21/08/2023
盧瀚霆拒評ERROR郭嘉駿193「不謝票」論;Anson Lo:每個藝人做法不同,望現身戲院報答神徒包場
【晴報專訊】MIRROR成員盧瀚霆(Anson Lo)擔正的電影《釀魂》昨日舉行首映禮,近日ERROR主演的《陰目偵信》票房一般,郭嘉駿(193)在TG群組稱謝票並非義務,故拒再謝票;昨日Anson Lo指每個藝人做法不同,他自言希望能多多出席謝票,報答神徒(粉絲)包場支持。
Anson Lo現身即獲全場神徒歡呼,教主號召力驚人。
盧瀚霆昨日與姜大衞(John)、陳紫萱及吳肇軒等到沙田出席《釀魂》首映禮,吸引數百神徒逼爆現場。《釀魂》是Anson Lo第二部主演的電影,他強調不擔心票房︰「今次係劇情片,未必啱一家大細入場。(好多神徒包場?)好多謝佢哋,呢幾日都收到神徒嘅po,話已經包咗場。(多啲謝票?)我都想,同公司傾緊,畀多啲檔期去謝票。」
姜大衞透露在戲中被Anson Lo用棍大力扑,笑言好痛。
笑言體能好唔怕攰
問到體力能否應付連場謝票?Anson Lo說︰「近日我健康十分好,三餐定時多飲水,大家唔使擔心我好似年頭唔舒適嘅狀況。」提到ERROR主演的《陰目偵信》票房未如理想,Anson Lo自言未有留意票房數字,又指四子均熱愛演戲;至於郭嘉駿自言收到騷擾訊息,又指謝票並非義務,故不再出席謝票,Anson Lo不評論193的言論:「每個藝人有唔同做法,唔會comment佢做法啱定錯。(錫多啲神徒?)我會錫多啲支持自己嘅人。」
至於聲夢小花鍾柔美(Yumi)承認有欣賞Anson Lo上月的個唱,大讚好正及值得學習。Anson Lo笑說:「多謝讚賞,任何人嚟演唱會覺得開心,對我好大鼓舞,Yumi讚好睇都係好感動嘅事。(獲TVB歌手讚賞特別感動?)咁又唔會,大家同一圈子。(合作跳舞?)要睇公司安排。」此外,提到TVB舉辦選秀節目《亞洲超星團》,被指硬撼鏡仔,會否怕受威脅?Anson Lo稱︰「無留意,但希望每個節目成功,亦唔會驚,係好興奮嘅現象,多啲人跳唱仲好,大家互相啟發。」
193在TG群組聲稱拒再謝票,言論惹火。(資料圖片)
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇