• |
  • 極速報價
  • |

15/07/2022

新官上任三把火,亂定目標終惹禍

  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  「新官上任三把火」係萬變不離其宗嘅大道理,新政府上場,首長係新嘅、官員又係新嘅,好自然想快快手有成績畀市民睇、同阿爺交代。交到功課就當然係博到掌聲,之但係交唔到仲搞出大頭佛,其實絕非少數。

 

  新一屆特區政府上任兩星期未到,最多見報嘅局長非醫務衛生局長盧寵茂莫熟。一上場無耐就果斷取消航班熔斷機制,唔少商家佬都大讚佢做到嘢,仲話研究縮短酒店檢疫期,令到航空股都炒咗幾轉。

 

晴報圖片)

 

  周初盧局長就乘勝追擊,自己主動同傳媒講,計劃考慮參照內地嘅方式,推行「安心出行」實名制、「紅黃碼」等,限制部分人士喺香港嘅行動範圍,結果就惹來唔少爭議,甚至搞到李家超都要出手「調整」盧局長個講法,亦要同樣係新上任嘅創新科技及工業局長孫東解畫,搞到熟悉政府運作嘅高級公務員搖晒頭。

 

  Tina同啲高級公務員傾開,佢地就話,每逢有新官上任,佢地一向都好驚班官「講大咗」。高級公務員指出,政策由醞釀去到落實都經過唔短嘅時間去做可行性研究,絕對唔係掛住「結果為目標」做口號,一有目標就講出來,「你有目標就講出來可以好大件事,你話要將香港足球推向世界第一,目標夠清晰,但你點樣做?點樣培訓人才?點樣有更多球場做配套?好多執行上嘅層面,唔係講咗就做到,一定要有基礎,佢咁快就將細節講出來,根本就唔會係政府一貫嘅做法,無論政府幾有效率都好,都唔會咁快解決到執行細節。」

 

  有政圈中人都話,過往有咩訴求都係先同政府官員私底下傾咗,到有返咁上下眉目先會公諸於世,「特別係呢啲影響全部市民嘅政策,真係唔係山草藥,希望盧局長又好、其他新任局長都好,要以此為鑑,唔好再亂咁講惹起恐慌。」

 

  而今次事件都唔係無好處,就係畀人感覺到新政府真係想「做到啲嘢」。不過盧局長初當官員,真係唔好心口掛住個「勇」字就衝出來講你諗緊嘅嘢,呢個做法只有特朗普先會做,而做完嘅後果,你唔係特朗普都承擔唔到呀!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

《說說心理話》成人亦會專注力不足?嘉賓分享中年確診過度活躍症+自閉症過程!► 即睇

我要回應10

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • GreatChinese發表於 2022-7-21 10:15 PM
  • #11
  • 佢可能想挑戰國安法

  • 引用 #9 Freemanchina 發表於 2022-7-19 02:23 PM

    骂得好 ! Tina 的黄,有目共睹 !
  • 回覆 | 引用 | 舉報
  • Greyting發表於 2022-7-19 04:01 PM
  • #10
  • FMC 的蠢,也是有目共睹!

  • 引用 #9 Freemanchina 發表於 2022-7-19 02:23 PM

    骂得好 ! Tina 的黄,有目共睹 !
  • 回覆 | 引用 | 舉報
  • Freemanchina發表於 2022-7-19 02:23 PM
  • #9
  • 骂得好 !

    Tina 的黄,有目共睹 !

  • 引用 #4 Nordost 發表於 2022-7-16 03:21 PM

    黃天娜:新政府上場得兩個星期,妳就急不及待出來唱衰政府囉?被國安法打到忍左好耐哩! 高級公務員話乜? ...
  • 回覆 | 引用 | 舉報
  • 不是我發表於 2022-7-18 02:45 PM
  • #8
  • Politician is the one who give expectation to people. However, it is not the working objective of Senior civil servants. Who must die let them, that is the objective of the civil servants. Time's up is the attitude of senior civil servant. How much increment this year is their want.

    Poor guys!!
    I mean hong kong people.
  • 回覆 | 引用 | 舉報
  • yykklam發表於 2022-7-18 11:42 AM
  • #7
  • 照版主講主官仲係要按目前官僚制度慢慢來,咁同之前講的效率就用了. 香江政府越搞越差正正係俾目前的制度捆綁住,再唔改變只有俾深圳等城市越拉越開
  • 回覆 | 引用 | 舉報
  • jennysze發表於 2022-7-18 10:38 AM
  • #6
  • 推行「安心出行」實名制、「紅黃碼」啫, 行得正企得正恐慌什麼?
  • 回覆 | 引用 | 舉報
  • Orchids發表於 2022-7-16 03:23 PM
  • #5
  • N毛奴才相,果然想法和奴生蛇鼠一鍋!

  • 引用 #3 Nordost 發表於 2022-7-16 03:14 PM

    係囉,amina 你 "奴生醒目,想主子所想,說主子所說,何禍之有,升官發財也!" 點呀,想昇職想到打開口 ...
  • 回覆 | 引用 | 舉報
  • Nordost發表於 2022-7-16 03:21 PM
  • #4
  • 黃天娜:新政府上場得兩個星期,妳就急不及待出來唱衰政府囉?被國安法打到忍左好耐哩!

    高級公務員話乜?一兩年前,夠有好多高級公務員話港台問題,“好難搞架啦!”點知李百全唔駛半年,已經踢走一眾漢奸賣國賊,令港台重回正軌了。

    新政府上場,需要的是鼓勵,唔係挑剔。像妳此等遮遮掩掩的藏頭露尾賣國賊,又睇睇幾時輪到妳黃天娜“重回正軌”?
  • 回覆 | 引用 | 舉報
  • Nordost發表於 2022-7-16 03:14 PM
  • #3
  • 係囉,amina 你 "奴生醒目,想主子所想,說主子所說,何禍之有,升官發財也!"

    點呀,想昇職想到打開口牌了?想昇做乜野呀?係咪:“Senior Lying Yellow Worm”?「高級造謠黃蟲」?

  • 引用 #2 Alexsandrs 發表於 2022-7-15 04:27 PM

    奴生醒目,想主子所想,說主子所說,何禍之有,升官發財也!
  • 回覆 | 引用 | 舉報
  • Alexsandrs發表於 2022-7-15 04:27 PM
  • #2
  • 奴生醒目,想主子所想,說主子所說,何禍之有,升官發財也!
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ