唔少億萬富翁都會將自己部分嘅財富捐出去,當係幫人又好,當係積善成德又好。雖然可能只係佢哋財富嘅一小部分,都足夠幫助到好多有需要嘅人喇。不過,原來有唔少億萬富翁都認為咁樣係唔夠,於是乎想再行步,捐自己大部分嘅錢出去咁話喎。
由微軟創辦人標叔叔(Bill Gates)同嘅股神巴菲特(Warren
Buffett)等人發起嘅「捐贈誓言」(Giving Pledge)行動,已經由
2010年運行到依家喇。據Wealth-X嘅最新報告,至今已經有最少175個億萬富翁簽署咗「捐贈誓言」,佢哋都承諾會捐出所擁有嘅大部分財產做善事,更加預測去到2022年,呢筆錢可能會高達6000億美金,即係有47000億港紙,真係不得了!大家熟悉嘅「鋼鐵人」馬斯克(Elon Musk)同埋Facebook教主朱仔(Mark
Zuckerberg),都已經早喺2012年同2015年簽咗喇。
雖然有意見話,呢D億萬富翁日後依然可以喺遺囑到,寫明將錢捐去自己嘅基金會,變相令成個「捐贈誓言」行動嘅實際意義可能唔大,不過盈盈就覺得,依個行動可以喚起人們對做善事嘅關注,幫助弱勢社群,始終都係好事嚟嘅!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
樂本健【秋日開倉26 - 27/9】保健品低至$20!► 火速行動