28/02/2022
首選何啟華做老公 花姐︰佢好識保護身邊人
【晴報專訊】男團MIRROR及ERROR人氣高企,經理人黃慧君(花姐)功不可沒,花姐最近接受網上節目《絲打圍爐》訪問,與主持楊詩敏(蝦頭)及嘉賓主持練美娟(娟姐)笑談男人。她們從MIRROR和ERROR 16子中揀老公、男友及情夫,花姐二話不說揀選何啟華(阿Dee)做老公︰「佢好識保護身邊人,又識講笑話,溫柔同率直。」至於男友,花姐就選擇楊樂文(Lokman)及江生(AK),而情夫則會選郭嘉駿(193),「佢有情趣又創新,唯一唔好就係唔可以帶佢偷食,太高收埋衣櫃會頂頭,『阿Dee返緊嚟要收埋193!』哈哈!」
花姐自認是「外貌協會會員」,又笑指自己婚前是「姣婆」。(影片截圖)
另外,前晚播出的一集《爆谷一周》,由花姐、Lokman、陳瑞輝(Frankie)及王智德(Alton)擔任嘉賓,期間花姐透露ViuTV總經理魯庭暉向她提出今年目標,是希望MIRROR的歌能登上美國Billboard排行榜。花姐聞言擘大個口,並笑指自己很蠢,曾經嘗試上網搜尋「如何上Billboard」。
花姐透露自己堅持揀選柳應廷(Jer)入MIRROR。(影片截圖)
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇