RSS訂閱 外圍魚缸噚晚（１８日）水漲船高，道指更加踢高１６０點企穩兩萬三，香江魚缸今朝（１９日）高開７２點，雖然內地第三季ＧＤＰ增長６﹒８巴仙符合預期，但地產股腳軟軟之下搞到魚缸浮浮沉沉咁。
雖然花旗國嗰邊侵侵會喺未來幾日決定邊個做下一任聯儲局主席，但地產股做咩腳軟？原來係因為德銀出嚟唱淡，話「港人首置上車盤」會影響細價樓需求，當中恒地（０００１２）最受影響，將目標價降到去４７﹒５銀，又預期中資會減少來港投地，地價會變番理性，新地
（０００１６）、新世界（０００１７）等都被降目標。
雖然有唔少分析都話首置盤有助細價樓降溫，但似乎仲有排傾，出年年中先有詳細資料，樓價都要望多排先有機會跌，地產股最近嘅不明朗因素相信會係１２月聯儲局議息，利率期貨顯示加息機會高達八成。個市似乎仲未見頂，雖然今日地產股見回吐，但又唔駛咁急放住嘅，一於加息前搵機會放走地產股啦。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【etnet 30周年】多重慶祝活動一浪接一浪，好禮連環賞！ ► 即睇詳情
