• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

10/11/2017

呢班年青人,還懂得「尊重」嗎?

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  11月9號晚嘅旺角大球場,香港足球代表隊同巴林踢咗場友誼賽。從一開始,呢場比賽嘅結果無咩人關心,更加無人會講下港隊球員嘅技術狀態同戰術,焦點一直都喺「球迷」身上。果然符合「市場」嘅大部分人預期,國歌一高奏,球迷「噓」聲四起,有球迷唔起立,更有人立即起身去廁所。

 

  「國歌法」已經喺內地通過咗,香港作為中國嘅其中一個特別行政區,亦都即將會就「國歌法」,根據香港嘅本地情況而訂立法例。相信如果香港今日已經訂立法例,噚晚好多「搞事」球迷都已經係犯咗法,亦可能會面臨檢控。

 

  球迷究竟幾時開始噓國歌?回一回帶,2015年踢緊世界盃分組賽期間,當時香港政治氣氛已經非常凝重,中國足協喺6月出咗張海報,指香港隊「有黑皮膚、有黃皮膚、有白皮膚,這麼『有層次』的球隊,得防著點」,結果即時令香港球迷大反彈,指中國足協種族歧視。喺6月港隊主場對不丹,球迷就喺奏出義勇軍進行曲期間,出現「柴台」行為。自此之後,所有嘅香港主場賽事,一奏國歌都聽到「噓聲」,直至依家。

 

  睇完呢段歷史,可以話噓國歌呢個動作,一開始係單純支持港隊嘅行為,係可以理解;但係久而久之,噓國歌變成基本動作,變成為某些年青人喺政治上表達立場嘅表現,就變成為非常幼稚同埋唔知道咩係「尊重」嘅行為。

 

  噚晚場球賽之後,有傳媒訪問啲球迷,聽到佢地講嘅原因,真係令Tina擰晒頭;包括有球迷話不滿中國政府所以噓國歌,亦有人話知道將會立法,所以更加要噓國歌以表達不滿。呢班年青人根本唔明白體育係唔應該扯上政治。

 

  無論幾唔鍾意一個人或者係一個團體,後生仔係唔係就可以為所欲為,去做一啲唔尊重人嘅行為呢?你唔鍾意嘅人過咗身的話,你係唔係可以去佢嘅喪禮播返首「喜氣洋洋」呢?我會尊重你對身分認同有唔同見解;但喺球場上、喺儀式上播放國歌時作出呢種行徑,作為土生土長嘅香港人,我覺得你係丟緊我嘅架、丟緊全港市民嘅架!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【你點睇?】美國總統特朗普批評烏克蘭總統澤連斯基是「一位未經選舉的獨裁者」,俄烏戰爭早應停止。你是否認同特朗普的說法?► 立即投票

我要回應5

你可能感興趣

沒有相關資料。

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 新尼發表於 2017-11-20 12:11 PM via app
  • #6
  • 本來特朗普到訪中國,是全球外交盛事,可是三個青年人在這期間做出此種敗德行為,使其國家總統在外訪時蒙羞。

    同樣地香港少數青年人在國際球賽中噓本國國歌,又何嘗不令港人在這新聞傳到世界各地時蒙羞呢?

  • 引用 #5 新尼 發表於 2017-11-20 12:04 PM

    冇法咯,當年青人覺得"民主"最重要,其他如法治,道德等一律行埋一邊。 尼d咁既新一代,並非香港人福氣。 ...
  • 回覆 | 引用 | 舉報
  • 新尼發表於 2017-11-20 12:04 PM via app
  • #5
  • 冇法咯,當年青人覺得"民主"最重要,其他如法治,道德等一律行埋一邊。 尼d咁既新一代,並非香港人福氣。

    今次特朗普訪華出現左一個小插曲: 美國一隊籃球球在上海時,三名隊員在百貨公司高賣時被補。 依中國法律,店舖盜竊是刑事,分分鐘要坐牢。

    曰為中美目前外交關係在特朗普今次訪問中再創高峰,所以中方繹放了三名球員,條件是要立即離境,並在回美後交由其所屬大學訓導。

    事件雖然微不足道,但亦可見美國新一代青年德育甚差,因為係三人聯手高賣,而並非個別青年問題。

    回看香港,部份青年聯手噓國歌事件,亦是青年缺乏基本德育訓練,問題同出一撤。
  • 回覆 | 引用 | 舉報
  • 靚姐發表於 2017-11-20 11:27 AM
  • #4
  • 唔止丟架失禮, 更多嘅係作為香港人覺得悲哀!

    養成環境決定了年輕人的行為舉止。 他們有今日的表現百分百是「教」之禍。 可是「教壞細路」這種毒瘤遍佈整個社會各系統而又不可能割掉。

    就算立法之後冇再噓國歌又點? 民眾唔識尊重自己係首先要尊重別人呢個原則嘅社會有好前途嗎?
  • 回覆 | 引用 | 舉報
  • wkwong1966發表於 2017-11-18 09:08 AM
  • #3
  • 主持人想唔想我就唔知,不過我就想八吓,10個字係乜?
  • 回覆 | 引用 | 舉報
  • Wongky發表於 2017-11-17 11:25 AM
  • #2
  • 主持人, 其實背後道理很簡單,十個字講完, 想知道嗎?
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ