27/02/2024
鄭梓浩《中年好聲音2》10強止步!網民質疑賽果不公!本尊留言安撫:大家比我更緊張
《中年好聲音2》進入緊張階段,剛過去兩星期進行第十 部曲《雙語之歌,累積排名榜十強隆重登場》,在剛過去星期日(25日)播出下半場比賽,兩集共有3人分別奪得82分,同樣在危險區,經評判相議後決定鄭梓浩和陳燕娜要出谷。不少支持鄭梓浩的網民替他不值留言,兼且質疑賽果不公,最後要鄭梓浩留言平息安撫。
在這場「雙語之歌」對決,鄭梓浩獻唱《只想你會意/認錯》、陳燕娜獻唱《原諒自己/半途而廢》,一樣只得82分。昨晚陳燕娜唱歌後,被評唱得太似王菲而未能獲高分,張佳添說:「呢隻歌擺明係王菲陷阱,你就踩咗落去,似唔似王菲呢?起碼都 5、6 分㗎喇,個問題係你真係 用咗王菲嘅方法去唱,冇人可以唱得好過王菲㗎喇,咁點解你唔諗吓用其他方法呢?」
播出以來,不時有網民質疑評判的判決,每集播出後都有人質疑比賽造馬,或者有評判偏幫某一些參賽者。早前播出節目後,鄭梓浩貼出與劉可的合照,兼且答謝一直支持自己的網民,他寫道:「最感恩有你們一直嘅支持,跟著我一起經歷,我知道每次出場大家都很緊張,緊張我嘅成績,緊張我嘅表現.. 睇得出大家比我更緊張。」
之後不斷有很多網民鼓勵,但同時亦有不少人覺得賽果不公平,質疑造馬之嫌,看不過眼而留言,「亦係Brian你衝破一切勇於參賽,先能讓更多聽眾,認識到你成為你嘅歌迷,你已唱得非常好,劇本已定,你亦鬆一口氣,好好養好身體(聲帶),食返(番)多啲好嘢(參賽瘦咗),歌迷粉絲們期待下一次與你聚會」、「你永遠是我們粉絲心目中的冠軍」、「睇完確實唔開心,到而家都瞓唔著,期待你開live!另外都希望你已經痊癒」、「真係戥你唔抵! 估唔到你出局,其實你呢兩次都係帶病出賽真係非戰之罪, 點都好都要同你講一句:鄭梓浩我支持你」、「雖然吾(唔)太鐘意你,但今晚賽果替你不值,未至於被foul...點都好過2個女的…可惜」。
由於太多人留言,直斥是「不公平比賽」,帶病上陣的鄭梓浩見到都有親自留言安撫網民,「你來留言支持已經好開心」,有網民表示心痛,鄭梓浩就表示:「我鼓勵返(番)你」;另外亦有人指出:「劇本一早已定。我本來都好嬲,後來諗自己繼續支持梓浩就得,唔洗一定要贏比賽」,鄭梓浩都安撫謂:「智慧開朗」。今次鄭梓浩輸了一場賽事,卻贏得了民心。
同時,早前一集亦公布了MVP由古淖文得到,他得獎後表示:「今集對我非常特別,第一次以 Solo 姿態拎咗 9 字頭嘅分數, 特別想多謝一個人,佢係我音樂上最大嘅後盾,佢就係小辣椒谷婭溦老師,佢幫我改善咗啲咬字同江湖味,多謝你小辣椒!」離奇的時谷婭溦廣東話咬字發音都有待改善,則指導古淖文改善缺點。
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇