07/05/2019
哥倫比亞過原始生活 袁偉豪:幾乎用樹皮抹Pat Pat
【晴報專訊】袁偉豪(Ben)與楊明早前往哥倫比亞拍攝《打工捱世界III》,在當地亞馬遜森林度過原始生活。Ben昨日坦言18日旅程吃盡苦頭,幸好一返港便有女友張寶兒悉心照顧,令他甜到入心。
劇集《鐵探》將於本周五播大結局,昨日一班演員包括袁偉豪、王君馨、梁競徽及楊潮凱等,到銅鑼灣一間健身中心出席宣傳,適逢王君馨前日33歲生日,大會特別送上生日蛋糕慶祝。Ben日前拍完《打工捱世界III》從哥倫比亞返港,坦言今次旅程比上兩輯更辛苦:「淨係坐飛機都坐咗11次,因為地點之間相距太遠,加上第一輯已經係三年前,我覺得身體比當年弱咗,每晚收工都無晒力。」
梁競徽玩遊戲時相當落力。
Ben透露今次旅程做了不少粗重工作,例如深入礦洞揼石仔、又到亞馬遜森林探險。他說:「嗰度係哥倫比亞一帶嘅流域,係原始森林,基本上無人去,但拍出嚟風景好靚。」他笑言當地連基本的衞生設施也欠奉,令他「辦大事」後幾乎要用樹皮抹乾淨屁股。
問他回港後有否獲女友張寶兒安慰?他自言哥倫比亞的通訊設施不足,但他盡量每日與女友保特聯絡,他笑說:「返到香港,女友都有煲湯畀我飲,又畀藥我搽,佢都知我辛苦。」另外,有指鄧佩儀近日「進擊」周柏豪,Ben跟兩人合作拍《再創世紀》,他為對方澄清大家只是好友:「Gloria(鄧佩儀)好清純,可能佢喺外國返嚟,其實我哋幾個好friend,佢對我都好熱情。」
王君馨講明生仔要開刀
鍾嘉欣日前驚喜上門為王君馨賀壽。(IG圖片)
同場的王君馨前日生日,好友鍾嘉欣、姚子羚等為她驚喜慶祝,丈夫亦親自下廚及準備鮮花,令她十分開心。她表示鍾嘉欣更帶同囡囡Kelly為她賀壽:「我同老公都好開心見到身邊好友嘅小朋友慢慢長大,我哋都準備好心情去迎接呢回事(生B),不過我到時應該唔會自然分娩,預計一、兩年之後先啦!」
轉載自: 晴報
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票