27/09/2022
性感開窿Look現身台慶亮燈 陳瀅否認扮大牌推劇
【晴報專訊】無綫昨日舉行55周年台慶亮燈儀式,逾百位藝員現身造勢。台慶劇《美麗戰場》女主角陳瀅以開窿晚裝現身,搶盡全場風頭,她與《美》劇男主角陳山聰獲安排企中間拍大合照,明顯備受重視。陳瀅否認扮大牌推劇,強調早已向公司請假。
陳瀅對視后之爭未抱太大期望。
無綫昨日公布將推出多個全新綜藝節目及台慶劇集,四部台慶劇分別為《下流上車族》、《新四十二章》、《美麗戰場》及《超能使者》。近期人氣急升的陳瀅穿性感連身裙,裙子前後左右皆有窿窿勁搶fo,可惜她一落台便穿上外套遮掩。近日有指陳瀅獲無綫力捧,但她卻扮大牌推劇,寧願赴巴黎睇時裝騷。陳瀅昨日否認說︰「唔係咁樣,我半年前已經向公司請假兩至三星期,去外地出席朋友婚禮,不過我朋友個婚禮要延期,既然有空檔就去巴黎玩,兼睇時裝騷,我邊敢推job呀?」她早前主演的《痞子殿下》叫好叫座,加上在《美麗戰場》又擔正,令她被視為視后大熱,她回應說:「唔想因為獎項而太大壓力,只係《美麗戰場》播先所以有話題,仲有幾套台慶劇都未播。」
陳瀅(前右二)性感示人,《美麗戰場》監製葉念琛(前右一)大讚TVB有不少好演員。
劉佩玥及陳山聰同樣主演台慶劇《美麗戰場》及《超能使者》。
曾志偉對批評一笑置之
曾志偉
另外,無綫總經理曾志偉前晚有份主持港姐決賽,對於網民批評徐麟等落選佳麗廣東話太差,志偉說:「徐麟一路好落力學廣東話,可能太緊張講得急,所以聽唔明。」他強調不會因佳麗不諳廣東話而拒絕接納︰「只要佢有身份證就接納,佢有用心講,廣東話唔純正根本唔係大問題。」談及早前監警會委員余黎青萍點名批評港姐泳裝環節少布,志偉稱︰「唔會因為任何評論而(泳衣)多與少布。(被點名批評?)坊間回應比我回應更好,好多網友、電台同專欄都有評論,毋須多講。(受言論攻擊?)無所謂啦,呢個可能係我人生高度,唔平望唔通望天咩?」
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票