01/12/2021
獲網民推舉「我最喜愛男歌手」 陶大宇︰商台敢畀我敢攞
【晴報專訊】近日網上瘋傳陶大宇在內地登台時,獻唱劉德華歌曲《倒轉地球》的片段,網民取笑大宇唱歌走音甩beat超洗腦,找回他昔日唱《愛你一萬年》的片段狂loop,亦有人推舉他撼贏MIRROR四子及張敬軒,贏得「叱咤樂壇我最喜愛的男歌手」。
陶大宇日前在內地再唱《倒轉地球》,大曬「水撥」式招牌揮手。(抖音截圖)
身在廣州的大宇昨日接受《晴報》訪問,搞笑說想攞叱咤獎︰「如果商台敢畀我,我敢攞,我接古天樂嘅棒!」他透露想帶動氣氛,所以每次登台必唱《倒轉地球》,「唱功(方面),老實講,我唔係歌手,但我唔係五音不全…我娛樂到大家,我都開心。」有網民開設FB群組「我老婆鍾意咗陶大宇導致婚姻關係破裂關注組」,一日內狂吸逾八千粉絲,大宇笑說︰「當我見到呢個名時馬上笑到喊,呢個名充滿創意,真係好搞嘢,咁都諗到,好嘢!」
有網民改圖,指已「投票」給大宇贏男歌手獎。(網上圖片)
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇
我要回應