23/09/2021
新歌登榜首力爭新人獎 炎明熹︰唔恨攞獎
【晴報專訊】炎明熹(Gigi)日前推出新歌《真話的清高》,歌曲發布首日成為某串流平台熱門歌曲第一位,為她年尾爭奪新人獎打下強心針,但Gigi昨日明言不恨獲獎,並表示︰「攞多啲經驗先。」
Gigi透露中秋節期間吃了不少月餅及水果,十分滿足。
炎明熹昨日到荃灣出席中秋節活動,Gigi透露前晚中秋佳節,在家中與家人收看自己有份演出的大灣區中秋晚會,對於出道不久便能參與大型演出,Gigi開心道︰「今次係一個好好嘅機會,不過都係一步一步嚟,攞到經驗最重要…我都有少少緊張,但同各位前輩一齊表演個心就定啲,佢哋好似扶住我咁。」
Gigi在活動上首次公開獻唱新歌,她直言開學後沒有太多時間練歌,所以心情十分緊張。問Gigi對年尾爭奪新人獎可有信心?Gigi明言沒有理會今年的新人獎競爭︰「唔係講信心,做好自己就得。(唔恨攞獎?)我唔恨,攞多啲經驗先。」對於其他隊友都未有個人單曲,她表示︰「每個人嘅路都唔同,最主要等公司安排,咁我都覺得自己好幸運嘅,無諗過咁快有自己嘅歌,而大家又喜歡。」
文凱婷孫漢霖唔Kiss留幻想
(左起)文凱婷、冼靖峰、Gigi、蔡愷穎及孫漢霖昨日吸引大批粉絲到場支持。
緋聞情侶孫漢霖和文凱婷在台上打情罵俏。
至於同場的緋聞情侶文凱婷和孫漢霖,近日翻唱戴祖儀和涂毓麟的合唱歌《我們再不講再見》,兩人在MV中不時深情對望,但有網民就「投訴」二人沒有錫錫鏡頭,文凱婷表示︰「等大家有番啲幻想空間,kiss咗可能會幻滅,或者會覺得畫面好核突。(下次會真錫?)睇下首歌係咪需要,我哋再溝通下。」文凱婷指雙方的聲線難得地夾,即被追問性格是否也很夾?孫漢霖笑言︰「我哋年紀都唔係爭好遠,無乜代溝,不過暫時無乜機會再進一步發展。」文凱婷亦笑謂孫漢霖唱歌太好聽,令她有壓力,所以不太可能成為情侶。
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票