• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

22/12/2020

香港澳門之別:果然就係特首唔同!

  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

 

  香港同馬交(澳門)兩個特區,長期以來畀人嘅感覺就係,香港人口多成十倍,又係國際金融中心,所以香港有少少「自居大佬」嘅感覺。不過自從新冠病毒疫情爆發以來,香港抗疫措施每每落後於馬交,喺阿爺心目中,「大佬」能力遠遠低過「細佬」嘅睇法基本成形。

 

  仲記得幾星期前馬交率先宣布已經訂購疫苗畀全馬交居民打,香港政府即被批評再一次落後於「細佬」,搞到林鄭急急腳開記招公布詳情。畀人入一球唔緊要,努力追返反超前都無乜問題,但馬交日前又「入多一球」,宣布馬交居民有選擇權,可揀自己鍾意嘅疫苗打,即時令唔少港人諗返起醫學會會長蔡堅名句:「特首唔同吖嘛!」

 

  唔少分析都已經提到,單單從有無得揀去批評港府,確實係不公平。馬交人口先得嗰70萬唔夠,馬交公布購入三隻疫苗,每隻40萬劑,每人打兩針計算,已經足夠全馬交市民打晒,就算馬交人咁啱唔鍾意打其中一隻,要補貨都係講緊十萬計嘅數量,賀特首當然夠膽早早開支票,可以畀馬交居民自己揀;相反香港700萬人口,隨時要訂人口好幾倍嘅疫苗先有能力畀港人揀,能夠儘快搶到足夠疫苗已經要感謝林鄭大恩大德,又點能夠奢望香港人「有得揀」?

 

  不過更重要嘅一點,香港作為中國其中一個城市,入貨嘅疫苗點都唔可能唔包括中國,咁有得喺歐洲同中國製疫苗去揀的話,港人會將票投畀邊個?有呢個想法又唔能夠怪晒港人,以往內地人都會用腳去投票,山長水遠來港打唔同疫苗嘅大有人在,相信如果中國同樣引入外國新冠疫苗,阿爺都唔夠膽畀中國居民「有得揀」。但林鄭心知肚明,畀港人揀的話,肯定會係災難,因此「無得揀」絕對係政治正確嘅選擇。

 

  「無得揀」係唔係政治選擇都好,作為政治領袖,點都應該要有更好嘅政治解說能力,令到市民信服。但話又說回頭,特首唔同,我地又「無得揀」特首,咁又可以點?

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【你點睇?】《哪吒2》本港上映場次爆滿,實際該片電檢審批僅用1日,你認為該速度應否多加應用在其他本港電影?► 立即投票

我要回應17

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 桃花源發表於 2021-1-3 05:21 PM
  • #18
  • 據美國約翰斯•霍普金斯大學資料統計,截至北京時間1月3日8時23分,美國累計新冠確診病例2038萬例,累計死亡35萬例。

    美國已成為名副其實的人間地獄。

    美國還有人權嗎?

    美國還好意思“關心”別國的人權嗎?
  • 回覆 | 引用 | 舉報
  • 思無邪發表於 2020-12-26 07:19 PM
  • 該回應已被刪除。
  • 思無邪發表於 2020-12-26 07:16 PM
  • #16
  • 香港同澳門最大分別唔係特首。
    係無作者呢類垃圾。
    無黃絲暴動。
    無賤種老師。
    無垃圾記者。
    下刪一千字.....
  • 回覆 | 引用 | 舉報
  • sysg發表於 2020-12-24 03:57 PM
  • #15
  • 香港澳門之別:果然就只係特首唔同? 不見到市民不同,一衆傳煤都不同嗎?
    澳門有黑夜人嗎?澳門有毒果報嗎?有嘩眾取寵的傳媒嗎?
    同一條船上,遇到狂風巨浪,那是天作孽,尤可活。
    在遇到狂風巨浪時,船上的人還要互相廝殺,那是自作孽,不可活。
  • 回覆 | 引用 | 舉報
  • 無住發表於 2020-12-23 10:54 PM via app
  • #14
  • 今天林鄭官方説:“香港人有權選擇何時打何種疫苗自由”,所用辭令雖不同,但聽其中心意思就和我早前所評論異曲同工,對住香港那班巨婴市民,就應該如此處理。

    上星期在另一作者文章曾評論:“係人都知,所有疫苗效果因人而異,各類疫苗也没有一種100%無副作用!
    疫苗就擺咗係度,當危急関頭時,條命係你自己嘅,打或唔打,適隨尊便,講多無謂…!”
  • 回覆 | 引用 | 舉報
  • 吡吡發表於 2020-12-23 08:31 PM via mobile
  • #13
  • 馬姐以为大陸人学香港人咁,冇得揀疫苗打?今時今日,大陸人唔鍾意共产,想移民去边度都得,去边度打疫苗唔得呢請問?唔通学香港人咁,明明移咗去佢老美度,仲系都要混水摸香港人條魚咩!
  • 回覆 | 引用 | 舉報
  • 無住發表於 2020-12-23 04:15 PM via app
  • #12
  • 香港疫情派錢,簡單復雜化,最後還被質疑只令商家得益,街坊就算間接有好處亦無感!
    想起當年香港政府只退税給納税人,引起争議,最後財爺鬍鬚曾發晦氣每人派六千,以堵眾人之口!但派錢有何作用?本地經濟是否得益?有多少錢外流?冇人知!因為是OPM,總之派完就算,官員唔在乎,這就叫離地!

  • 引用 #11 無住 發表於 2020-12-23 04:12 PM

    最近港人又要求政府派錢,單從派錢方法,就知道何謂貼地和離地… 來到大灣區,順便去澳門找朋友食飯吹水 ...
  • 回覆 | 引用 | 舉報
  • 無住發表於 2020-12-23 04:12 PM via app
  • #11
  • 最近港人又要求政府派錢,單從派錢方法,就知道何謂貼地和離地…
    來到大灣區,順便去澳門找朋友食飯吹水,入境時例牌要有健康碼和核酸檢測,但發現持香港身份証入境者,已全部不能自助過關,必須由人手再次檢查資料,確保十四天內未踏足過香港(現已改為廿一天),才發入境証明,原来隔篱隣舍都怕咗香港人!
    與澳門朋友吹水時談到政府疫情派錢,發現政府做事果然貼地!每個市民憑身份証申請消費卡,不申請就當棄權,政府因應疫情前後充值兩次合共八千。消費卡只能在澳門消費,不能套現和儲蓄,消費種類,次数不限,但每天總消費不能超過三百元,消費期限到十二月底止,若尚未花完則由庫房回收。這様安排,市民拿到實惠,對中小企業亦確有幫助,錢還是留在澳門,荷包兜肚肥水不流别人田。
    澳門近年例牌每年派一萬元給市民,今次不少聲音要求政府把這一萬元也充到消費卡,讓中小企多受惠,但被澳門特首一句回絶!理由是疫情令不少市民被迫放無薪假,收入减少,當中有人還需供樓或交租,一家幾口收到数萬元現金,起碼可以幫補两三個月!理由合情合理。這就是為市民考慮,做事貼地,理由亦能讓市民受落。
    香港疫情派錢,簡單復雜化,最後還被質疑只令商家得益,街坊就算間接有好處

  • 引用 #9 無住 發表於 2020-12-23 10:08 AM

    疫情至今已差不多一年,香港政府對各種可能發生狀况,早應有沙盤推演,未雨綢繆,但現實是見步行步,倒瀉 ...
  • 回覆 | 引用 | 舉報
  • 吡吡發表於 2020-12-23 11:32 AM via mobile
  • #10
  • ”得閒得滯”,確系香港人尤其是斑早期移民美加澳纽英後代竹昇仔女嘅生存狀態,所謂”小人閒居為不善,無所不至”,中国古人对世情嘅見地真系唔到你唔服。

  • 引用 #9 無住 發表於 2020-12-23 10:08 AM

    疫情至今已差不多一年,香港政府對各種可能發生狀况,早應有沙盤推演,未雨綢繆,但現實是見步行步,倒瀉 ...
  • 回覆 | 引用 | 舉報
  • 無住發表於 2020-12-23 10:08 AM via app
  • #9
  • 疫情至今已差不多一年,香港政府對各種可能發生狀况,早應有沙盤推演,未雨綢繆,但現實是見步行步,倒瀉籮蟹…。
    澳門特首能力高,應變力强,做事貼地,連本地土生葡人,最初對他唔睇好,在防疫一役過程中,都認為佢確實做到實事!大家有目共睹,冇得抝。
    但當中最重要係澳門有一班“正常”市民,同政府一起,同心協力去抗疫。
    不似部分香港人咁壞腦,得閒得滯玩攬炒。疫情殺到來連在社區設檢測診所又話唔得,揾未入伙公屋和遠離住宅幾百公尺做隔離中心幾百公尺又反對,攪示威擲火破壞。
    酒店冇生意,想畀政府包起安排海外入境人仕隔離,又怕被打砸燒,酒店員工也担心被起底,寧願放無薪假食粥水,結果不了了之。
    好彩出台國安法後,黑暴曱甴着草收監,酒店業才敢和政府合作,現在才能做到絶對隔離檢疫措施。
    早前中央派幾百人幫忙做核酸檢驗,希望香港能盡快清零,港人又話有陰謀,結果只有百幾萬人捧場!
    到疫情又爆發,港人又當冇事發生過,全是政府錯…。
    現在快有疫苗,港人就已經當正自己是醫药專家,批評邊隻疫苗得邊隻唔得,要邊隻唔要邊隻…。
    莫講話香港特首能力差,就算揾大家也認為有能力澳門特首來香港揸莊,都一樣畀班壞腦香港人玩殘!
  • 回覆 | 引用 | 舉報
  • 吡吡發表於 2020-12-22 08:27 PM via mobile
  • #8
  • 狗唔答馬答:是的,如果香港人有英美疫苗唔揀而揀大陸货,即系唔系香港人啦!咁簡单你都唔明,即系你頭腦好簡單啦系咪?嘻嘻!

  • 引用 #5 逍遙子 發表於 2020-12-22 06:52 PM

    至本文作者馬天娜: 我們香港人真的會一定揀外國的疫苗嗎?
  • 回覆 | 引用 | 舉報
  • 逍遙子發表於 2020-12-22 07:01 PM via mobile
  • #7
  • 請原諒在#6忘了除去網友的名字。

    我想香港人都會用腦想清楚關於疫苗的情形,做出明智的選擇。
    但前提是香港政府一定要讓我們有選擇權!
    每一個人都要為自己的生命負責,如果自己選擇了,決定了,
    就自己負責到底。

  • 引用 #6 逍遙子 發表於 2020-12-22 06:53 PM

     @whats white  你可能誤會我說的話了。我完全贊同石鏡泉先生的說法。 即是等中國的疫苗經過第三 ...
  • 回覆 | 引用 | 舉報
  • 逍遙子發表於 2020-12-22 06:53 PM via mobile
  • #6
  •  @whats white 
    你可能誤會我說的話了。我完全贊同石鏡泉先生的說法。
    即是等中國的疫苗經過第三期6個月的測試後,即是2021年3月後,
    証明成功,才接種疫苗。

    石先生的節錄之文:
    滅活疫苗是中國製造,傳統古老生產法,成效有實靠往績,最重要的,是這種疫苗已在今年3月,開展第一批試打種,今年9月已廣泛地在世界各地打種,開展了一般疫苗開發上的第三期的六個月期試驗,應已有幾百萬人種上了,至今未聞有甚麼重大的不良副作用。至明年3月,應足夠六個月了。

    合成疫苗,是英美製造,是個全新的疫苗製造法,有理論,無實靠往績,最重要的,是這種疫苗是因為英美開了個緊急綠燈,在第三期六個月社會試驗未開展,就已經用緊急批准了。換言之,在接下來的六個月,美國輝瑞、Moderna及其他的英美疫苗接種者,就是這個第三期疫苗試驗的白老鼠。如果這批白老鼠在明年3月,也不出大事,則這批美國製疫苗應也可以是安全的。

  • 引用 #5 逍遙子 發表於 2020-12-22 06:52 PM

    至本文作者馬天娜: 我們香港人真的會一定揀外國的疫苗嗎?
  • 回覆 | 引用 | 舉報
  • 逍遙子發表於 2020-12-22 06:52 PM via mobile
  • #5
  • 至本文作者馬天娜:
    我們香港人真的會一定揀外國的疫苗嗎?
  • 回覆 | 引用 | 舉報
  • 吡吡發表於 2020-12-22 06:14 PM via mobile
  • #4
  • 边個話香港人冇得揀?今個聖誔香港人系時候跟李超人包机飛返英国祖家,齊齊”做個勇敢英国人”嘞喂!
  • 回覆 | 引用 | 舉報
  • 吡吡發表於 2020-12-22 06:09 PM via mobile
  • #3
  • 話又説明啲,政府明知香港人有得揀实揀哂英国货,所以根本全部來货都系英国製造冇买大陸疫苗,你都吹唔脹遮!

  • 引用 #2 WinterS 發表於 2020-12-22 03:24 PM

    話又說回來,政府暗裏丟哂D冇人要的中國疫苖,有誰需要知!
  • 回覆 | 引用 | 舉報
  • WinterS發表於 2020-12-22 03:24 PM
  • #2
  • 話又說回來,政府暗裏丟哂D冇人要的中國疫苖,有誰需要知!
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ