• |
  • 極速報價
  • |

30/08/2024

性教育教材成國際笑柄,超超下令修正

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  近呢一個星期,政壇佳話離不開「性」,就係教育局早前公布中三公經社科教材入面有關性教育部分,包括提到遏止性衝動方法可以「去球場打羽毛球」,更提議年青人要簽署承諾書制訂親密界限等。有關教材見光之後,全城「上中下左右」一片劣評,更惹得幾間重量級外媒關注,當新聞甜點咁報道,令到香港再次跌入國際嘅目光之中。

 

教材見光後,全城一片劣評,更惹外媒關注。 (AP)

 

   有本地媒體日前就批露,一壇咁細嘅政策,最終就要放到上政府高層張枱上面,特首李家超更加要喺早會之上作出指示。據聞超超對於負責嘅政策局,即係教育局頗有意見,包括喺推出指引之前,無用到「紅隊」機制去檢視教材以至搞出個國際大笑話。

 

  官場中人指出,其實成份指引內容問題不大,都係向初中生灌輸正確價值觀,所以超超唔高興嘅係,當中一啲小枝小葉無掌握得好,搞到外媒大造文章,令到香港喺國際出醜。睇返又真係勁多外媒當笑話咁講,《紐約時報》、英國廣播公司(BBC)、《泰晤士報》、《每日電訊報》、《獨立報》都有報道,之後就連意大利、印度、新加坡、台灣都有跟進,「好事不出門,呢啲咁嘅事獲得廣泛報道,其實就係證明指引部分內容確實係荒謬,事前有人跟眼睇過的話,絕對無可能咁樣就出到街。特首成日話要說好中國故事、講好香港故事,咁樣畀人唱的話,絕對唔會係特首希望見到!」

 

  不過另有政壇中人就話,如果特首真係要特別講用「紅隊」去搵出政策嘅問題所在,其實某程度亦顯示出近年政壇出現嘅新常態,「以前制定政策之時,下屬發覺有乜唔妥,好多都自然會出聲;但係依家官場唔少官員都係『長官意志』強盛,下屬唔敢出聲,個個聽長官指示照做,所以先諗到另外設立『紅隊』去挑戰政策,睇下政策有乜唔妥先出街。所以某程度上亦都反映出,依家官員同公務員咁嘅心態,對於政府長遠制定政策,亦未必係一件好事。」

 

  至於今次性教育後續發展,官場中人指出,教育局局長蔡若蓮都係「好打得」之人,指引出來之後惹來立法會議員江玉歡同張欣宇等嘅批評,佢都係企得好硬;不過特首既然咁樣開聲,最終肯定會「跪低」進行微調。

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【你點睇?】你認為政府是否需要對網約車平台進行更嚴格的規管,以保障的士業界的利益嗎?► 立即投票

我要回應5

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • Nordost發表於 2024-9-3 06:16 PM
  • #6
  • 「以前制定政策之時,下屬發覺有乜唔妥,好多都自然會出聲;但係依家官場唔少官員都係『長官意志』強盛,下屬唔敢出聲...」

    黃天娜小姐:妳言下之意,係想講公務員宣誓法、愛國者治港 .... 之後,香港官員先至變成咁?Sorry囉!我約廿年前,“有幸”同一行十多人的尚算高級公務員開會,全程祇有帶領者發言,其他全部 -- 係真係全部 -- “唔講唔錯”!

    「少做少錯,唔做冇錯」的公務員文化,幾十年架啦,由殖民地時期帶落來的。黃天娜妳就唔好乘機抽水啦!
  • 回覆 | 引用 | 舉報
  • Freemanchina發表於 2024-9-3 12:21 PM
  • #5
  • 完全同意!

    照我睇,果个martina脑里边嘅所谓"国际", 只不过係美西方果十零二十个国家而矣!

    一隻将美西看成世界嘅井底之蛙,点知道世界有几大有几多元吖!

  • 引用 #4 jeansun 發表於 2024-9-2 08:16 PM

    什麽叫 //全城「上中下左右」一片劣評// ?經濟通的投票區明明只有32%的人認爲教材内容不合時宜,65%是肯定 ...
  • 回覆 | 引用 | 舉報
  • jeansun發表於 2024-9-2 08:16 PM
  • #4
  • 什麽叫 //全城「上中下左右」一片劣評// ?經濟通的投票區明明只有32%的人認爲教材内容不合時宜,65%是肯定教材的。睜眼説瞎話,傳媒人應有基本的操守,而不是為反而反,屁股決定腦袋。
    如果閣下有中三15歲未成年的女兒,你是寧願她打羽毛球、簽承諾書?還是學校派發避孕套?恐怕保守派和教會不支持後者吧?
    亞洲人的性觀念本來就比歐美保守,爲何要以歐美自由派傳媒的腔調馬首是瞻?既然提到印度,比香港保守得多,新婚之夜新娘是有可能要接受貞操檢查的,通不過檢測會被丈夫驅逐,人格謀殺。印度傳媒可能覺得香港簽承諾書就過關實在太開放了! XD
  • 回覆 | 引用 | 舉報
  • Freemanchina發表於 2024-9-2 10:41 AM
  • #3
  • "性教育教材成國際笑柄" ?????

    Sorry ! 唔觉得呙!

    美西方媒体一有机会就模黑香港架啦, 见怪不怪! 唔通LGBT、同性性行为、变性.. 先至係唔係国际大道咩?

    只不过係martina跟住美西嘅节奏起舞啫,见得多啦!

    “世溷浊而不清,蝉翼为重,千钧为轻;黄钟毁弃,瓦釜雷鸣" (楚辞)

    唔怕同个崇洋婆娘讲多句:我地中国人嘅优秀中华文化,持正守恒才是正道!
  • 回覆 | 引用 | 舉報
  • yourcousin發表於 2024-9-1 01:58 PM
  • #2
  • 最好做法,是效法西方社會,在中學分派避孕套。只要是安全性行為,中學生隨意性行為都冇問題。
    馬小姐,在香港這華人社會,咁樣做,你同意嗎?
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ