04/09/2024
中秋節商場好去處 | 商場活動打卡推介!4.5米高巨型月亮影相超靚/小熊維尼勞蘇限定店/熊貓打卡樂園!呢個中秋市集買到人氣開心果糯米糍
話咁快中秋節就嚟到啦!港九各大商場中秋主題裝置已陸續登場,同時推出不同消費、餐飲優惠及泊車著數。商場設巨型月亮布置打卡位是意料中事,如果你係小熊維尼及勞蘇fans,必去主題限定店掃貨,有多款新推及期間限定精品外,同場亦有勁可愛打卡位。另外,有商場食住熊貓熱潮,以熊貓打卡樂園布置,4 米超萌仿真大熊貓等你抱抱。月餅買邊款好?各大中秋市集幫你盡搜羅,款式花多眼亂,據知荃灣「民豐粉麵行」人氣爆餡糯米糍更於商場設popup store,MUST GO!中秋節一家團聚梗係想食餐好,商場餐廳有咩著數優惠,又邊個商場推最高享免費泊車 5 小時?不妨一睇吓以下精選推介啱唔啱你心水!
中秋節商場好去處 | 1 YOHO MALL:小熊維尼、勞蘇主題甜蜜花園限定店!4 大打卡位 + 特別版精品首度登場
好得意呀!今個 9 月維尼及勞蘇fans一定要去小熊維尼及勞蘇主題甜蜜花園限定店,popup store將於 9 月 4 日至 9 月 22 日登陸元朗 YOHO MALL I 中庭。
粉絲一定要同 1.4 米高的立體勞蘇公仔、巨大化草莓萌熊、巨大化蜂蜜小熊及小熊維尼之森主題打卡位影相外,更不可錯過超過300款香港限定、日本及澳洲直送等全新及經典小熊維尼及勞蘇產品,包括限量推出毛絨匙扣、初秋適用的輕便毛毯、Winnie the Pooh抱抱士多啤梨抱枕等,另外勞蘇及小熊維尼寵物配飾及一系列日本直送寵物衫仔及寵物床。
有寵物的朋友,記得留意商場「中秋美食及寵物市集」,除可選購人氣特式月餅,亦可挑選自家製寵物月餅、多款可愛中秋主題寵物飾物、圍巾及玩具等,準備中秋節出動齊賞月。
FOOD & STYLE中秋美食及寵物用品市集
日期︰2024年9月4至22日
時間︰上午11時至下午9時
地點︰元朗 YOHO MALL I 中庭
電話︰2554 0023/2479 2208
山下菓子甜蜜花園限定店
日期︰2024年9月4至22日
時間︰上午11時至下午9時
地點︰元朗 YOHO MALL I 中庭
電話︰2554 0023/2479 2208
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】國家隊奧運健兒訪港,有市民指難以購票感到遺憾► 立即投票