按盤價 
《開市Ｇｏｏｄ Ｍｏｒｎｉｎｇ》人仔今日（２０日）轉強，離岸人仔（ＣＮＨ）最多轉
強至７﹒１７，帶動香江魚缸最多升過３３４點，高見１７７８８點；最終收市仍有３２３點進
帳，收報１７７７８點，成交續企穩千億銀樓上。不過人仔轉強僅因花旗國息口見頂憧憬、花旗
國銀紙從而轉弱，外部利好實不屬自身可控因素，人仔短線僅為價值炒作？靠此撐住魚缸屬天方
夜譚？就到年底，孖屐開始心慌！魚缸年初至今累跌近一成二，若今年仲係跌市收，就會係魚缸
有史以嚟首次連跌四年！即使阿爺年底或有粉飾櫥窗舉動，都難逆今年全年跌勢？
孖屐睇實各重磅科技股業績，聽日（２１日）有快手（０１０２４）同百度（０９８８８）
放榜。彭博綜合券商預測，料百度第三季經調整盈利增７巴仙至６２﹒８億元人仔；孖屐關注廣
告業務復甦情況以及管理層對ＡＩ業務嘅指引。百度即使有ＡＩ業務作賣點，但對業務上嘅貢獻
，預計未咁快呈現到喺業績上？參考百度日線圖，近期喺百蚊關有支持，應績前追入定回至此水
平先好吼？績場翻車，阿里（０９９８８）悲劇又會唔會傳染到百度？百度文心大模型成為下一
的制裁風眼嘅風險有多大？
聽日（２１日）《開市Ｇｏｏｄ Ｍｏｒｎｉｎｇ》搵嚟輝立證券董事黃瑋傑，同大家分析
上述股份及大市走勢，當然仲有小米業績！歡迎大家提問投資及其他股票問題。記得準時
８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ Ｍｏｒｎｉｎｇ》
喇！或者ｃｌｉｃｋ入嚟 ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？
ｖ＝ｊＹ１７ＨＹＩｈｕｅｓ打個卡先又得！
【etnet 30周年】多重慶祝活動一浪接一浪，好禮連環賞！ ► 即睇詳情
