水貨客肆虐，令多區的居民造成不便，加深中港矛盾，經常爆發衝突。除了地區外，港鐵東鐵線車廂亦是容易爆發衝突的地方。

　　昨日(3日)，有傳媒報道，指北區區議會委託顧問公司進行調查，發現87%的受訪者表示繁忙時間，車廂擠迫，71%的受訪者表示月台亦十分擠迫，近一半的受訪者表示列車的班次不足。部分受訪者歸咎於攜帶大型行李或手拉車的乘客。因此，顧問公司建議於東鐵線的車頭車尾，設立「特定行李車廂」，讓攜帶大型行李的乘客使用，以作分流之用。設計方面將會參考香港國際機場的旅客捷運系統車廂設計，而月台亦會安排特定的上落位置。此方案將於下周一(9日)交由北區區議會交通及運輸委員會討論。

　　意見一出，大部分的網友認為建議本末倒置，作用不大之餘更會有反效果－變相鼓勵水貨客來港。在本質方面，Wynton認為「走水貨係犯法，點解要香港人貼錢合法化？」；Sniper質疑：「水貨客問題，竟然要求設水貨客專用車廂，咁日本電車非禮問題，係唔係要設立痴漢專用車廂？」Evert則認為此措施只會助長水貨客愈來愈惡和蠻不講理。另一方面，我無錢則認為「都係雙贏局面」，Steve則認為「既然政府唔肯做嘢，咁要諗辦法去解決問題，而呢個諗法本身係無問題」。

　　香港不少團體一直都有爭取設立女性專用車廂、寵物專用車廂、單車專用車廂，今次為水貨客設專用車廂，惹來異議。Loy認為「香港人多年爭取就無人理，唔去制止水貨客卻要畀佢哋專用車廂服務係咩道理？」

　　假設最終還是會設立專用車廂，不少網友都應該執行上有困難。膠人硬膠膠表示：「如果唔係規定佢哋一定要用嘅話有人睬你？咪同依家大型行李照用扶手電梯一樣」，OmniBus表示「瞭解中國人特性，大家都會預咗到時爆咗咪又係坐其他車廂。而且中國人唔會特登走去頭尾，一定會直衝上車。地鐵連中國人唔畀錢搭頭等都解決唔到，可以指望佢執行到？」Raymond預料此舉會令到衝突發生，列車因關不到門而招到延誤，衝突包括「無法界定登車的是否水貨客」和「因第一卡於羅湖落車時較快過關，個個都在迫在第一卡車廂裏」。