一連三場《陳慧嫻30周年演唱會》前晚假紅館圓滿落幕，慧嫻入行30年有不少好友支持，首場有張學友現身，前晚又有容祖兒擔任表演嘉賓，其男友「師兄」劉浩龍亦有捧場。原來慧嫻和師兄識於微時，她還大讚對方是好男仔，令祖兒笑到四萬咁口。

慧嫻和祖兒正好代表兩個年代的樂壇天后。

　　陳慧嫻個唱尾場嘉賓是容祖兒，師兄更特別前來捧場。慧嫻唱足三小時，顯見寶刀未老，握手環節更讓歌迷獻吻及抱抱。自言明年即將踏入50歲的慧嫻，在台上甚懂得搞氣氛，得悉譚詠麟（阿倫）坐在控制台下，即自爆近視老花情況比他嚴重，以前經常笑他要借助字幕機睇歌詞，今次連她開騷都要特大字幕打上歌詞。慧嫻還感激阿倫教她減手臂的bye bye肉，令全場爆笑。

慧嫻首場咀完學友，前晚再咀祖兒，她笑言很回味學友之吻。 

老花近視勝過校長

　　今場邀得容祖兒擔任嘉賓，二人合唱祖兒名曲《痛愛》，並當眾咀嘴。慧嫻又透露自己與祖兒有共同朋友如蔡一智、鄭伊健等，曾經一起BBQ，當她談到入行30周年已49歲時，祖兒即驚訝反問：「你食咗防腐劑？」慧嫻告知她：「我喺雪櫃瞓覺嘅。」言談間慧嫻踢爆師兄亦是座上客，更笑謂：「佢（師兄）係好男仔，我細個十幾歲時，比我年輕十年嘅細佬成日帶阿龍嚟我屋企玩。」她不諱言不知何時可再度站到紅館舞台，最後慧嫻以一曲《傻女》為個唱畫上完美句號。

慶功宴上大方與前男友區丁玉合照，更乘機投訴對方頭場不肯幫忙聽音響。 

　　慶功宴上，慧嫻強調事前沒有度過在台上重提阿龍的事，連祖兒也不知她會在台上公開講。因此，她親自致電阿龍一定要出席，結果真的為全場帶來驚喜的一幕。

（撰文：Pauline　編輯：陳禮恒） 

轉載自晴報