22/03/2024 16:42
《開市Good Morning》溫傑周一講大市季結、美團業績
《開市Good Morning》香江魚缸今日繼續唔跟外圍行「獨立行情」,低開過百點反愈跌愈有,隨A股由頭跌到尾,藍籌近全軍覆沒,收市連16500都企唔住,跌363點,全日成交1356﹒528億銀,跌市成交增加當然唔係好事啦,意味著調整下仍未見買盤撈底,反而追沽。魚缸走勢反覆,本周喺16300至17000之間上落徘徊,技術上已經失守日線上升軌,下星期迎來期結、月結同季結,仲可唔可以守穩萬六關口? 美團(03690)上季經調整溢利43﹒75億銀,按年大增4﹒3倍,仲遠好過子屐預期的28﹒99億銀。至於投資者關注的新業務分部收入都按年升一成一。美團股價早前一直尋底,至2月迎來反彈,目前較年內低位已彈咗超過50%,放完榜表現仍值得憧憬?驚唔驚又出現「見光死」情況? 下星期一(25日)《開市Good Morning》搵嚟凱基亞洲投資策略部主管溫傑,同大家分析上述股份、大市走勢,當然唔少得當日嘅焦點股啦!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱youtube﹒com╱live╱fOu4EblEEHI 打個卡先又得!
【etnet 30周年】多重慶祝活動一浪接一浪,好禮連環賞! ► 即睇詳情