【健康麵包教室】暖男總廚的堅持!不買「街包」只為守護家人健康(附食譜)
有人話科技日新月異,社會不斷進步,人的生活變得愈嚟愈好,你又認唔認同呢?的確生活上新科技都幫助了我們許多,但同一時間倚賴科技亦都摧毁了我們的健康,眼看周遭都是預先包裝好的食物,這些加工食品裏面都是添加劑、防腐劑,長期咁樣食真係冇問題?為了健康,你又可以去到幾盡?
阿Kim細個讀書唔叻,但就係好鍾意整嘢食,細個就喜歡行街市,覺得所有嘢都好有生命力,但長大之後走入超市,卻發現一切只剩下已經包裝好嘅食材,雞唔似雞,魚唔似魚,佢好好奇究竟呢啲加工食品裏面包含啲乜嘢,佢更擔心家人食咗呢啲「新科技」食品會對健康有影響。大家應該都見過實驗短片,某啲連鎖快餐店嘅漢堡包,居然可以放一年都冇腐爛,原因就係佢加入嘅添加劑,可想而知食落肚嘅化學物有多可怕!
要食得健康其實好容易,就係睇吓你願唔願意花時間,阿Kim就決定肩負起呢個責任,從此屋企人嘅麵包一定要自己親手整。佢嘅堅持唔單止成就到佢嘅事業,創造出一個健康曲奇品牌,更守護了屋企人的健康。麵包其實都可以喺屋企整,大家不妨跟佢學做健康全麥麵包,嘗試改變生活習慣,一齊守護屋企人嘅健康啦!
【健康麵包教室】自家製全麥咖啡合桃提子麵包
材料:
• 高筋麵粉 500g
• 酵母菌 12g
• 海鹽10g
• 鹹味牛油50g
• 黃糖45g
• 粗麥粉80g
• 十穀粉70g
• 微溫水(約30度) 400g
• 合桃80g
• 黑提子乾40g
• 乾咖啡粉 10g
步驟:
1. 先把高筋麵粉過篩,放入一大膠盒和酵母菌拌勻
2. 分兩次倒進暖水,拌勻
3. 再把乾咖啡粉、十穀粉、粗麥粉、黃糖、海鹽和鹹味牛油倒入並拌勻至糊狀
4. 室溫中發酵需約1個小時(碗面蓋上熱毛巾但不能接觸麵團)
5. 用溫水浸軟黑提子乾,浸軟後倒水,黑提子乾備用
6. 發酵完成前的10分鐘,預熱焗爐至175C / 347 F
7. 發酵完成後,把合桃和黑提子乾平均散落在麵團中
8. 把麵團放入爐架,關上焗爐門焗約20至25分鐘
9. 拿出麵包,放在鐵架上,待完全放涼,即成
發酵小貼士:可把待發酵的麵團放在爐架底層,旁邊放一盆熱水,有助令麵團保持濕度和加快發酵過程。