《魚缸博客》中國奧園（０３８８３）今日股價大幅抽升一倍幾有多，原因有人打救！集團
公布，創辦人、執行董事及主席郭梓文所持Ａｃｅ Ｒｉｓｅ出售約６﹒２１億股即約
１６﹒４８％股權予由Ｍｏｈａｍｅｄ Ｏｂａｉｄ Ｇｈｕｌａｍ Ｂａｄａｋｋａｎ
Ａｌｏｂｅｉｄｌｉ所持Ｍｕｌｔｉ Ｇｏｌｄ（ＭＧ），ＭＧ將成為該集團單一最大股東，而
郭梓文持股降至約１３﹒３１％，將不再擔任該集團控股股東。
呢位Ａｌｏｂｅｉｄｌｉ係乜水？據了解今年４５歲，擔任Ｍａｇｎｕｖｅｓｔ
Ｉｎｖｅｓｔｍｅｎｔ的總經理，該公司已參與阿聯酋多個房地產項目，中國奧園預期
Ａｌｏｂｅｉｄｌｉ將為公司引入潛在投資人，並為公司帶來更多發展機遇。
有中東條「大水喉」加入，可以解讀為白武士進場，雖然中國近年來積極拉攏中東一齊發展
，但係咪又代表會俾中東資金進場中國呢？我覺得呢次係一次試金石，中東人對於投資有自己一
套價值觀，但係咪可以融入到中國文化就有待觀察，大家都雖然係西方人眼中的「東方」．但個
差距都可以好好大。
不過點都好，奧園歷史高位去過１１蚊幾，今日得返幾毫，如果真係想股價炒上炒落，短期
內應該仲會有更大成交，而今日半日成交額都有近７０００萬，睇得出市場都幾正面，如果想以
小博大，可以買小小，睇到上一蚊先再ｒｅｖｉｅｗ吓仲持唔持有啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
