒將杏仁曲奇圓粒壓出交叉線形狀。

　　6、烤焗約10分鐘，曲奇待冷15分鐘或完全變硬，即成。 

 

注意 ： 令曲奇外觀好看，不要過份按壓混合物。

 

 

Eat Clean小tips：選啱材料甜品唔邪惡！用杏仁替代麵粉

 

　　只要學懂選擇合適的食材，其實在家中自製甜品絕對不難！正如整曲奇餅，不少人都表示很難選購材料，或是找不到簡單的方法，以上的食譜一定幫到你！製作高蛋白質的甜品，可以用杏仁去做曲奇餅，將杏仁攪碎後取代麵粉。在果仁之中，杏仁是屬於最高蛋白質，每1安士就有6克蛋白質，所以是一款高蛋白亦是「有營」的曲奇！

 

　　在家中製作甜品另一件要注意的事，就是揀糖！不過，外面有很多不同的蔗糖，到底應該選哪一款？如果做曲奇的話，營養師會建議揀非洲黑糖，其一焦糖味比較濃，其二成份全天然，沒有經過漂白，同時不會加入添加劑。所以懂得選擇適當的材料，在屋企都可以做到Clean的甜品！